06/10/11 - Rydym wedi cynnal patrolau yn ystod amserau brig ac ar benwythnosau. Cynhelir cyfarfodydd rheolaidd gyda’r Cyngor Tref er mwyn nodi a chynllunio ar gyfer digwyddiadau arbennig o fewn yr ardaloedd siopa e.e. gwyliau bwyd ac arddangosfeydd celf a chrefft. Ymwelwyd ag ardaloedd siopa Rhodfa’r Santes Catrin a Rhodfa Myrddin a chynhelir cysylltiadau agos â’r timoedd rheoli er mwyn sicrhau bod siopa gyda’r hwyr a mentrau eraill yn cael eu plismona’n briodol. Mae rhaglen ddigwyddiadau a gweithgareddau’r Nadolig yn dod i ben, a chynhelir patrolau amlwg yn ystod yr amserau priodol er mwyn sicrhau diogelwch y cyhoedd ac atal troseddau.
06/10/11 - Mae Swyddogion Diogelwch Cymunedol yr Heddlu wedi ymweld â grwpiau ieuenctid lleol megis Dr M’s a menter Rathbone. Cynhaliwyd trafodaethau gyda’r bobl ifanc a datblygwyd perthynas â nhw.
Mae Swyddogion Cyswllt Ysgolion Heddlu Dyfed-Powys yn cyflwyno sesiynau dan y teitl Ymddygiad Cymdeithasol a’r Gymuned i blant a phobl ifanc o 5-16 oed sy’n cynnal cynllun gwaith ABGI o fewn ysgolion. Gellir gweld y rhaglen drwy fynd i www.schoolbeat.org ar y we.
Cynhaliwyd patrolau ar adegau penodol pan gall problemau godi, gan gynnwys nosweithiau canlyniadau TGAU a Lefel A ac Wythnos y Glas ym Mhrifysgol y Drindod Dewi Sant.
18/01/2012
Mae swyddogion yn parhau i gynnal patrolau rheolaidd yn yr ardal ac yn annog pobl i ddweud wrthynt os oes ganddynt unrhyw bryderon neu faterion y gallai’r heddlu eu cynorthwyo â nhw. Gallwch gysylltu â’r tîm drwy alw 101 neu anfonwch e-bost at CarmarthenTownNPT@dyfed-powys.pnn.police.uk
06/10/11 - Cynhaliwyd cyfarfodydd gyda Thîm Rheoli Traffig Cyngor Sir Caerfyrddin. O ganlyniad, gosodwyd pyst ar hyd yr ymgynullfan o flaen wal y castell er mwyn atal parcio yn yr ardal hon. Cymeradwywyd a gosodwyd arwyddion newydd i atgoffa modurwyr o’u dyletswyddau o ran parcio ar Sgwâr Nott.
Rhoddwyd hysbysiadau rhybudd i berchnogion siop yn yr ardal i’w hatgoffa nhw a’u staff o’r rheoliadau parcio.
Cynhaliwyd patrolau rheolaidd a rhoddwyd hysbysiadau cosb penodedig i yrrwr sydd wedi mynd yn groes i’r cyfyngiadau parcio.
Cynhaliodd Tîm Plismona Bro Tref Caerfyrddin dri chyfarfod PACT ym mis Chwefror 2011. Ychydig iawn a oedd yn bresennol. Byddwch yn ymwybodol os gwelwch chi’n dda y bydd manylion cyfarfodydd i ddod yn cael eu hysbysebu ar y wefan hon ac yn y wasg ac ar radio lleol.
Ymunodd yr Arolygydd Steve Lee â Heddlu Dyfed-Powys ym 1996 ar ôl gweithio yn y diwydiant gwasanaethau cyhoeddus am 19 mlynedd. Bu’n gweithio fel PC yn Rhydaman a Chydweli cyn cael ei ddyrchafu’n Sarjant. Yna, bu’n gweithio yn Llanelli, Llambed a Sanclêr cyn cychwyn yn ei swydd gyfredol fel Arolygydd dros Adran Caerfyrddin Wledig. Dywedodd: “Rwy’n byw yn lleol ac mae’r ffaith fy mod yn gyfarwydd â’r gymuned leol wedi fy helpu i adnabod a delio gyda phryderon a phroblemau'r adran hon. Rwy’n disgwyl ymlaen i ehangu’r cysylltiadau sydd eisoes wedi cael eu ffurfio gyda’r cymunedau lleol a’n partner-asiantaethau, gyda’r bwriad o leihau nifer y troseddau a’r achosion o ymddygiad gwrthgymdeithasol, ac i godi proffil fy nhîm plismona bro.”
Mae Sarjant Mark McSweeney wedi bod gyda Heddlu Dyfed-Powys ers dwy flynedd bellach. Ar hyn o bryd, mae’n gweithio gyda’r timoedd plismona bro ledled Ardal Caerfyrddin, gan gynnwys Tref Caerfyrddin, Gogledd Caerfyrddin, Gorllewin Caerfyrddin, Llangynnwr a Llanismel. Cyn symud at Heddlu Dyfed-Powys, treuliodd wyth mlynedd gyda Heddlu Llundain, lle y bu hefyd yn gweithio fel Sarjant Plismona Bro.
Ymunodd PC Ian Thomas â’r Tîm Plismona Bro ym mis Chwefror 2008. Bu’n gweithio yn Noc Penfro ac Abergwaun cyn cael swydd fel Hyfforddwr Ffitrwydd Corfforol a Hunanamddiffyn yr Heddlu, swydd y bu ynddi am ddeng mlynedd. Mae’n dod o Lanelli yn wreiddiol ond mae wedi bod yn byw yng Nghaerfyrddin am nifer o flynyddoedd bellach a chafodd ei blant eu haddysg yn yr ardal hon. Mae’n seiclwr brwd sy’n defnyddio’i feic ar gyfer cadw’n heini a theithio i’r gwaith. Dywedodd Ian, “Ar ôl bod mewn rôl anweithrediadol am amser maith, mae’n braf bod nôl ar y bît a mynd allan a chyfarfod pobl. Mae yna bwyslais o fewn y tîm ar waith partneriaeth ac rwy’n mwynhau rhyngweithio gydag asiantaethau eraill a defnyddio dulliau gweithredu sy’n seiliedig ar ddatrys problemau.”
Ymunodd PC Carl Mann â’r tîm ym mis Ionawr 2009. Bu’n gweithio i Heddlu Dyffryn Tafwys yn High Wycombe ers 1992. Yno bu’n gweithio mewn ardaloedd gweledig a threfol cyn mynd yn Diwtor-Gwnstabl. Ymunodd â Heddlu Dyfed-Powys yn 2001, gan weithio yn Hwlffordd a Hendy-gwyn cyn trosglwyddo i Gaerfyrddin. Cafodd ei eni yn Abertawe a symudodd i Sanclêr yn 1971, ac arhosodd ei deulu yn yr ardal honno pan ymunodd yntau â Heddlu Dyffryn Tafwys. Ei ddiddordebau hamdden yw gyrru beiciau modur a cherdded bryniau, naill ai yma yng Nghymru neu yn Nepal. Dywedodd, “Yr hyn yr wyf yn ei hoffi fwyaf am Blismona Bro yw helpu’r gymuned a’r henoed. Rwyf hefyd yn mwynhau helpu’r swyddogion shifft craidd i ddelio â throseddau ac ymholiadau eraill sy’n rhaid eu gwneud er mwyn cau pen y mwdwl ar achosion.”
Mae PCSO Bethan Hodgkinson yn dod o ogledd Cymru’n wreiddiol. Symudodd i Gaerfyrddin ym mis Medi 2002 i fynd i Goleg y Drindod i astudio Theatr, Cerddoriaeth ac Astudiaethau’r Cyfryngau, a graddiodd yn 2005 gyda gradd Baglor yn y Celfyddydau. Dechreuodd ei gyrfa i Heddlu Dyfed-Powys yn Rhagfyr 2005 wrth iddi weithio ar y dderbynfa ym Mhencadlys yr Heddlu, ac ym mis Mai 2006 gwireddodd ei gwir awydd i fod allan yn y gymuned yn datrys problemau cymunedol wrth iddi gael ei phenodi’n Swyddog Cefnogi Cymunedol yr Heddlu.
Y cyfarfod nesaf i’w drefnu. Ffoniwch y rhif di-frys 101 i siarad â’ch Tîm Plismona Bro.
Am 9pm yr hwyr ar 17 Ionawr, 2012, daethpwyd ar draws dyn oedd wrthi'n chwilio trwy gerbyd oedd...
Mae trelar gwerth £700 a ddefnyddiwyd i gludo defaid wedi’i ddwyn o du allan i eiddo ym...
Mae tua ugain siswrn tocio wedi’u dwyn o siop B&Q yng Nghaerfyrddin.
Mae’r sisyrnau...
Mae beic modur Honda wedi’i ddwyn o ardd gefn yng Nghaerfyrddin.
Aed â’r...
Mae ymchwiliadau’n cael eu cynnal i ddwy fyrgleriaeth a ddigwyddodd yng Nghwmffrwd rhwng y 1af a...
