Llangennech, Bryn a Hendy

Mae’r Arolygydd James Davies wedi bod yn y gwasanaeth ers ugain mlynedd.  Treuliodd y cyfnod diweddaraf yn Sir Gaerfyrddin - yn Llanelli a Chaerfyrddin ac fel arolygydd plismona bro gyda chyfrifoldeb dros ardal Tywi-Gwendraeth. Mae e hefyd wedi ei hyfforddi’n gomander trefn gyhoeddus yr heddlu. Mae wedi gweithio yn ystafell reoli’r heddlu yn y Pencadlys yn Llangynnwr ac mae hefyd wedi gwasanaethu ym Mhowys a gyda Heddlu Metropolitan Llundain, lle bu’n gweithio am 8 mlynedd gyntaf ei yrfa gyda’r heddlu, gan weithio’n bennaf yng Ngorllewin a De Llundain.

Daw’r Rhingyll Ian Francis o ardal Llanelli’n wreiddiol. Ymunodd â’r Heddlu Metropolitan yn 1987 gan weithio yn ne ddwyrain y ddinas. Trosglwyddodd i Heddlu Dyfed-Powys ym mis Mai 2001. Mae Ian wedi gweithio yng Nghaerfyrddin, Llwynhendy, Rhydaman a Phorth Tywyn, a bellach ef yw’r Rhingyll Plismona Bro ar gyfer ardaloedd plismona Llwynhendy a Felinfoel.

Trosglwyddodd PC Mike Richardson i Heddlu Dyfed-Powys o Heddlu Gorllewin Canolbarth Lloegr yn 2005. Bu’n gweithio yn Aberdaugleddau i ddechrau cyn symud i Gaerfyrddin, ac ar ôl cyfnod yn gweithio gyda dyletswyddau ymateb fe ymgymerodd â'r swydd Swyddog Plismona Bro ar gyfer ardal Llangynnwr a Thregynnwr. Fe ddechreuodd ei yrfa yn y gwasanaeth iechyd cyn ymuno â Heddlu Gorllewin Canolbarth Lloegr yn 2001, lle bu'n gysylltiedig ag amrywiaeth o waith ymateb yr heddlu yn ardal Oldbury yn Smethwick.

Ymunodd y PCSO Steve Lloyd â Heddlu Dyfed-Powys ym mis Hydref 2006, a chafodd ei leoli yng ngorsaf Llwynhendy. Cyn hynny bu’n athro ysgol gynradd yn Sir Gâr, ond ar ôl treulio sawl blwyddyn yn y dosbarth, penderfynodd ei bod yn bryd newid gyrfa a dod yn PCSO. Dywed, “Roedd y rôl yn apelio i fi am nifer o resymau - yr amrywiaeth, rwy’n treulio llawer o amser yn yr awyr agored ac rwy’n cyfarfod ag aelodau o’r gymuned ac yn ceisio diwallu eu hanghenion.”

Cafodd Angharad Thomas ei geni a’i magu yn Llanelli a bu’n ddisgybl yn Ysgol Gyfun Glan y Môr cyn mynd i goleg y Graig, Llanelli, lle yr astudiodd Lefelau A.  Ar ôl gadael y coleg, ymunodd Angharad â Heddlu Dyfed-Powys gan weithio fel swyddog clerigol o fewn yr Adran Cyfiawnder Troseddol yng Nghaerfyrddin. Arhosodd yn y swydd hon am bedair blynedd.

Ym mis Rhagfyr 2011, gwnaeth Angharad gais i ddod yn Swyddog Cefnogi Cymunedol yr Heddlu (PCSO) o fewn Heddlu Dyfed-Powys a chychwynnodd ar ei hyfforddiant ym mis Chwefror 2012. Ar ôl cwblhau ei chwrs, ymunodd Angharad â Thîm Plismona Bro Llanelli Wledig ac mae wedi’i lleoli yng Ngorsaf Heddlu Llwynhendy. 

Uchelgais Angharad yw dod yn Swyddog Heddlu llawn amser ac mae hi’n awyddus i ennill cymaint o brofiad a gwybodaeth â phosibl yn ei swydd bresennol. Ar ôl cael ei phenodi, dywedodd Angharad, “Rwy’n hoff iawn o ymdrin â phobl a’u helpu ac rwy’n awyddus i ymgysylltu â’r gymuned leol yn Llwynhendy er mwyn darparu’r gwasanaeth orau posibl i wella ansawdd eu bywydau.”