Ystradgynlais Wledig

15/01/2012 - Er mwyn mynd i’r afael â materion goryrru yn ardal Ystradgynlais, mae Uned Plismona’r Ffyrdd Canolbarth Cymru yn parhau i gynnal patrolau rheolaidd yn yr ardal, gyda meysydd o bryder penodol yn cael eu cynnwys fel rhan o Gynllun Strategol eu patrôl.

20/12/2011 - Mae’r Tîm Plismona Bro dal yn aros am ddata mewn perthynas â chyflymder cerbydau ar hyd heol yr A4067 Ynyswen / Penycae. Ar ôl derbyn adroddiad a dadansoddiad o’r data hwn, ystyrir lleoli Dyfais Dangos Cyflymder cludadwy. Yn y cyfamser, bydd y Tîm Plismona Bro a’r Uned Plismona’r Ffyrdd yn parhau i fonitro/gorfodi yn yr ardal.

13/11/2011 - Bu’r Tîm Plismona Bro yn gweithio mewn partneriaeth â Chyngor Sir Powys ac wedi gwneud cais am stribedi monitro cyflymder ar gyfer yr A4067 ardal Ynyswen / Penycae.  Bydd swyddogion hefyd yn gweithio’n agos gydag Uned Plismona’r Ffyrdd Canolbarth Cymru dros yr wythnosau nesaf, yn monitro ac yn gorfodi cyflymder gyda’r bwriad o sefydlu’r angen am osod Dyfais Dangos Cyflymder yn dilyn cwynion parhaus am gyflymder cerbydau sy’n defnyddio’r rhan hon o’r heol.

15/01/2012

• Cynyddwyd patrolau gan y Tîm Plismona Bro yn ystod mis Rhagfyr er mwyn mynd i’r afael â’r cynnydd yn nifer y lladradau olew o anheddau preswyl ac adeiladau cymunedol megis cwb sgowtiaid Caehopkin.
• Mae’r Tîm Plismona Bro yn parhau i gynnal patrolau amlwg a rhoi tawelwch meddwl drwy ymgysylltu ag aelodau’r gymuned er mwyn adnabod a mynd i’r afael â materion o bryder. Bu cynghorwyr lleol ynghlwm â thaith gerdded ar y cyd o gwmpas yr ystadau, sy’n effeithiol iawn o ran adnabod a datrys problemau gyda’n gilydd. Bydd hyn yn parhau dros y misoedd sydd i ddod.

20/12/2011 - Ni fu galwadau mewn perthynas â phobl ifainc yn creu niwsans yn Ynyswen yn ystod mis Tachwedd, ac mae’r adborth a gafwyd o’r cyfarfod PACT diwethaf, a gynhaliwyd ar 6 Rhagfyr 2011 yn Ysgol Gynradd Penycae, yn dangos bod cynnydd yn nifer y patrolau gweladwy ac ymgysylltu â phobl ifainc yr ardal wedi cael effaith gadarnhaol ar y materion yn yr ardal a riportiwyd yn flaenorol.

13/11/2011 - Yn dilyn cwynion diweddar am fân ymddygiad gwrthgymdeithasol ar ystâd Ynyswen gan bobl ifanc sy’n byw yno, bydd y Tîm Plismona Bro yn ymgysylltu’n rhagweithiol â’r bobl ifanc a’u teuluoedd a’u haddysgu am ymddygiad priodol.