Talgarth a Gwernyfed

Ymunodd yr Arolygydd Reed â Heddlu Dyfed-Powys yn 1992. Mae ef wedi ymrwymo tuag at weithio gyda chymunedau Sir Frycheiniog.

Ymunais â Heddlu Dyfed Powys ym mis Ebrill 1985 ac rwyf wedi gwasanaethu ym Mhowys yng Ngorsafoedd Aberhonddu, Y Drenewydd ac Ystradgynlais. Rwyf wedi gweithio yn Adran Traffig y Ffyrdd, fel Sarjant y Ddalfa ac fel Sarjant Ymateb.

Yr wyf yn awr wedi ymgymryd â rôl Sarjant Rheoli Bro dros Sir Frycheiniog lle byddaf yn cydweithio gyda’r Sarjant Adele Pitt. Mae hon yn rôl newydd, fydd yn cefnogi’r Tîm Rheoli Bro yn Sir Frycheiniog.

A minnau yn berson lleol a addysgwyd yn Ysgol Uwchradd Aberhonddu, rwy’n awyddus i weithio gyda chymunedau Sir Frycheiniog gan ddarparu gwasanaeth sy’n mynd i’r afael â’r materion sy’n peri pryder iddynt.  Gwneir hyn gyda chefnogaeth partneriaid yr ydym eisoes wedi datblygu perthynas waith ardderchog â hwy.

Ymunais â Heddlu Dyfed-Powys yn 1986 a chefais fy lleoli yn Llanelli. Rwyf wedi gweithio mewn gorsafoedd heddlu eraill dros y blynyddoedd gan gynnwys Porth Tywyn, Dinbych-y-pysgod, Llandrindod a’r Gelli Gandryll. Des i i Aberhonddu ym 1991 a chefais fy nyrchafu i reng Rhingyll yn 2007. Rwyf nawr wedi ymgymryd â rôl Rhingyll Rheoli Bro Strategol ar gyfer Sir Frycheiniog a byddaf yn gweithio ochr yn ochr â’m cydweithwraig y Rhingyll Adele Pitt. Dyma rôl newydd a fydd yn rhoi cymorth i’r Timoedd Rheoli Bro sydd eisoes yn bodoli o fewn Sir Frycheiniog. Rwyf o’r ardal a chefais fy addysg yn Ysgol Uwchradd Aberhonddu a Phrifysgol Abertawe. Rwy’n awyddus i weithio gyda chymunedau Sir Frycheiniog a darparu gwasanaeth sy’n mynd i’r afael â’r materion sydd o bryder i bob cymuned. Cyflawnir hyn gyda chymorth ein partneriaid. Eisoes, rydym wedi adeiladu perthynas waith ardderchog gyda nhw.

PC Tommy Swales yw Rheolwr Bît Plismona Bro ardal Talgarth.  Mae wedi bod yn Heddwas ers 1996, a bu’n gweithio yn Aberhonddu a’r Gelli yn ystod y cyfnod hwnnw.  Cyn ymuno, roedd yn saer coed ac asiedydd; bu’n gweithio yn bennaf yn Llundain a thu hwnt, a threuliodd flwyddyn yn yr Unol Daleithiau.  Cafodd y fraint o gapteinio tîm pêl-droed a golff Heddlu Dyfed-Powys gan ddefnyddio ei brofiad fel sbortsmon brwd.  Mae hefyd wedi cynrychioli ei sir enedigol, Swydd Efrog, mewn pêl-droed, criced, athletau a nofio, a treuliodd gyfnod yn chwarae pêl-droed ar lefel uwch i dîm Darlington. Mae wedi byw yn yr ardal hon ers 1997 bellach; mae’n briod gyda dau o blant ac mae ei  wraig hefyd yn swyddog heddlu.  Dywedodd: “Rwy’n edrych ymlaen yn bennaf at weithio’n agos gyda’r gymuned leol; rwyf am leihau ofn trosedd a gwella ansawdd bywyd pobl.  Rwy’n credu y bydd fy mlynyddoedd o brofiad fel heddwas lleol o gymorth mawr i mi.  Rwy’n mwynhau siarad â’r gymuned leol ac i mi, mae bod allan ar y bît yn sgwrsio gyda’r bobl leol yn un o agweddau mwyaf boddhaol y rôl.”

Ymunodd Simon â Heddlu Dyfed-Powys ym mis Mawrth 2007. Mae’n mwynhau gweithio o fewn y gymuned ac ymdrin â phroblemau lleol. Mae’n gyfrifol am adrannau Crucywel a’r Gelli Gandryll.