Cynllun Fan Bobi

Cafodd Cynllun Fan Bobby ei lansio yn ardal Dyfed Powys ar 30ain Ebrill 1999. Ers hynny, gwnaed dros 8000 o gartrefi yn fwy diogel, a hynny yn rhad ac am ddim.

Mae’r cynllun wedi gwneud cyfraniad pwysig i’r frwydr i atal troseddau yn erbyn eiddo gan helpu i dawelu meddyliau'r henoed ac aelodau bregus eraill o’n cymuned gan gynnwys pobl o bob oed sydd wedi dioddef mwy nag un fyrgleriaeth, dioddefwyr trais yn y cartref ac aelodau o grwpiau lleiafrifol a grwpiau sydd dan anfantais.

Dros y saith mlynedd diwethaf, mae’r cynllun wedi cyflogi gweinyddydd a dau saer coed. Fodd bynnag, oherwydd y gwasanaeth ardderchog a ddarperir gan y cynllun, rydym wedi llwyddo i sicrhau cefnogaeth ariannol bellach o Gronfa’r Loteri Fawr sy’n golygu bod modd ehangu’r cynllun a chyflogi seiri coed ychwanegol.

Brian Jones yw’r Cydlynydd sy’n gyfrifol am yr atgyfeiriadau yn Sir Gaerfyrddin. Mae Brian yn gweithio yng Ngorsaf Heddlu Llanelli a gellir cysylltu ag ef drwy anfon e-bost at brian.jones@dyfed-powys.pnn.police.uk neu ffonio101.