Dirprwy Brif Gwnstabl

Dechreuodd Jackie Roberts ei gyrfa gyda Heddlu De Cymru ym 1983, lle bu’n gweithio am 21 mlynedd mewn lifrau ac yn CID. Trosglwyddodd i Heddlu Afon a Gwlad yr Haf yn Chwefror 2005, lle roedd yn Brif Gwnstabl Cynorthwyol.

Mae gan Ms Roberts Radd Baglor mewn Astudiaethau’r Heddlu o Brifysgol Morgannwg a Diploma Ôl-raddedig mewn Troseddeg Gymhwysol o Brifysgol Caergrawnt.

Yn Heddlu Afon a Gwlad yr Haf, hi oedd â’r portffolio Trosedd a Chyfiawnder Troseddol o Chwefror 2005 – Ionawr 2008 a’r Portffolio Gwasanaethau Diogelu o Ionawr 2008 – Medi 2009 yn cynnwys y 10 llinyn gwasanaethau diogelu.

Yn Heddlu Afon a Gwlad yr Haf, roedd gan Ms Roberts hefyd y cyfrifoldeb rhanbarthol dros yr Uned Cudd-wybodaeth Gwrthderfysgaeth, ac roedd yn Gadeirydd y Grŵp Tasgio a Chydlynu Rhanbarthol, Cadeirydd y Grŵp Arfau Saethu Rhanbarthol, Cadeirydd Penaethiaid Rhanbarthol CID, a Chadeirydd y Grŵp Llwybrau Cyffuriau gyda Swyddfeydd y Llywodraeth a phartneriaid eraill. Roedd hefyd yn Ddirprwy Brif Gwnstabl Dros Dro o Ragfyr 2006 - Ebrill 2007.

Yn y De-orllewin, Ms Roberts oedd arweinydd rhanbarthol ACPO ar gyfer Gwrthderfysgaeth (yn arwain y gwaith Galluoedd Gwrthderfysgaeth cychwynnol) a Chyffuriau (yn arwain y rhaglen ‘Street Level Up’ gyda’r Asiantaeth Troseddau Difrifol Trefnedig) yn ogystal â chynrychiolydd cenedlaethol ACPO ar gyfer Grŵp Gweithrediadau’r Prif Swyddogion Tân.

O fewn Heddlu Dyfed-Powys, mae Ms Roberts yn gyfrifol am Wasanaethau Corfforaethol, Newid Sefydliadol, y Cyfryngau a Chysylltiadau Cyhoeddus, Gwasanaethau Cyfreithiol, Adnoddau Dynol, Safonau Proffesiynol a Pherfformio.

Cymerodd Ms Roberts yr awenau oddi ar Mr Andy Edwards fel Dirprwy Brif Gwnstabl pan benodwyd ef yn Ddirprwy Brif Gwnstabl cyntaf y rhaglen cydweithredu Cymru gyfan. Mae penodiad Ms Roberts yn un hanesyddol i Heddlu Dyfed-Powys gan mai hi yw eu Prif Swyddog benywaidd cyntaf.