Gogledd Caerfyrddin (Abergwili, Cynwyl Elfed & Trevaughan)

Cynhaliwyd ymweliad safle rhwng Adran Priffyrdd Cyngor Sir Caerfyrddin a’r Tîm Plismona Bro. Awgrymwyd y dylid gosod bolardiau yn yr ardal sy’n achosi pryder. Cynhelir trafodaethau o fewn yr Adran Priffyrdd er mwyn ymdrin â hyn fel blaenoriaeth yn y flwyddyn ariannol nesaf. 

Ymwelodd eich Tîm Plismona Bro â Chyfarfod Cyngor Cymuned Cynwyl Elfed mis diwethaf, lle y cafwyd trafodaeth fanwl ynghylch y mater hwn. Mae eich Tîm Plismona Bro a’n Huned Plismona’r Ffyrdd yn parhau i fonitro’r ardal.  Mae trafodaethau rhwng Priffyrdd a’r Tîm Plismona Bro yn parhau ac rydym yn ceisio datrys y mater. Byddwn yn adrodd ar ein cynnydd yn y diweddariad nesaf.
Os oes gan unrhyw un bryderon am hyn neu unrhyw faterion eraill tebyg yn yr ardal, neu â gwybodaeth a allai cynorthwyo’r Tîm Plismona Bro i ddelio â’r mater hwn, cysylltwch â’r tîm drwy alw 101, neu anfonwch e-bost at CarmarthenTownNPT@dyfed-powys.pnn.police.uk

Mae gweithgarwch gorfodi cyflymder yn parhau ym mhentref Llanpumsaint a bydd ein Huned Plismona’r Ffyrdd yn canolbwyntio eu patrolau yn yr ardal hon. Mae trafodaethau’n cael eu cynnal gydag Adran Priffyrdd Cyngor Sir Caerfyrddin mewn perthynas â threfn y ffordd.

05/10/11 - Mae Gorfodi Cyflymder yn parhau ym mhentref Llanpumsaint. Cynhaliwyd nifer o ymweliadau gan yr Uned Plismona’r Ffyrdd a’r Tîm Plismona Bro lleol.

05/04/11 - Cychwynnwyd menter gorfodi cyflymder ym mhentref Llanpumsaint, gydag Uned Plismona’r Ffyrdd Heddlu Dyfed-Powys a’r Tîm Plismona Bro lleol yn ymweld â’r pentref.

Treuliodd swyddogion fore yn y pentref gyda chamera cyflymder mewn ymdrech i godi ymwybyddiaeth o’r cyfyngiadau cyflymder yn yr ardal.

“Mae’r fenter wedi arwain at roi 13 hysbysiad cosb benodedig i gerbydau a oedd yn teithio dros 30 milltir yr awr,” meddai PCSO Bethan Hodgkinson. “Mae dau wedi eu hystyried ar gyfer cwrs ymwybyddiaeth gyrru, a stopiwyd un gyrrwr am fethu â gwisgo gwregys.

“Yn ystod oriau mân y bore, riportiwyd un gyrrwr am yrru heb ofal.”

Hefyd, cynhaliwyd gwiriadau cyflymder ar Heol Bronwydd, a arweiniodd at un gosb benodedig i gerbyd a oedd yn teithio dros 30mya.

Ar hyn o bryd, mae’r Tîm Plismona Bro yn trefnu rhagor o ymgyrchoedd, ochr yn ochr â’r Uned Camerâu Diogelwch a’r Uned Plismona’r Ffyrdd.

Yn ddiweddar, cynhaliwyd ‘Diwrnod Ymwybyddiaeth Cyflymder’ ym mhentref Peniel. Cynhaliwyd y diwrnod ar y cyd rhwng eich Tîm Plismona Bro ac Adran Diogelwch y Ffyrdd Cyngor Sir Caerfyrddin. Rhoddwyd dau opsiwn i fodurwyr a gafodd eu dal yn goryrru. Yn gyntaf, rhoddwyd cyfle i fodurwyr siarad â disgyblion Ysgol Peniel fel bod modd iddynt wrando ar eu pryderon mewn perthynas â goryrru ger eu hysgol.  Os nad oeddynt yn dymuno gwneud hyn, rhoddwyd hysbysiad cosb benodedig neu wŷs iddynt.
Nod yr ymgyrch yw addysgu gyrwyr a chodi ymwybyddiaeth am yr effaith y mae cerbydau sy’n goryrru’n cael ar gymunedau lleol, a’r nod yw lleihau nifer y bobl sy’n cael eu lladd a’u hanafu’n ddifrifol bob blwyddyn ar y ffyrdd yn Sir Gaerfyrddin. 
 
Os oes gan unrhyw un bryderon am hyn neu unrhyw faterion eraill tebyg yn yr ardal, neu â gwybodaeth a allai cynorthwyo’r Tîm Plismona Bro i ddelio â’r mater hwn, cysylltwch â’r tîm drwy alw 101, neu anfonwch e-bost at CarmarthenTownNPT@dyfed-powys.pnn.police.uk

05/10/11 - Cynhaliwyd menter Gorfodi Cyflymder ym mhentrefi Rhydargaeau a Pheniel a arweiniodd at un hysbysiad cosb benodedig a dau gwrs ymwybyddiaeth cyflymder.

01/03/11 - Hefyd, mae gwiriadau cyflymder yn parhau i gael eu cynnal ar yr A485, Peniel. Cynhaliodd PC Huw Freeman a PCSO Bethan Hodgkinson wiriadau cyflymder a arweiniodd at roi 2 Hysbysiad Cosb Benodedig.