Cysylltiadau Hygyrchedd

Hepgor Gwe-lywio

Hygyrchedd

Blaenoriaethau

Llandinam:

1. Problemau parcio’r tu allan i’r ysgol
2. Rhieni ddim yn cydymffurfio â chyfreithiau gwregysau diogelwch / seddi hybu y tu allan i’r ysgol
3. Problemau ar y groesfan i gerddwyr a goryrru ar yr A470

Caersws:

1. Problemau gyda phlant hŷn ar dir yr ysgol yn achosi ymddygiad gwrthgymdeithasol
2. Goryrru ar y Stryd Fawr
3. Baw cŵn ar y pafinau ger yr ysgol

Llanidloes:

1. Problemau gyda sbwriel a gwydr wedi torri y tu allan i dafarn y King’s Head, Llanidloes ar ôl digwyddiadau cerddoriaeth
2. Dim digon o heddlu ar batrôl troed a dim Swyddogion Cefnogi Cymunedol yr Heddlu

Beth Rydym Ni Wedi’i Wneud

Llandinam:

• Baw Cŵn
  Gosodwyd posteri mewn tair ardal allweddol a rhoddwyd gwybod i Iechyd Amgylcheddol a’r warden cŵn bod angen mynd i’r ardaloedd hynny. Roedd y rhai’n bresennol yn cytuno bod y mesur hwn yn effeithiol gan fod y broblem wedi gostwng yn sylweddol.  

• Goryrru ar hyd yr A470
  Mae swyddogion wedi cynnal gwiriadau cyflymder yn y pentref. Roedd y rhai’n bresennol yn cydnabod hyn gan i’r swyddogion gael eu gweld. Mae hyn yn parhau i fod yn broblem i breswylwyr ac y mae’n parhau fel blaenoriaeth.  

• Croesfan i Gerddwyr
  Siaradwyd â’r Asiantaeth Cefnffyrdd ac maent wedi cadarnhau bod Llandinam yn un o’r pum prif ardal i’w hystyried o ran gostwng y terfyn cyflymder a gosod croesfan i gerddwyr.

Caersws:

• Goryrru
  Buwyd yn mesur cyflymder yn ‘Main Street’ ac ar yr A470 i mewn i Gaersws o gyfeiriad y Drenewydd. Bu’r Uned Plismona’r Ffyrdd yn mesur cyflymder ar hap yn y pentref a rhoddwyd tocynnau cosb benodol i yrwyr ar bob achlysur. Hyd yn hyn, cyhoeddwyd 8 hysbysiad cosb benodol am oryrru a rhybuddiwyd nifer o yrwyr hefyd.
• Gyrru gwrthgymdeithasol yn Lôn y Ffos
  Rydym wedi bod yn patrolio’r ardal am rai wythnosau yn awr yn sgil cwynion diweddar gan bobl y tu allan i’r cyfarfod PACT.  Stopiwyd cerbydau a rhoddwyd rhybuddion, neu hysbysiadau cosb benodol os oedd troseddau wedi'u cyflawni.  Bydd y patrolau’n parhau a rhoddir diweddariad llawn yn y cyfarfod nesaf.
• Croesfan i Gerddwyr
  Disgwyl ateb oddi wrth Asiantaeth y Priffyrdd

Llanidloes:

• Goryrru yn Rhodfa Victoria
  Rhoddir sylw pellach i’r broblem hon yn sgil cwynion am yrru gwrthgymdeithasol.  Rhoddwyd rhybuddion Adran 59 i dri gyrrwr yn y dref a hysbysiadau cosb benodol a rhybuddion i eraill.  Bydd y camau gweithredu cadarnhaol hyn gan yr heddlu yn parhau, fodd bynnag, ymddengys yn ystod yr wythnosau diwethaf, bod y broblem wedi tawelu.  Anogir trigolion lleol i barhau i riportio materion felly. 
• Bryn Du
  Anfonwyd llythyron i drigolion yn yr ardal yn tynnu sylw at y gyfraith mewn perthynas â pharcio ar dop rhiw ac o fewn 10 metr o gyffordd.  Gofynnwyd i drigolion ystyried wrth iddynt barcio eu cerbydau a fyddai gyrwyr eraill yn gallu gweld yn glir.  Siaradwyd â rhai trigolion i esbonio’r rheswm y tu ôl i’r llythyron.  Ni dderbyniwyd rhagor o gwynion.
• Llinellau gwynion ar Groesfan Cerddwyr
  Siaradwyd gydag adran priffyrdd Cyngor Sir Powys ac mae’r llinellau gwynion ar y groesfan wedi cael eu hail baentio sy’n golygu eu bod llawer cliriach i yrwyr yn awr.

Pwy 'di Pwy

Arolygydd Paul Ridley

Rhif Coler: 328

Trosglwyddodd yr Arolygydd Paul Ridley i Heddlu Dyfed Powys yn 2003, ar ôl gweithio i Heddlu Sussex am ddeuddeng mlynedd. Bu’n gweithio yng ngorsafoedd Y Drenewydd a Llanidloes, cyn cychwyn yn ei swydd gyfredol fel Arolygydd Bro dros Adran y Drenewydd ym mis Hydref 2007.  Meddai, ”Dros y tair blynedd diwethaf, mae aelodau Tîm Plismona Bro’r Drenewydd wedi gwneud ymdrech fawr i ddod yn rhan o’u cymunedau priodol.  O ganlyniad i’r broses barhaol hon a nifer o fentrau sydd ar y gweill nawr ac wedi’u trefnu ar gyfer y dyfodol, rwy’n teimlo’n ffyddiog y bydd hyder, ffydd a bodlonrwydd y cyhoedd â’u gwasanaeth plismona lleol yn cynyddu.”

Sarjant Jonathan Rees

Rhif Coler: 983

Fel Goruchwylydd y Tîm Plismona Bro, mae Sarjant Jonathan Rees yn gyfrifol am weithredu a chyflwyno ‘Plismona Cymunedol’ ledled Sir Drefaldwyn. Gan dynnu ar y profaid a enillodd dros gyfnod o dair blynedd ar ddeg yn gweithio yn CID, y Tîm Cyffuriau, y Tîm Targedu Troseddau Ceir, Cudd-wybodaeth a Chudd-wylio, mae Jonathan yn awyddus i sicrhau atebion i’r amryw o broblemau cymunedol y mae’n dod ar eu traws.

PC Suzanne Duncombe

Rhif Coler: 1175

Trosglwyddodd PC Suzanne Duncombe i Heddlu Dyfed-Powys yn 2006 ar ôl gweithio am chwe blynedd gyda Heddlu Gorllewin Canolbarth Lloegr. Y mae wedi treulio pedair blynedd fel Swyddog Plismona’r Ffyrdd a hefyd wedi treulio peth amser o fewn CID. Mae Suzanne wedi’i lleoli yng Ngorsaf Llanidloes ers Ebrill 2009 ac y mae yn ddiweddar wedi cymryd rôl Rheolwraig Bît ar gyfer Llanidloes a’r ardaloedd amgylchynol. Mae Suzanne yn byw’n lleol ac yn awyddus i weithio’n agos gyda’r gymuned i gynyddu hyder a bodlonrwydd y cyhoedd. Meddai, “Rwy’n edrych ymlaen at her rôl newydd o fewn Plismona Bro. Rwy’n credu’n gryf y bydd fy neng mlynedd o brofiad mewn ardaloedd dinesig a gwledig yn fy nghynorthwyo i ddarparu gwasanaeth plismona cymunedol yn effeithiol, ac y bydd yn werthfawr wrth geisio datrys yr amrywiol broblemau sy’n codi.”

Cysylltu â'r Tîm

Beth Allwch Chi’i Wneud

Mynd i gyfarfodydd plismona bro, riportio troseddau ac ymddygiad gwrthgymdeithasol, cymryd rhan mewn gweithgareddau cymunedol a Gwarchod Cymdogaeth, ac ymweld â’ch cyngor lleol i gael gwybodaeth am gynlluniau diogelwch cymunedol yn eich ardal chi.

Mapiau Trosedd

I weld yr ystadegau troseddu ar gyfer eich ardal leol, ewch i wefan mapio trosedd Dyfed-Powys