Dyfed Powys Police | Heddlu Dyfed Powys
Page Content Starts Here

Crosshands

Ymddygiad gwrthgymdeithasol – Eglwys Dewi Sant, Tymbl a Gwesty’r Tymbl

  • Dydd Llun, Tachwedd 28, 2011
    Gwen 09 Maw 2012
    Amh.

    31/01/2012 - Mae Tîm Plismona Bro Cross Hands wedi cynnal patrolau rheolaidd yn y ddau leoliad ac ni welwyd neb yn yr un o’r lleoliadau. Mae’r Tîm Plismona Bro wedi siarad â phreswylwyr lleol a ddywedodd nad oes unrhyw bobl ifainc wedi bod yn ymgasglu yn yr un o’r lleoliadau, a’u bod yn hapus â’r presenoldeb heddlu sydd wedi cynyddu yn ddiweddar. Mae’r Tîm Plismona Bro wedi bod yn ymgysylltu’n agos â Bragdy Felinfoel mewn perthynas â’r problemau yng Ngwesty’r Tymbl ac nid oes ganddynt bryderon na materion mewn perthynas â phobl yn mynd mewn i’r eiddo.

Ymddygiad gwrthgymdeithasol - Heol Bryncwar, Penygroes

  • Dydd Llun, Tachwedd 28, 2011
    Gwen 09 Maw 2012
    Amh.

    31/01/2012 - Mae’r Tîm Plismona Bro wedi cynnal patrolau gyda’r hwyr yn y lleoliad ac ni welwyd unrhyw un yn ymgasglu yno. Siaradwyd â phreswylwyr lleol a ddywedodd na fu unrhyw weithgarwch yno yn ystod y mis.

Ymddygiad Gwrthgymdeithasol – Heol y Neuadd/Llys Rafelston a Neuadd y Tymbl

  • Dydd Iau, Ionawr 26, 2012
    Sad 10 Maw 2012
    Amh.

    23/02/2012 - Bydd y Tîm Plismona Bro yn cynnal patrolau amlwg yn yr ardal ac yn ymdrin ag unrhyw droseddau yn ôl yr angen. Bydd y Tîm Plismona Bro’n cysylltu â Chyngor Sir Caerfyrddin a Chyngor Cymuned Llannon er mwyn lleihau ofn trosedd ac ymddygiad gwrthgymdeithasol yn y lleoliad. Rhoddir adborth yn y cyfarfod PACT nesaf.

    26/01/2012 - Ymddygiad Gwrthgymdeithasol, Ravelston Court - mae'r Tîm Plismona Bro wedi targedu'r ardal trwy gydol y mis.  Siaradwyd â nifer o lanciau a chasglwyd eu manylion. Ar hyn o bryd, mae'r Tîm Plismona Bro'n cydlynu â Chyngor Sir Caerfyrddin a Chyngor Bro Llannon ynghylch y broblem barhaus, gyda'r bwriad o gydweithio i'w datrys. Mae ymholiadau ar y gweill i weld a oes modd amnewid yr hen arosfa bws am un o'r rhai Perspecs clir fel bod yr ardal yn llai atyniadol fel man ymgynnull.
    Rhoddwyd rhybudd Adran 27 - cyfarwyddyd i adael - i lanc lleol a gafwyd yn ymddwyn mewn modd gwrthgymdeithasol.
    Cynhaliodd Tîm Plismona Bro Cross Hands ymgyrch Ymddygiad Gwrthgymdeithasol dros y penwythnos  rhwng 24 a 26 Chwefror.  Casglwyd manylion nifer o lanciau, ond nid oedd yr un yn cyflawni ymddygiad gwrthgymdeithasol cyn i'r Heddlu gyrraedd. Ni dderbyniwyd yr un galwad am Ymddygiad Gwrthgymdeithasol yn yr ardal dros y penwythnos hwnnw.
    Bydd hyn yn parhau'n flaenoriaeth ar gyfer mis Mawrth.

Ymddygiad Gwrthgymdeithasol – Meysydd parcio, Pontyberem

  • Dydd Iau, Ionawr 26, 2012
    Sad 10 Maw 2012
    Amh.

    26/01/2012 - Mae'r Tîm Plismona Bro wedi patrolio gyda gwelededd uchel yn yr ardaloedd, ac ni welwyd unrhyw berson neu gerbyd yn yr ardal yn cyflawni Ymddygiad Gwrthgymdeithasol. Ni dderbyniwyd yr un galwad o’r gymuned.

Goryrru – Heol y Llew Du

  • Gorslas
    Dydd Iau, Chwefror 23, 2012
    Sad 10 Maw 2012
    Amh.

    23/02/2012 - Mae’r Tîm Plismona Bro’n ymgysylltu â’r Uned Plismona’r Ffyrdd a fydd yn targedu’r ardal drwy gydol y mis. Rhoddir adborth yn y cyfarfod PACT nesaf.

Blaenoriaethau Blaenorol

Sul, Mawrth 18, 2012

  • Cynhaliodd Tîm Plismona Bro Rhydaman ddigwyddiad amlddiwylliannol ym mhrif neuadd Ysgol Gyfun Dyffryn Aman ar y 4ydd of Fawrth 2012. Daeth torf fawr i’r digwyddiad - dros 350 o ymwelwyr i gyd! Cynhaliwyd y digwyddiad er mwyn denu pobl yn ein cymunedau o gefndiroedd gwahanol er mwyn ceisio cynnwys y saith llinyn amrywiaeth. 

    ''Roedd hi’n hen bryd cael digwyddiad o’r fath,” meddai un ymwelydd. “Nid wyf erioed wedi bod yn bresennol mewn digwyddiad mor bleserus a llwyddiannus yn yr ardal hon, ac rwy’n edrych ymlaen at yr un nesaf.” .

    Denodd y digwyddiad grŵp gwirfoddol y Cenhedloedd Unedig sy’n ymweld â’n hardaloedd er mwyn cynnal gwaith cymunedol, gwaith amaethyddol a gwaith amgylcheddol. Roedd y grŵp yn cynnwys myfyrwyr o wahanol wledydd ar draws y byd - Siapan, Rwsia, Yr Almaen, Yr Iseldiroedd, Groeg, Ffrainc a llawer mwy. Hefyd, roedd nifer o’r gymuned Thai a Ffilipino yn bresennol yn ogystal â grwpiau iaith Gymraeg, henoed, plant, y geidiaid, y deillion, amryw o sefydliadau a hefyd y cymunedau Tsieineaidd ac Indiaidd.

    Roedd amrywiaeth o adloniant a chyfleodd i flasu bwyd a roddwyd yn rhad ac am ddim ar gael i’r cyhoedd. Roedd y digwyddiad hefyd yn gyfle i’r cyhoedd siarad â’u cynrychiolwyr o’r Tîm Plismona Bro a dod i’w hadnabod, a rhoi eu barn nhw i ni am yr ardaloedd lle maent yn preswylio.

    Agorwyd y digwyddiad gan Faeres Rhydaman, Irena Hopkins. Hefyd, anerchwyd y gynulleidfa gan Jonathan Edwards AS. Roedd Paul Piano, Uwch Swyddog Datblygu o Fenter Rhwydwaith Amlddiwylliannol Llanelli, hefyd yn bresennol yn y digwyddiad.

     

Arolygydd Paul Williams 2105

  • Ymunodd yr Arolygydd Paul Williams â Heddlu Dyfed-Powys ym mis Mehefin 1991.   Ar y dechrau, bu’n gweithio yn Llanelli cyn symud i Lwynhendy.  Enillodd ddyrchafiad i reng Sarjant yn Rhydaman ym 1996, lle y bu’n gwasanaethau am nifer o flynyddoedd cyn symud yn ôl i ardal Llanelli.  Yn 2001 fe’i penodwyd yn Swyddog Hyfforddi ar gyfer Rhanbarth Sir Gaerfyrddin, ac yna pasiodd i fod yn Arolygydd.   Cafodd ei ddyrchafu’n Arolygydd Adran yn Llambed yn 2004 cyn symud yn ôl i Gaerfyrddin yn 2006. Treuliodd gyfnod fel Prif Arolygydd dros dro gyda chyfrifoldeb am Adnoddau Dynol yn Rhanbarth Caerfyrddin cyn mynd yn Arolygydd Plismona Bro i Rydaman yn 2008.   Yr hyn y mae’n ei hoffi orau am y rôl yw helpu pobl a gwneud gwahaniaeth yn y gymuned.

Sarjant Mike Melly 771

  • Mae Sarjant Mike Melly wedi bod gyda’r heddlu ers pymtheg mlynedd, cyfnod a dreuliwyd yn gyfan gwbl yn Sir Gaerfyrddin. Mae’n byw yn Sir Gâr ac mae’n credu bod hynny yn help iddo ddeall y problemau a’r pryderon sy’n bwysig i drigolion yr ardal hon. Gyda chefnogaeth y tîm plismona bro, mae’n gobeithio datblygu proffil y tîm a’r berthynas rhwng y tîm a’r gymuned leol.

PC Tony Davies 525

  • Ymunodd PC Tony Davies â Heddlu Dyfed-Powys ym 1985 ac mae wedi bod yn gweithio yn Crosshands ers 2003. Cychwynnodd yn ei rôl fel heddwas Plismona Bro ym mis Mawrth 2008.

PC Wyn Davies 312

  • Ymunodd PC Wyn Davies â Heddlu Dyfed-Powys ym mis Mehefin 1995 ac mae wedi’i leoli yn Rhydaman a Crosshands. Fe ddechreuodd ar ei swydd gyfredol fel swyddog plismona bro ym mis Ionawr 2007.

PCSO Jade Miller 8084

  • Mae PCSO Jade Miller wedi astudio gwyddorau’r heddlu a bu’n gwnstabl gwirfoddol gyda Heddlu De Cymru am 18 mis.

PCSO Stuart Davies 8061

  • Ymunodd PCSO Stuart Davies â Heddlu Dyfed-Powys ym mis Ionawr 2005 fel cwnstabl arbennig. Yna fe ddechreuodd fel PCSO ym mis Ionawr 2007 a bu'n gweithio yng Nghydweli hyd at fis Tachwedd 2007 pan symudodd i adran Crosshands.

Cyfarfodydd Bro

  • Ar y dydd Iau olaf bob mis

    Neuadd Gyhoeddus Cross Hands
    Dydd Iau 31 Mai, 7:00pm

Cymorthfeydd

  • 2il ddydd Mercher o bob mis.

    Neuadd y Pentref, Pontyberem
    Dydd Mercher 13 Mehefin, 12:00pm - 1:00pm

  • Dydd Mercher diwethaf o bob mis.

    Neuadd Goffa, Penygroes
    Dydd Mercher 30 Mai, 6:00pm - 7:00pm

  • Dydd Iau diwethaf o bob mis.

    Siop Goffi Co-op
    Dydd Iau 31 Mai, 3:00pm - 4:00pm

Darllenwch ddatganiadau i’r wasg diweddaraf Heddlu Dyfed-Powys