Cysylltiadau Hygyrchedd

Hepgor Gwe-lywio

Hygyrchedd

Blaenoriaethau

1. Parcio y tu allan i Ysgol Llangynnwr
2. Cerbydau’n goryrru yn Llangynnwr.
3. Ymddygiad gwrthgymdeithasol yn ardal Tregynnwr.

Beth Rydym Ni Wedi’i Wneud

1. Parcio y tu allan i Ysgol Llangynnwr
   Parheir i fonitro problemau parcio ar draws y Ward o ran rhwystrau. Mae problemau parcio yn ardal Pen y Morfa ger yr ysgol wedi gwella er y bydd rhai adegau pan fydd digwyddiadau ac ymrwymiadau yn y lleoliad yn golygu y bydd cerbydau wedi eu parcio ar y ffordd ar rai adegau. Mae’r ysgol bob amser yn rhagweithiol a chefnogol mewn materion o’r fath, sydd er enghraifft wedi cynnwys anfon llythyrau i bob rhiant ynghylch parcio ar y llinellau igam-ogam melyn. Parheir i fonitro parcio’n gyffredinol ar draws y ward.
   

Pwy 'di Pwy

Arolygydd Steve Lee

Rhif Coler: -

Ymunodd yr Arolygydd Steve Lee â Heddlu Dyfed Powys ym 1996 ar ôl gweithio yn y diwydiant gwasanaethau cyhoeddus am 19 mlynedd. Bu’n gweithio fel PC yn Rhydaman a Chydweli cyn cael ei ddyrchafu’n Sarjant. Yna, bu’n gweithio yn Llanelli, Llambed a Sanclêr cyn cychwyn yn ei swydd gyfredol fel Arolygydd dros Adran Caerfyrddin Wledig. Dywedodd: “Rwy’n byw yn lleol ac mae’r ffaith fy mod yn gyfarwydd â’r gymuned leol wedi fy helpu i adnabod a delio gyda phryderon a phroblemau'r adran hon. Rwy’n disgwyl ymlaen i ehangu’r cysylltiadau sydd eisoes wedi cael eu ffurfio gyda’r cymunedau lleol a’n partner-asiantaethau, gyda’r bwriad o leihau nifer y troseddau a’r achosion o ymddygiad gwrthgymdeithasol, ac i godi proffil fy nhîm plismona bro.”

Sarjant Steve Glynn

Rhif Coler: 823

Ymunodd Sarjant Steve Glynn â Heddlu Gwent fel Cwnstabl ym 1990, lle y bu’n gwasanaethau am chwe blynedd fel swyddog trin cŵn.   Trosglwyddodd i Heddlu Dyfed-Powys yn 2003, ac aeth i weithio yn Llambed. Yn 2005 cafodd ei ddyrchafu’n Sarjant, ac arhosodd yn Llambed mewn rôl ymateb am gyfnod cyn symud i fod yn Sarjant Plismona Bro yng Nghaerfyrddin yn 2009.  Dywedodd, “Rwy’n edrych ymlaen yn fawr iawn at weithio yn y rôl hon, fydd yn cynnig her newydd i mi.  Rwy’n byw yn lleol ac mae materion plismona’r ardal yn bwysig i fi.  Rwyf hefyd yn edrych ymlaen at gwrdd â phobl a chydweithio’n agos â’r gymuned a’n partner-asiantaethau er mwyn helpu i atal a datrys troseddau a delio ag ymddygiad gwrthgymdeithasol”.

PC Mike Richardson

Rhif Coler: 414

Trosglwyddodd PC Mike Richardson i Heddlu Dyfed-Powys o Heddlu Gorllewin Canolbarth Lloegr yn 2005. Bu’n gweithio yn Aberdaugleddau i ddechrau cyn symud i Gaerfyrddin, ac ar ôl cyfnod yn gweithio gyda dyletswyddau ymateb fe ymgymerodd â'r swydd Swyddog Plismona Bro ar gyfer ardal Llangynnwr a Thregynnwr. Fe ddechreuodd ei yrfa yn y gwasanaeth iechyd cyn ymuno â Heddlu Gorllewin Canolbarth Lloegr yn 2001, lle bu'n gysylltiedig ag amrywiaeth o waith ymateb yr heddlu yn ardal Oldbury yn Smethwick.

PCSO Tomas Milne

Rhif Coler: 8087

Mae PCSO Tom Milne yn dod yn wreiddiol o’r Trallwng; bu’n astudio ym Mhrifysgol Abertawe ac enillodd radd mewn Hanes yn 2007. Mae wedi gweithio yn y sector  manwerthu yng Ngogledd Swydd Amwythig. Mae’n bêl-droediwr a golffiwr brwd, ac yn mwynhau pob math o chwaraeon.  Mae’n disgwyl ymlaen at wneud gwahaniaeth yn ardal Caerfyrddin a bydd yn ceisio mynd i’r afael â phroblemau lleol megis ymddygiad gwrthgymdeithasol a chŵn yn baeddu.  Mae Tom wrth ei fodd yn gweithio yng Nghaerfyrddin ac meddai “Mae gweithio i Heddlu Dyfed Powys yn gyffrous ac rwy’n gobeithio mynd ymlaen i gael gyrfa fel heddwas”.

Cysylltu â'r Tîm

Beth Allwch Chi’i Wneud

Mynd i gyfarfodydd plismona bro, riportio troseddau ac ymddygiad gwrthgymdeithasol, cymryd rhan mewn gweithgareddau cymunedol a Gwarchod Cymdogaeth, ac ymweld â’ch cyngor lleol i gael gwybodaeth am gynlluniau diogelwch cymunedol yn eich ardal chi.

Mapiau Trosedd

I weld yr ystadegau troseddu ar gyfer eich ardal leol, ewch i wefan mapio trosedd Dyfed-Powys