Llanfair Caereinion

Llun, Gorffennaf 18, 2011

• Cynhaliwyd cymorthfeydd cymunedol yn yr Orsaf Heddlu Symudol yn Llanfair. Cawsom ymateb da gan drigolion yr ardal.
   
  Mae’r heddlu’n parhau i weithio mewn partneriaeth gydag adran dai Cyngor Sir Powys er mwyn datrys ffrae rhwng cymdogion.
   
  Cynhaliwyd patrolau rheolaidd yn y dref, ar droed ac mewn cerbyd, yn dilyn difrod i ffenestr eglwys yn ddiweddar.
   
  Arestiwyd dyn lleol yn dilyn ymosodiad mewn tafarn yn y dref. Mae e wedi derbyn gorchymyn llys am ymosodiad cyffredin.
   
  Derbyniwyd 6 galwad mewn perthynas ag ymddygiad gwrthgymdeithasol (niwsans). Mae pob un ohonynt yn ymwneud â ffrae rhwng cymdogion. Rydym ni, ynghyd â’n Hasiantaethau Partner, yn delio â hyn.
   
  Ni dderbyniwyd adroddiadau am ladradau, byrgleriaethau, gwrthdrawiadau traffig y ffyrdd na throseddau’n gysylltiedig â chyffuriau.
   
  Rydym yn annog aelodau’r gymuned i gysylltu â’r heddlu’n syth ar y rhif difrys 101 os ydynt yn gweld unrhyw ymddygiad gwrthgymdeithasol yn y dref. Os ydynt yn credu bod y mater yn fwy difrifol, dylid galw 999.

Sarjant Darren Brown 144

• 

  Ymunodd Sarjant Darren Brown â Heddlu Dyfed/Powys ym 1990.  Treuliodd ei yrfa hyd yn hyn yn Sir Drefaldwyn a bu’n gweithio fel swyddog ymateb, Sarjant y Ddalfa ac mewn rôl oruchwyliol.  Symudodd Darren o’r Drenewydd i’r Trallwng fel Goruchwylydd y Tîm Rheoli Bro ym mis Medi 2010.  

  ‘Rwyf yn oruchwylydd dros Dîm Rheoli Bro’r Trallwng sy’n cwmpasu ardaloedd Y Trallwng, Llanfyllin a Llanfair Caereinion.  Nod ein tîm yw gwella ein dulliau ymgysylltu a rhoi mwy o gefnogaeth i’n cymunedau a’r asiantaethau partner er mwyn darparu presenoldeb amlwg a datrys y materion sy’n cael effaith ar fywyd beunyddiol ein cymunedau’.

PC Gayle Jones 733

• 

  Ymunodd y Cwnstabl Gayle Jones â Heddlu Dyfed Powys ym 1996 ac mae wedi gweithio yng Ngogledd Sir Drefaldwyn drwy gydol ei gyrfa.  Ymunodd â’r Tîm Rheoli Bro ym mis Mawrth 2011 a hi sy’n gyfrifol am ardal Llanfair Caereinion.

  ‘Fy nod yw gweithio ar y cyd â’n partneriaid er mwyn cynorthwyo’r gymuned i ddatrys y problemau sy’n cael effaith andwyol ar fywydau pobl o ddydd i ddydd.’

PCSO Tomas Milne 8087

• 

  Mae PCSO Tom Milne yn dod yn wreiddiol o’r Trallwng; bu’n astudio ym Mhrifysgol Abertawe ac enillodd radd mewn Hanes yn 2007. Mae wedi gweithio yn y sector  manwerthu yng Ngogledd Swydd Amwythig. Mae’n bêl-droediwr a golffiwr brwd, ac yn mwynhau pob math o chwaraeon.  Mae’n disgwyl ymlaen at wneud gwahaniaeth yn ardal Caerfyrddin a bydd yn ceisio mynd i’r afael â phroblemau lleol megis ymddygiad gwrthgymdeithasol a chŵn yn baeddu.  Mae Tom wrth ei fodd yn gweithio yng Nghaerfyrddin ac meddai “Mae gweithio i Heddlu Dyfed-Powys yn gyffrous ac rwy’n gobeithio mynd ymlaen i gael gyrfa fel heddwas”.

PCSO Sarah Bebb 8055

• 

  Rhif Coler: 8055

  Fel rhan o’i rôl fel Swyddog Cefnogi Cymunedol yr Heddlu (PCSO), mae Sarah Bebb hefyd yn gyfrifol am sefydlu cysylltiadau ag ysgolion yn y gymuned. Gan dynnu ar ei phrofiad blaenorol fel Cwnstabl Gwirfoddol yn yr ardal hon, mae hi’n awyddus i helpu’r gymuned ehangach.

   

SC Tim Westlake 7015

SC Giles George

SC Norman Williams

SC Richard Waldron 7075

• 

  Ymunodd y Cwnstabl Gwirfoddol Richard Waldron â Thîm Rheoli Bro’r Trallwng ym mis Gorffennaf 2007.  Mae Richard yn gyn ddisgybl o Ysgol Uwchradd y Trallwng ac mae newydd ennill gradd BSc mewn Gwyddor Plismona ym Mhrifysgol Morgannwg.  Mae Richard yn byw yn lleol ac yn mwynhau gweithio yn y gymuned lle y magwyd ef.

SC Paul Rutter