Cysylltiadau Hygyrchedd

Hepgor Gwe-lywio

Hygyrchedd

Blaenoriaethau

Llanfihangel ar Arth:

• Ymddygiad gwrthgymdeithasol ym Maescader, Pencader
• Pobl ifanc yn defnyddio mynydd Llanllwni fel trac rasio

Llanybydder:

• Gollwng sbwriel a mân ddifrod ym Mharc Llanybydder

Beth Rydym Ni Wedi’i Wneud

Llanfihangel ar Arth:

• Ymddygiad gwrthgymdeithasol ym Maescader, Pencader
  Ymagwedd amlasiantaethol gydag asiantaethau tai, CCTV a phatrolau llym 
• Pobl ifanc yn defnyddio mynydd Llanllwni fel trac rasio
  Mae’r heddlu’n targedu’r ardal 

Llanybydder:

• Gollwng sbwriel a mân ddifrod ym Mharc Llanybydder
  Siaradwyd â holl ddisgyblion ysgolion amgylchynol

Pwy 'di Pwy

Arolygydd Steve Lee

Rhif Coler: -

Ymunodd yr Arolygydd Steve Lee â Heddlu Dyfed Powys ym 1996 ar ôl gweithio yn y diwydiant gwasanaethau cyhoeddus am 19 mlynedd. Bu’n gweithio fel PC yn Rhydaman a Chydweli cyn cael ei ddyrchafu’n Sarjant. Yna, bu’n gweithio yn Llanelli, Llambed a Sanclêr cyn cychwyn yn ei swydd gyfredol fel Arolygydd dros Adran Caerfyrddin Wledig. Dywedodd: “Rwy’n byw yn lleol ac mae’r ffaith fy mod yn gyfarwydd â’r gymuned leol wedi fy helpu i adnabod a delio gyda phryderon a phroblemau'r adran hon. Rwy’n disgwyl ymlaen i ehangu’r cysylltiadau sydd eisoes wedi cael eu ffurfio gyda’r cymunedau lleol a’n partner-asiantaethau, gyda’r bwriad o leihau nifer y troseddau a’r achosion o ymddygiad gwrthgymdeithasol, ac i godi proffil fy nhîm plismona bro.”

Sarjant Simon Wright

Rhif Coler: 53

Ymunodd y Sarjant Simon Wright â Heddlu Dyfed Powys ym 1987.  Bu’n gwasanaethu fel swyddog mewn iwnifform ym Mhowys, Sir Benfro a Cheredigion yn ogystal â pherfformio rôl Arolygydd Rhanbarthol a rheolwr Uned Datblygiad Proffesiynol Rhanbarth Sir Gaerfyrddin cyn cychwyn fel Sarjant Tîm Plismona Bro ardal Caerfyrddin Wledig.   Mae ganddo Radd BA gydag Anrhydedd mewn Gwyddorau’r Heddlu o Brifysgol Morgannwg.  Mae Sarjant Wright yn awyddus i fynd i’r afael ag ymddygiad gwrthgymdeithasol, cyffuriau a throseddau treisgar a’i nod yw gwella hyder cymunedau ardal Caerfyrddin Wledig yn yr heddlu.

PC Rhydian Jones

Rhif Coler: 561

Mae PC Rhydian Jones wedi bod yn heddwas am 21 mlynedd ac ar hyn o bryd ef yw swyddog rhawd Llanybydder, Pencarreg a Llanfihangel ar Arth. Dywed, “Mae’r ffaith fy mod yn gallu siarad Cymraeg yn fy ngalluogi i gyfathrebu gyda’r cyhoedd yn ardaloedd mwy gwledig y rhanbarth.”

PCSO Craig Roderick

Rhif Coler: 8094

Mae Craig Roderick wedi bod yn PCSO ers mis Mawrth 2010 ac mae’n gweithio yn adran Pencader a Chastellnewydd Emlyn. Cyn hynny, roedd yn weithiwr cefnogi oedolion gydag anableddau dysgu ac awstistiaeth. Bu hefyd yn Gwnstabl Gwirfoddol yn Rhydaman am ddwy flynedd a hanner. Meddai Craig “Rwy’n siarad Cymraeg yn rhugl ac rwy’n disgwyl ymlaen at ymgysylltu â’r cyhoedd a gweithio gyda phartner asiantaethau wrth geisio diwallu anghenion a disgwyliadau’r gymuned”.

Cysylltu â'r Tîm

Beth Allwch Chi’i Wneud

Mynd i gyfarfodydd plismona bro, riportio troseddau ac ymddygiad gwrthgymdeithasol, cymryd rhan mewn gweithgareddau cymunedol a Gwarchod Cymdogaeth, ac ymweld â’ch cyngor lleol i gael gwybodaeth am gynlluniau diogelwch cymunedol yn eich ardal chi.

Mapiau Trosedd

I weld yr ystadegau troseddu ar gyfer eich ardal leol, ewch i wefan mapio trosedd Dyfed-Powys