Adroddiad ar y Trefniadau Amlasiantaethol ar gyfer Diogelu’r Cyhoedd

Dyma’r wythfed adroddiad ar y Trefniadau Amlasiantaethol ar gyfer
Diogelu’r Cyhoedd (MAPPA) i’w gyhoeddi gan Fwrdd Rheolaeth Strategol
(SMB) MAPPA Dyfed Powys. Mae’r adroddiad yn cynnwys trosolwg byr o
drefniadau MAPPA lleol, rhywfaint o wybodaeth ystadegol, astudiaethau
achos i amlygu’r fath o waith a wneir, a phrif ddatblygiadau’r flwyddyn
ddiwethaf.

Prif amcan MAPPA Dyfed Powys yw diogelu’r cyhoedd trwy reoli risg o gyfeiriad
troseddwyr, ac felly i leihau’r nifer o ddioddefwyr trosedd ddifrifol. Mae’r
gwaith hwn yn un o brif flaenoriaethau’r Heddlu, y Gwasanaeth Carchardai, a’r
Gwasanaeth Prawf sydd, gyda’i gilydd, yn “Awdurdod Cyfrifol” MAPPA. Mae
llawer o asiantaethau eraill yn Nyfed Powys yn cyfrannu’n weithgar yn y gwaith
pwysig hwn.