Cysylltiadau Hygyrchedd

Hepgor Gwe-lywio

Hygyrchedd

Blaenoriaethau

1. Ymddygiad gwrthgymdeithasol - Penygroes / Heol Singleton a Pharc Y Tymbl 
2. Pobl ifanc yn ymgynnull ym maes parcio/ar dir Ysgol Gynradd Pontyberem
3. Goryrru yn Heol Waterloo a Heol Norton, Penygroes

Beth Rydym Ni Wedi’i Wneud

• Ymddygiad gwrthgymdeithasol ym Mharc y Tymbl
  Mae’r tîm wedi patrolio a thargedu’r ardal o ganlyniad i bryderon ynghylch pobl ifanc yn yfed alcohol yn y parc. Ni chanfuwyd bod pobl wedi bod yn yfed alcohol o fewn y parc ac ni atafaelwyd unrhyw alcohol. Siaradwyd â phobl ifanc lleol a’u cynghori ynghylch problemau ymddygiad gwrthgymdeithasol yn y parc. Aeth y tîm i’r clwb ieuenctid yn y Tymbl a sicrhau bod gweithwyr ieuenctid yn ymwybodol o’r broblem, ac yna gwnaethant gyfrannu at sgwrs grŵp gyda’r bobl ifanc ynghylch peryglon alcohol.
• Ymddygiad gwrthgymdeithasol ym maes parcio Neuadd Penygroes
  Cynhaliwyd patrolau ychwanegol, yn enwedig gyda’r nos ac ar benwythnosau. Siaradwyd â nifer o bobl ifanc a’u cynghori ynghylch gollwng sbwriel / ymddygiad gwrthgymdeithasol yn yr ardal. Trefnwyd menter ar y cyd rhwng y tîm, Cyngor Sir Gâr ac Ysgol Gynradd Penygroes ar gyfer y 9fed o Fawrth am 10am. Cynhelir diwrnod codi sbwriel ym mhentref Penygroes, gan ganolbwyntio ar faes parcio neuadd y pentref a’r maes chwarae er mwyn datrys y broblem.
• Problemau Parcio - Heol y Parc, Cefneithin
  Cynhaliwyd patrolau troed ar y darn hwn o’r ffordd - rhoddwyd nifer o daflenni / sticeri ar geir wedi’u parcio’n anghyfreithlon a siaradwyd â nifer o yrwyr hefyd ynghylch hyn. Siaradwyd â pherchennog Dyfed Menswear ac y mae wedi gosod dau arwydd ‘Dim Parcio’ y tu allan i flaen ei siop. Rhoddwyd taflenni ynghylch parcio’r tu allan i’r ysgol i bob rhiant yn Ysgol Gynradd Cefneithin a chynhaliwyd presenoldeb gweledol ar y darn hwn o’r ffordd drwy gydol Chwefror.

Pwy 'di Pwy

Arolygydd Paul Williams

Rhif Coler: -

Ymunodd yr Arolygydd Paul Williams â Heddlu Dyfed Powys ym mis Mehefin 1991.   Ar y dechrau, bu’n gweithio yn Llanelli cyn symud i Lwynhendy.  Enillodd ddyrchafiad i reng Sarjant yn Rhydaman ym 1996, lle y bu’n gwasanaethau am nifer o flynyddoedd cyn symud yn ôl i ardal Llanelli.  Yn 2001 fe’i penodwyd yn Swyddog Hyfforddi ar gyfer Rhanbarth Sir Gaerfyrddin, ac yna pasiodd i fod yn Arolygydd.   Cafodd ei ddyrchafu’n Arolygydd Adran yn Llambed yn 2004 cyn symud yn ôl i Gaerfyrddin yn 2006. Treuliodd gyfnod fel Prif Arolygydd dros dro gyda chyfrifoldeb am Adnoddau Dynol yn Rhanbarth Caerfyrddin cyn mynd yn Arolygydd Plismona Bro i Rydaman yn 2008.   Yr hyn y mae’n ei hoffi orau am y rôl yw helpu pobl a gwneud gwahaniaeth yn y gymuned.

Sarjant Mike Melly

Rhif Coler: 771

Mae Sarjant Mike Melly wedi bod gyda’r heddlu ers pymtheg mlynedd, cyfnod a dreuliwyd yn gyfan gwbl yn Sir Gaerfyrddin. Mae’n byw yn Sir Gâr ac mae’n credu bod hynny yn help iddo ddeall y problemau a’r pryderon sy’n bwysig i drigolion yr ardal hon. Gyda chefnogaeth y tîm plismona bro, mae’n gobeithio datblygu proffil y tîm a’r berthynas rhwng y tîm a’r gymuned leol.

PC Tony Davies

Rhif Coler: 525

Ymunodd PC Tony Davies â Heddlu Dyfed Powys ym 1985 ac mae wedi bod yn gweithio yn Crosshands ers 2003. Cychwynnodd yn ei rôl fel heddwas Plismona Bro ym mis Mawrth 2008.

PC Wyn Davies

Rhif Coler: 312

Ymunodd PC Wyn Davies â Heddlu Dyfed-Powys ym mis Mehefin 1995 ac mae wedi’i leoli yn Rhydaman a Crosshands. Fe ddechreuodd ar ei swydd gyfredol fel swyddog plismona bro ym mis Ionawr 2007.

PCSO Jade Miller

Rhif Coler: 8084

Mae PCSO Jade Miller wedi astudio gwyddorau’r heddlu a bu’n gwnstabl gwirfoddol gyda Heddlu De Cymru am 18 mis.

PCSO Stuart Davies

Rhif Coler: 8061

Ymunodd PCSO Stuart Davies â Heddlu Dyfed-Powys ym mis Ionawr 2005 fel cwnstabl arbennig. Yna fe ddechreuodd fel PCSO ym mis Ionawr 2007 a bu'n gweithio yng Nghydweli hyd at fis Tachwedd 2007 pan symudodd i adran Crosshands.

Cysylltu â'r Tîm

Beth Allwch Chi’i Wneud

Mynd i gyfarfodydd plismona bro, riportio troseddau ac ymddygiad gwrthgymdeithasol, cymryd rhan mewn gweithgareddau cymunedol a Gwarchod Cymdogaeth, ac ymweld â’ch cyngor lleol i gael gwybodaeth am gynlluniau diogelwch cymunedol yn eich ardal chi.

Mapiau Trosedd

I weld yr ystadegau troseddu ar gyfer eich ardal leol, ewch i wefan mapio trosedd Dyfed-Powys