Dinbych-y-pysgod

Arolygydd Tim Hoad 2041

Sarjant Geraint Lewis 108

PC Nigel Lewis 182

• 

  Ymunodd PC Nigel Lewis â Heddlu Dyfed-Powys ym mis Ionawr 1986. Bu’n gwasanaethu yn Aberdaugleddau, Neyland, Dinbych-y-pysgod, yr Adran Hyfforddi Rhanbarthol, Hwlffordd, Doc Penfro ac Arberth cyn dychwelyd i Ddinbych-y-pysgod ym mis Awst 2010 fel Rheolwr Plismona Bro. Yn ystod ei yrfa bu’n gyfrifol am diwtora dwsinau o fyfyrwyr yr heddlu a ddaeth i weithio yn Sir Benfro, gan rannu cyfoeth o wybodaeth a phrofiad gyda nhw. Mae’n hyfforddwr mewn amryw o bynciau, gan gynnwys Cymorth Cyntaf, ac yn aseswr NVQ. Mae PC Lewis yn byw yn lleol yn Pentlepoir ac yn uwch wirfoddolwr gyda’r elusen enwog Ambiwlans Sant Ioan. Mae’n disgwyl ymlaen at ymgymryd â’r heriau a fydd yn ei wynebu yn ei rôl, ac i gydweithio gydag aelodau o’r gymuned, y cyngor, busnesau ac asiantaethau partner eraill er mwyn datrys problemau heddiw ac yn y dyfodol.

PCSO Mandy Goodland 8083

• 

  Ymunodd PCSO Mandy Goodland â Heddlu Dyfed-Powys ym mis Medi 2007. Cyn hynny roedd bu’n berchen ar ei Salon Prydferthwch ei hun ers pum mlynedd ar hugain ac, ar ôl ennill Tystysgrif Addysg i Raddedigion, roedd hefyd yn gwneud peth darlithio mewn colegau. Mae Mandy yn briod, mae ganddi ddau o blant ac mae’n byw yn Pentlepoir ger Saundersfoot. Mae’n mwynhau dod i adnabod y cyhoedd, datrys problemau a gweithio mewn tîm; mae’n credu bod siarad a thrafod yn ffordd dda o ddatrys llawer o broblemau ac mae’n cael cyfle i wneud hynny yn ei rôl fel PCSO. Yn ei hamser sbâr, mae Mandy yn mwynhau cerdded llwybr yr arfordir, yfed gwinoedd da a chael prydau blasus mewn bwytai.

PCSO Idwal David 8001

• 

  Idwal David oedd un o’r PCSOs cyntaf i ymuno â’r heddlu hwn. Mae wedi gweithio yn Llanelli a Hwlffordd cyn dod i Ddinbych-y-pysgod. Aeth i Ysgol Greenhill cyn cychwyn gyrfa gyda’r Llynges Frenhinol. Dywedodd Idwal: “Mae gweithio mewn partneriaeth â’r bobl a’r busnesau lleol yn nhref Dinbych-y-pysgod a’r ardal gyfagos yn rhoi pleser mawr i mi. Trwy gydweithio gyda’n gilydd, rwy’n siŵr y gallwn, dros y blynyddoedd sydd i ddod, fynd i’r afael â materion ansawdd bywyd sy’n effeithio’n ddyddiol ar bob rhan o’r boblogaeth.”