Llandybie

Ymunodd yr Arolygydd Paul Williams â Heddlu Dyfed-Powys ym mis Mehefin 1991.   Ar y dechrau, bu’n gweithio yn Llanelli cyn symud i Lwynhendy.  Enillodd ddyrchafiad i reng Sarjant yn Rhydaman ym 1996, lle y bu’n gwasanaethau am nifer o flynyddoedd cyn symud yn ôl i ardal Llanelli.  Yn 2001 fe’i penodwyd yn Swyddog Hyfforddi ar gyfer Rhanbarth Sir Gaerfyrddin, ac yna pasiodd i fod yn Arolygydd.   Cafodd ei ddyrchafu’n Arolygydd Adran yn Llambed yn 2004 cyn symud yn ôl i Gaerfyrddin yn 2006. Treuliodd gyfnod fel Prif Arolygydd dros dro gyda chyfrifoldeb am Adnoddau Dynol yn Rhanbarth Caerfyrddin cyn mynd yn Arolygydd Plismona Bro i Rydaman yn 2008.   Yr hyn y mae’n ei hoffi orau am y rôl yw helpu pobl a gwneud gwahaniaeth yn y gymuned.

Un o drigolion lleol Rhydaman yw Sarjant Teresa Ross. Mae’n briod a ganddi bedwar o blant. Ymunodd â Heddlu Dyfed-Powys yn 2000, gan weithio yn nhref Caerfyrddin. Aeth ymlaen i weithio fel Ditectif Cwnstabl am dair blynedd, a’i chyfrifoldeb oedd ardal Sir Gaerfyrddin. Cafodd ei dyrchafu’n Sarjant ym mis Ionawr 2006 ac mae wedi cymhwyso hyd at lefel Arolygydd. Bellach, Teresa yw’r Sarjant lleol ar gyfer Tîm Plismona Bro Rhydaman ac mae’n edrych ymlaen at weithio’n agos â’r cymunedau lle mae hi wedi byw a gwasanaethu fel swyddog yr heddlu.

Ganwyd a magwyd Sarah Yelland-Davies yn Llandeilo ac mae wedi bod yn Gwnstabl yr Heddlu gyda Heddlu Dyfed-Powys ers Medi 2003. Bu’n gwasanaethu cymuned Llanelli am bedair blynedd, ac yn 2007 bu’n gweithio ym mröydd gwledig Llandeilo a Llanymddyfri. Meddai Sarah, “ers trosglwyddo i Rydaman ac ymuno â’r Tîm Plismona Bro rydw i wedi fy nghyffroi ynghylch cydweithio â thîm ymroddgar a gweithgar o swyddogion ac asiantaethau partner, sy’n benderfynol o sicrhau bod anghenion a disgwyliadau’r cyhoedd yn eu hardal yn sail i flaenoriaethau plismona bro”.

Mae Alan Davies wedi gweithio fel PCSO gyda Heddlu Dyfed-Powys ers mis Hydref 2006. Cyn hynny, bu’n gwasanaethu gyda’r Awyrlu Brenhinol ac yna treuliodd gyfnod ym maes adwerthu. Cafodd ei eni a’i fagu yng Nghwm Gwendraeth. Meddai, “Fel rhan o’m gwaith fel PCSO, rwy’n awyddus i gyfrannu at blismona bro yn yr ardal trwy ddarparu patrolau gweladwy iawn a dod â thawelwch meddwl i’r cyhoedd.”