HafanDiogelu Siediau
Mae’r Heddlu yn Sir Benfro’n annog pobl i ystyried diogelwch siediau.
Yn draddodiadol mae’r heddlu’n gweld cynnydd mewn achosion o dorri i mewn i siediau yn ystod y gwanwyn.
Mae Sir Benfro Ddiogelach a’r timau plismona bro’n targedu canolfannau garddio a siopau DIY drwy gydol y mis nesaf i gynnig cyngor i gwsmeriaid ynghylch sut i ddiogelu eu siediau.
Meddai’r Prif Arolygydd Steve Matchett: “Mae siediau gardd yn aml yn dargedau hawdd i droseddwyr.
“Mae’n ymddangos fod pobl yn anghofio gwerth yr eitemau y maen nhw’n eu cadw yn eu siediau – gall hyn weithiau fod yn filoedd o bunnoedd pan rydych chi’n ystyried beiciau, peiriannau torri lawnt ac offer garddio.
“Mae modd atal dwyn o siediau drwy gymryd camau diogelwch rhesymol.
“Rydym yn annog pobl i osod cloeon o ansawdd da ar bob sied gardd a hefyd i farcio’u heiddo gan ddefnyddio pennau uwchfioled, paent neu ysgythru.
Ystyriwch y canlynol er mwyn gwella diogelwch a lleihau eich siawns o ddioddef trosedd:
- Cofnodwch enw model a rhifau cyfresol eich offer h.y. peiriannau torri lawnt, beiciau, offer garddio ayb ar immobilise.com
- Gosodwch olau diogelwch yn yr ardd
- Tyfwch wrychoedd pigog o amgylch ffin eich gardd
- Sicrhewch fod ffensys/giatiau yn cael eu cadw mewn cyflwr da.