HafanCwnstabliaid Gwirfoddol
Recriwtio
Mae yna dîm recriwtio arbenigol wedi’i leoli ym Mhencadlys yr Heddlu a all roi cefnogaeth a chymorth i ddarpar recriwtiaid. Gallwch gysylltu â ni ar 01267 226294 neu ar 01267 226443.
Mae ein Cwnstabliaid Gwirfoddol yn adnodd hanfodol i Heddlu Dyfed-Powys; maent yn cynnig cefnogaeth amhrisiadwy i’n heddweision arferol ac yn golygu bod mwy o swyddogion i’w gweld yn ein cymunedau.
Yn ddynion ac yn fenywod, maent yn perthyn i bob math o gefndiroedd ethnig a chymdeithasol ac yn dod o bob rhan o’r gymuned – athrawon, ffermwyr, gweithwyr siop, gwragedd tŷ. Mae rhai yn gweithio llawn amser, rhai rhan amser ac eraill yn gweithio gartref yn magu teulu – pobl gyffredin sy’n awyddus i roi rhywbeth yn ôl i’w cymuned.
Fel Cwnstabl Gwirfoddol gyda Heddlu Dyfed-Powys byddwch yn gweithio ochr-yn-ochr â’n swyddogion cyflogedig a disgwylir i chi roi 16 awr o wasanaeth y mis. Mae bod yn Gwnstabl Gwirfoddol yn ffordd wych o ddatblygu sgiliau newydd ac i ddysgu am waith yr heddweision arferol. Byddwch yn gwisgo’r un iwnifform ac yn cario’r un offer â’r heddweision arferol; yr unig wahaniaeth yw bod rhifau coler y Cwnstabliaid Gwirfoddol i gyd yn dechrau gyda’r rhif saith.
Efallai na fydd eich dyletswyddau bob amser yn rhai rhwydd, ond mae’n rôl gwerth chweil sy’n cynnig sialens, amrywiaeth a llawer o foddhad.
Mae yna dîm recriwtio arbenigol wedi’i leoli ym Mhencadlys yr Heddlu a all roi cefnogaeth a chymorth i ddarpar recriwtiaid. Gallwch gysylltu â ni ar 01267 226294 neu ar 01267 226443.
Mae gwybodaeth am yr Heddlu Gwirfoddol i’w weld hefyd ar y wefan Heddlu: Allech Chi?