Hwlffordd

Mae’r PC Carolyn Davies wedi bod yn swyddog plismona bro yn nhref Hwlffordd ers Mehefin 2006. Ymunodd â Heddlu Dyfed-Powys dros 13 mlynedd yn ôl ac ymgartrefodd yn Sir Benfro saith mlynedd yn ôl. Ers bod yn swyddog Plismona Bro mae wedi sefydlu cysylltiadau ardderchog â’r ieuenctid lleol trwy’r coleg, ac mae yn awr yn disgwyl ymlaen at ehangu’r gwaith da hwn ar y cyd â’r tîm newydd o PCSOs.

Mae’r PCSO Dave Owen wedi byw yn Sir Benfro ers dros 30 mlynedd ac arferai fod yn ddisgybl yn Ysgol Sir Thomas Picton. Ers ymuno â’r tîm plismona bro, mae PCSO David Owen wedi dysgu llawer am y gymuned leol yn Hwlffordd a sut mae amryw o asiantaethau o fewn y gymuned yn cydweithio. Dywedodd: “Yr agwedd orau o’r gwaith yw bod yn rhan o dîm penodol a chydweithio’n agos gyda’m cyd-swyddogion.”

Ymunodd PCSO Rachel Wall â’r tîm plismona bro ym mis Mawrth 2007. Mae’n gyfrifol am ardal y Garth yn Hwlffordd. Mae Rachel wrth ei bodd yn cwrdd â’r bobl leol ac yn datblygu partneriaethau sy’n cydweithio er mwyn creu bro sy’n fwy sefydlog ac yn fwy diogel.

Bydd PCSO Emma Roberts yn llenwi swydd wag a fydd yn codi yn nhîm Aberdaugleddau wrth i PCSO Kelly Early symud i Dyddewi. Magwyd PCSO Roberts yn Sir Benfro ac mae’n edrych ymlaen at helpu i ddatrys problemau yn yr ardal leol.

Bu PCSO Liam Woodford yn gweithio yn Efrog Newydd fel hyfforddwr chwaraeon i bobl ifanc am bum mlynedd. Mae ganddo radd mewn Addysg Awyr Agored ac Astudiaethau Chwaraeon. Ers dechrau yn y swydd mae wedi mwynhau cyfarfod a gweithio gyda phobl ifanc yr ardal ac mae wedi ffurfio perthynas agos â Choleg Sir Benfro a’r ysgolion lleol.