Aberteifi Wledig

Ganed yr Arolygydd Louise Bradshaw yn Lloegr ond yna symudodd i Gymru gan fynychu Ysgol Gyfun Aberaeron a Phrifysgol Cymru, Aberystwyth cyn ymuno â Heddlu Gorllewin Canolbarth Lloegr.  Dychwelodd i Geredigion yn 2002 gyda’i theulu a bu’n gweithio mewn gwahanol fannau ar draws y sir.  Mae ganddi brofiad amrywiol ac eang gan iddi weithio mewn dinasoedd ac ardaloedd gwledig ac mewn nifer o feysydd megis plismona’r ffyrdd, y ddalfa, cudd-wybodaeth a diogelu’r cyhoedd.

Ganwyd a magwyd y Sarjant Alison Rees yn Sir Benfro. Ymunodd â Heddlu Afon a Gwlad yr Haf yn 1986 a threuliodd 8 mlynedd ym Mryste cyn trosglwyddo yn ôl ‘adref’ i Ddyfed-Powys yn 1994. Ar ôl dychwelyd, fe’i lleolwyd yng Ngorsaf Heddlu Aberteifi, lle mae wedi gwasanaethu fel Cwnstabl a Sarjant. Ym mis Ionawr 2007 ymunodd â’r Tîm Plismona Bro, a hi sy’n gyfrifol am oruchwylio’r Swyddogion Bro yng Nghanolbarth a De Ceredigion.

Mae PC Alun Jones wedi gwasanaethu fel Heddwas gyda Heddlu Dyfed-Powys ers dros ugain mlynedd. Treuliodd ddwy flynedd yn Y Drenewydd ym Mhowys ac ers hynny mae wedi gweithio yn Hendy-gwyn, Pencadlys yr Heddlu yng Nghaerfyrddin, Llambed, Llandysul, ac Aberaeron. Mae wedi bod yn aelod o’r Tîm Plismona Bro sy’n gyfrifol am ardal Aberteifi Wledig ers mis Hydref 2006.

Mae Heather Cave wedi bod yn PCSO yn ardaloedd Tref Aberteifi, Aberteifi Wledig a Llandysul, gan weithio o Orsaf Heddlu Aberteifi, ers mis Ionawr 2007. Cyn dod yn PCSO, roedd yn gweithio fel Swyddog Cyswllt i Adran Dai Cyngor Ceredigion a chyn hynny, bu’n gweithio gyda Prism fel swyddog prosiect Cyfiawnder Troseddol a Chydlynydd Cyswllt Ysbytai. Fe’i magwyd yng Ngogledd Sir Benfro ac aeth i Ysgol y Preseli.