Heddlu’n apelio am wybodaeth yn dilyn digwyddiad homoffobig

Mae heddlu Llanelli yn apelio am wybodaeth gan ffans rygbi yn dilyn digwyddiad homoffobig honedig mewn gêm ddiweddar rhwng Llanelli a Chastell Nedd ar ddydd Llun y 15fed o Dachwedd.

Honnodd Nigel Owens, dyfarnwr y gêm, bod sylw a oedd wedi ei anelu ato o natur homoffobig.

“Dywedodd Mr Owens nad yw e wedi derbyn sylwadau o’r fath yn ystod gêm o’r blaen,” meddai PC Wendy Janas. “Gwnaed y sylwadau ychydig cyn y chwiban hanner amser. Os glywodd unrhyw un rhywbeth a allai cynorthwyo’n ymchwiliadau, gofynnaf iddynt gysylltu â gorsaf heddlu Llwynhendy ar 101.”