Tref Aberhonddu

Ymunodd yr Arolygydd Reed â Heddlu Dyfed-Powys yn 1992. Mae ef wedi ymrwymo tuag at weithio gyda chymunedau Sir Frycheiniog.

Ymunais â Heddlu Dyfed Powys ym mis Ebrill 1985 ac rwyf wedi gwasanaethu ym Mhowys yng Ngorsafoedd Aberhonddu, Y Drenewydd ac Ystradgynlais. Rwyf wedi gweithio yn Adran Traffig y Ffyrdd, fel Sarjant y Ddalfa ac fel Sarjant Ymateb.

Yr wyf yn awr wedi ymgymryd â rôl Sarjant Rheoli Bro dros Sir Frycheiniog lle byddaf yn cydweithio gyda’r Sarjant Adele Pitt. Mae hon yn rôl newydd, fydd yn cefnogi’r Tîm Rheoli Bro yn Sir Frycheiniog.

A minnau yn berson lleol a addysgwyd yn Ysgol Uwchradd Aberhonddu, rwy’n awyddus i weithio gyda chymunedau Sir Frycheiniog gan ddarparu gwasanaeth sy’n mynd i’r afael â’r materion sy’n peri pryder iddynt.  Gwneir hyn gyda chefnogaeth partneriaid yr ydym eisoes wedi datblygu perthynas waith ardderchog â hwy.

Ymunais â Heddlu Dyfed-Powys yn 1986 a chefais fy lleoli yn Llanelli. Rwyf wedi gweithio mewn gorsafoedd heddlu eraill dros y blynyddoedd gan gynnwys Porth Tywyn, Dinbych-y-pysgod, Llandrindod a’r Gelli Gandryll. Des i i Aberhonddu ym 1991 a chefais fy nyrchafu i reng Rhingyll yn 2007. Rwyf nawr wedi ymgymryd â rôl Rhingyll Rheoli Bro Strategol ar gyfer Sir Frycheiniog a byddaf yn gweithio ochr yn ochr â’m cydweithwraig y Rhingyll Adele Pitt. Dyma rôl newydd a fydd yn rhoi cymorth i’r Timoedd Rheoli Bro sydd eisoes yn bodoli o fewn Sir Frycheiniog. Rwyf o’r ardal a chefais fy addysg yn Ysgol Uwchradd Aberhonddu a Phrifysgol Abertawe. Rwy’n awyddus i weithio gyda chymunedau Sir Frycheiniog a darparu gwasanaeth sy’n mynd i’r afael â’r materion sydd o bryder i bob cymuned. Cyflawnir hyn gyda chymorth ein partneriaid. Eisoes, rydym wedi adeiladu perthynas waith ardderchog gyda nhw.

Ymunodd PC Sara Meredith â Heddlu Dyfed-Powys yn 2003. Roedd wedi ei lleoli’n wreiddiol yn Llandrindod, ac yn ddiweddarach roedd ynghlwm â’r Uned Gwasanaethau Cwsmer ym Mhowys. Y mae nawr wedi ei lleoli yn Aberhonddu, ac yn cymryd yr awenau oddi ar PC Andy Pole fel Rheolwraig Bît ychwanegol i weithio ochr yn ochr â  PC Steve Nichols a’r Tîm Plismona Bro. Mae Sara’n byw’n lleol ac yn llawn ymwybodol o broblemau ac anghenion lleol. Mae’n swyddog sy’n llawn hunan-ysgogiad ac sy’n wynebu pob her newydd â brwdfrydedd.

Mae PC Steven Nicholls yn swyddog bro arbenigol sy’n gweithio’n agos gyda’r fasnach drwyddedu er mwyn lleihau trosedd dreisgar.

Ymunodd Martin â Heddlu Dyfed-Powys yn 2001.Mae’n mwynhau gweithio o fewn y gymuned ac ymdrin â phroblemau lleol. Mae’n gyfrifol am Ward Dewi Sant yn Aberhonddu.

Mae PCSO Hope yn gyfrifol am Ward Sant Ioan, Aberhonddu.

Mae Andy Rogers yn dod yn wreiddiol o Grymlyn, tref fechan y tu allan i Goed-duon, Gwent. Aeth i’r brifysgol yng Nghaerdydd lle’r enillodd radd mewn Cymdeithaseg a Throseddeg a Chyfiawnder Troseddol. Ar ôl gadael y Brifysgol bu Andy yn gweithio fel Gweithiwr Cymdeithasol gydag oedolion ag awtistiaeth a phroblemau ymddygiad.  Mwynheuodd Andy ei gyfnod yn y rôl hon a roddai llawer o foddhad iddo, fodd bynnag, roedd gweithio i’r Heddlu yn rhywbeth yr oedd wedi dymuno ei wneud erioed. Ym mis Mawrth eleni ceisiodd am swydd fel PCSO gyda Heddlu Dyfed-Powys a chafodd ei dderbyn a’i benodi i weithio yn Llwynhendy. Mae Andy yn hoff iawn o chwaraeon yn enwedig pêl-droed, rygbi a sboncen, ac mae’n cefnogi Dreigiau Gwent.

Mae’r Cwnstabl Gwirfoddol Williams wedi bod yn aelod ymroddedig o deulu’r heddlu ers iddo ymuno â Heddlu Dyfed-Powys ym 1994, ac mae wedi mwynhau cyflawni amryw o rolau yn ystod ei gyfnod gyda’r gwasanaeth.

Mae’n byw yn Aberhonddu gyda’i bartner a’i ferch ac yn gweithio fel goruchwylydd yn y diwydiant adeiladu gyda chwmni lleol hirsefydlog.

Yn ei amser sbâr, mae’n mwynhau cerdded bryniau, codi pwysau, chwarae’r gitâr a’r mandolin a chanu mewn band.

Ymunais â Heddlu Dyfed-Powys ym mis Mawrth 2011. Rwy’n awyddus i gael fy ngweld yn helpu’r gymuned leol. Rwy’n gweithio fel gofalwr mewn ysgol uwchradd fawr yn y Cymoedd. Yn ystod fy amser hamdden, rwy’n mwynhau chwaraeon modur a ffitrwydd.

Ymunais â Heddlu Dyfed-Powys ym mis Mawrth 2011. Cefais fy addysgu yng Ngholeg Crist, ac ar hyn o bryd rwy’n gorffen fy ngradd mewn ffoto-newyddiaduraeth. Dewisais ddod i Aberhonddu gan mai yno y cefais fy magu ac rwy’n awyddus i weithio o fewn y gymuned rwy’n ei hadnabod.

Fy enw i yw Rhodri Herbert, ac ymunais â Heddlu Dyfed-Powys fel Cwnstabl Gwirfoddol ym mis Mawrth 2011. Yn fy amser hamdden, rwy’n mwynhau cadw’n heini trwy redeg a nofio, a phan nad wyf yn plismona, rwy’n hyfforddwr nofio. Rwy’n edrych ymlaen at weithio gyda’r gymuned a helpu i ddatrys rhai o’r problemau.