Llwynhendy a Bynie

Mae’r Arolygydd James Davies wedi bod yn y gwasanaeth ers ugain mlynedd.  Treuliodd y cyfnod diweddaraf yn Sir Gaerfyrddin - yn Llanelli a Chaerfyrddin ac fel arolygydd plismona bro gyda chyfrifoldeb dros ardal Tywi-Gwendraeth. Mae e hefyd wedi ei hyfforddi’n gomander trefn gyhoeddus yr heddlu. Mae wedi gweithio yn ystafell reoli’r heddlu yn y Pencadlys yn Llangynnwr ac mae hefyd wedi gwasanaethu ym Mhowys a gyda Heddlu Metropolitan Llundain, lle bu’n gweithio am 8 mlynedd gyntaf ei yrfa gyda’r heddlu, gan weithio’n bennaf yng Ngorllewin a De Llundain.

Daw’r Rhingyll Ian Francis o ardal Llanelli’n wreiddiol. Ymunodd â’r Heddlu Metropolitan yn 1987 gan weithio yn ne ddwyrain y ddinas. Trosglwyddodd i Heddlu Dyfed-Powys ym mis Mai 2001. Mae Ian wedi gweithio yng Nghaerfyrddin, Llwynhendy, Rhydaman a Phorth Tywyn, a bellach ef yw’r Rhingyll Plismona Bro ar gyfer ardaloedd plismona Llwynhendy a Felinfoel.

Trosglwyddodd PC Mike Richardson i Heddlu Dyfed-Powys o Heddlu Gorllewin Canolbarth Lloegr yn 2005. Bu’n gweithio yn Aberdaugleddau i ddechrau cyn symud i Gaerfyrddin, ac ar ôl cyfnod yn gweithio gyda dyletswyddau ymateb fe ymgymerodd â'r swydd Swyddog Plismona Bro ar gyfer ardal Llangynnwr a Thregynnwr. Fe ddechreuodd ei yrfa yn y gwasanaeth iechyd cyn ymuno â Heddlu Gorllewin Canolbarth Lloegr yn 2001, lle bu'n gysylltiedig ag amrywiaeth o waith ymateb yr heddlu yn ardal Oldbury yn Smethwick.

Ymunodd PCSO Zara Simisker â’r Heddlu ym mis Ionawr 2007 a daeth yn syth i weithio yn Ystradgynlais. Mae wedi bod yn gysylltiedig â chynlluniau ieuenctid o fewn Powys. Yn ei hamser sbâr, mae’n mwynhau cymdeithasu gyda’i ffrindiau a mynd ar wyliau egsotig!

Ymunodd y PCSO  Tom Edwards â Heddlu Gorllewin Swydd Efrog ym 1976 gan drosglwyddo i Heddlu Dyfed-Powys ym 1983. Roedd yn arolygydd pan ymddeolodd o’r Heddlu ym mis Hydref 2006 ar ôl deng mlynedd ar hugain o wasanaeth. Yn fuan wedyn, fe’i penodwyd yn PCSO i weithio yng Ngorsaf Heddlu Llwynhendy. Dywed y PCSO  Edwards, “Gan ystyried fy ngwybodaeth a’m profiad blaenorol, teimlwn fod hwn yn gyfle ardderchog i ddefnyddio’r wybodaeth a’r profiad hwnnw er lles y gymuned ehangach. Mae’n debyg iawn i’r hen drefn lle’r oedd ‘bobi ar y bît’ – dyma beth mae’r gymuned leol wedi bod yn galw amdano ers cryn amser ac maent yn ei werthfawrogi.”