Llanwrtyd

27/07/11 - Cynhaliwyd patrolau yn Llanwrtyd gyda’r nos ar y
penwythnosau a siaradwyd  â rhai
o’r plant.  Byddaf yn parhau i
fonitro’r sefyllfa a gobeithiaf gael ymateb cadarnhaol i’m hadroddiad yn y Grapevine ynghylch defnyddio’r rhif
101.  Rwyf wedi ymgysylltu â’r
adran drwyddedu ynghylch yr adroddiadau hyn a chewch ddiweddariad yn ystod y
misoedd nesaf.

09/06/11 - Daeth i’m sylw fod problemau yn ystod y bore gyda rhywrai yn ymddwyn mewn modd gwrthgymdeithasol (gall fod yn bobl ifanc lleol, neu rhai yn gadael tafarndai yn hwyr y nos); gan ymddwyn yn swnllyd, gweiddi, canu, taflu poteli ar y sgwâr ayyb. Rwyf wedi ymweld â thafarndai lleol a’u cynghori ynghylch yr ymddygiad niwsans hwn ar ôl oriau cau, yn arbennig ar ôl y digwyddiad lle yr oedd gwydr wedi torri ar y sgwâr. Byddaf yn parhau i ymweld â thafarndai lleol wrth batrolio’r dref gyda’r hwyr. Yn ystod y patrolau hyn, rwyf wedi siarad â nifer o bobl ifanc sydd yn ymgasglu ar y sgwâr. Roedd pob un ohonynt yn gyfeillgar ac yn hapus i siarad â swyddogion. Rhoddwyd geiriau o gyngor iddynt, ond mae’r rhan fwyaf ohonynt yn honni nad nhw sydd allan am 3am. Rwyf hefyd wedi gofyn i bobl gysylltu â ni ar adeg y digwyddiad os oes problem. Ar hyn o bryd, ychydig iawn o alwadau a dderbynnir mewn perthynas ag ymddygiad gwrthgymdeithasol yn Llanwrtyd ar yr amserau hyn. Mae angen i bobl gysylltu â ni i riportio’r problemau hyn fel ein bod ni’n gallu gweld unrhyw broblemau wrth iddynt ddigwydd. Byddaf yn parhau i weithio ar y flaenoriaeth hon, ac rwy’n gobeithio y byddaf yn derbyn yr adroddiadau er mwyn gweithredu’n fwy cadarnhaol.

09/06/11 - Mae’r toiledau wedi eu cloi dros nos am fis bellach, ac yn ôl adroddiadau lleol, bu gostyngiad sylweddol iawn o ran ymddygiad gwrthgymdeithasol yn yr ardal honno. Dim cwynion am bobl ifanc yn loetran gan greu sŵn ac achosi difrod pob awr o’r nos. Hefyd, cafwyd ymateb gadarnhaol wrth Gyngor Sir Powys. Dywedasant na fu cymaint o lanast i’w glirio o fewn y toiledau fel y bu o’r blaen, ac ni achoswyd difrod yno. Mae hyn oll yn bositif iawn, ac rwy’n hapus i ddod â’r flaenoriaeth hon i ben oni geir problemau pellach.

27/07/11 - Does dim mwy o wybodaeth gennyf ar hyn o bryd oddi
wrth asiantaeth y bartneriaeth camerâu.   Maent yn dal i edrych ar safleoedd yn Llanwrtyd a
gobeithiwn weld fan mesur cyflymder yn y dref cyn bo hir.

09/06/11 - Rwyf wedi siarad â Suzanne Davies o’r Bartneriaeth Camerâu Diogelwch. Maent yn dal i ystyried safle yn Llanwrtyd. Maent wedi coladu data Goryrru a Gwrthdrawiadau ar gyfer y dref, maent wedi edrych ar y ffactorau cymunedol e.e. lleoliadau ysgolion, siopau, tai ayyb, a nawr, maent yn ystyried arwyddion ar gyfer y dref. Mae problem fechan gyda rhai o’r arwyddion, ac maent wedi gofyn i Asiantaeth y Priffyrdd edrych ar hyn. Maent yn disgwyl canlyniad wrthynt ar hyn o bryd. Byddaf yn ceisio diweddariad yn ystod y mis nesaf.