HafanGofalu am eich Olew Domestig
Mae pris disel ac olew domestig wedi codi. Mae hyn wedi arwain at gynnydd mewn lladrad disel o gerbydau masnachol ac olew o danciau domestig.
Trwy ddilyn yr awgrymiadau canlynol, gallwch helpu i ddiogelu eich hun rhag lladron tanwydd.
- Cadwch lygad rheolaidd ar lefel yr olew yn eich tanc.
- Os oes modd, cedwch lefel y tanwydd yn isel a pheidiwch â llanw’r tanc yn llawn
- Siaradwch â’ch cyflenwr ynglŷn â derbyn cyflenwadau bach ac aml
- Os oes gennych danc plastig, ystyriwch godi ffens o’i amgylch gan gynnwys drws sy’n cloi ar un ochr at bwrpas derbyn olew. Rhowch y ffens yn sownd wrth byst solet gan adael tua 12 modfedd rhwng y ffens a’r tanc a dylid dodi to arno hefyd.
- Os oes gennych danc metel, dodwch glo clap a bollten gyplu gaeedig arno.
- Os oes gennych oleuadau diogelwch allanol, gofalwch eu bod yn gweithio a bod y synhwyrydd yn anelu i’r cyfeiriad iawn.
Os ydych yn gwybod am unrhyw un sy’n mynd allan gyda drymiau a phibellau er mwyn dwyn tanwydd, cysylltwch â’ch Gorsaf Heddlu leol ar 0845 330 2000 neu ffoniwch Crimestoppers ar 0800 555 111.