Aberhonddu Wledig

04/05/2012 - Mae'r Tîm Plismona Bro ynghyd â Thîm Targedu, Uned Plismona Ffyrdd Canolbarth Cymru a swyddogion patrôl mewn lifrau yn parhau â'u tasg o gynnal patrolau Heddlu amlwg o fewn ardaloedd gwledig.

20/03/2012 - Mae’r Tîm Plismona Bro o hyd yn ymgysylltu â ffermwyr lleol a chynnal patrolau amlwg mewn ardaloedd gwledig er mwyn rhoi tawelwch meddwl ac atal trosedd. Mae’r Tîm yn mynd i Farchnadoedd Da Byw gan roi cyngor atal trosedd ynglŷn â chadw beiciau cwad a pheiriannau fferm yn ddiogel. Hefyd, mae swyddogion wedi bod yn annog ffermwyr lleol i riportio unrhyw gerbydau neu weithgarwch amheus a welir mewn ardaloedd gwledig yn syth.

13/02/2012 - Mae’r Tîm Plismona Bro wedi ymweld â nifer o ffermydd yn ardal Llan-gors gan roi cyngor diogelwch a sicrwydd mewn ymateb i gyfres o ladradau diweddar. Hefyd, bydd Swyddogion Cefnogi Cymunedol yr Heddlu’n ymweld â marchnadoedd da byw lleol, gan gysylltu â’r gymuned amaethyddol, i roi cyngor diogelwch a chyngor cyffredinol mewn perthynas â throseddau gwledig.

04/05/2012 - Mae patrolau rhagweithiol yn parhau i gael eu cynnal gyda'r nod o adnabod troseddwyr teithiol sy'n cyflawni trosedd yn ardal Heddlu Dyfed-Powys.

20/03/2012 - Parhaodd yr heddlu i gynnal patrolau amlwg yn yr holl ardaloedd gwledig ym mis Chwefror. Dim ond un trosedd a riportiwyd mewn perthynas â lladrad olew. Mae swyddogion yn parhau i annog ffermwyr lleol i riportio unrhyw gerbydau neu weithgarwch amheus a welir mewn ardaloedd gwledig yn syth.

13/02/2012 - Mae’r Tîm Plismona Bro wedi ymweld â nifer o ffermydd yn ardal Llan-gors gan roi cyngor diogelwch a sicrwydd mewn ymateb i gyfres o ladradau diweddar. Hefyd, bydd Swyddogion Cefnogi Cymunedol yr Heddlu’n ymweld â marchnadoedd da byw lleol, gan gysylltu â’r gymuned amaethyddol, i roi cyngor diogelwch a chyngor cyffredinol mewn perthynas â throseddau gwledig.

04/05/2012 - Mae'r Tîm Plismona Bro yn parhau i weithio'n agos gydag Uned Plismona Ffyrdd Canolbarth Cymru sy'n ymroi i batrolio yn yr ardal. Mae nifer o droseddau yn cael eu targedu gan gynnwys gyrwyr sy'n yfed, troseddau adeiladu a defnyddio, gwrthdrawiadau traffig ar y ffyrdd/problemau Diogelwch ar y Ffyrdd a phob trosedd arall yn ogystal â goryrru.

20/03/2012 - Mae’r Tîm Plismona Bro yn parhau i weithio mewn partneriaeth gydag Adran Priffyrdd Cyngor Sir Powys er mwyn adnabod patrymau goryrru drwy ddefnyddio Dyfeisiau Dangos Cyflymder. Mae Uned Plismona’r Ffyrdd Canolbarth Cymru’n parhau i gynnal patrolau rheolaidd yn yr ardal, ac mae ymholiadau’n cael eu gwneud gyda’r Adran Partneriaeth Camerâu Cyflymder er mwyn ceisio sicrhau argaeledd y Fan Camera Diogelwch mewn lleoliadau penodol yn yr ardal wledig. Mae’r Swyddogion y Tîm Plismona Bro hefyd wedi parcio cerbydau heddlu mewn lleoliadau strategol er mwyn darparu presenoldeb amlwg a gweithredu fel rhwystr i fodurwyr sy’n goryrru yn Llan-gors a Chapel Isaf.

13/02/2012 - Er mwyn mynd i’r afael â materion goryrru yn ardal Aberhonddu, mae Uned Plismona’r Ffyrdd Canolbarth Cymru yn parhau i gynnal patrolau rheolaidd yn yr ardal, gyda meysydd o bryder penodol yn cael eu cynnwys fel rhan o Gynllun Strategol eu patrôl. Mae’r Tîm Plismona Bro hefyd yn ceisio sicrhau defnydd Dyfais Dangos Cyflymder mewn ardaloedd sy’n achosi pryder ac yn gweithio’n agos gydag Asiantaethau Partner er mwyn datblygu defnydd o’r dyfeisiau hyn ymhellach yn ardal Aberhonddu.