Hoffwn i dynnu fy nata o gofnodion yr heddlu
Os cewch eich dyfarnu’n euog o drosedd, byddwn yn cadw cofnod o’ch olion bysedd a’ch DNA. Gelwir hyn yn ‘wybodaeth fiometrig’. Cedwir y data neu’r wybodaeth hon hyd yn oed os caiff eich achos ei drin y tu allan i’r llys a’i fod yn dod i ben gyda rhybuddiad, rhybudd neu gerydd.
Mae Deddf Diogelu Rhyddidau 2012 yn diwygio Deddf yr Heddlu a Thystiolaeth Droseddol 1984 (PACE) ac yn gadael i ni gadw eich gwybodaeth fiometrig am gyfnod amhenodol. Mae’r ddeddfwriaeth hon hefyd yn nodi pryd y gellir ac y caiff eich data ei ddileu o’n cofnodion, gan gynnwys:
- Cyfrifiadur Cenedlaethol yr Heddlu (PNC)
- Cronfa Ddata Olion Bysedd Genedlaethol (IDENT1)
- Cronfa Ddata DNA Genedlaethol (NDNAD)
Tynnu eich data
Mae Swyddfa Cofnodion Troseddol ACRO (ACRO) yn gweithredu gwasanaeth dileu cofnodion ar ein rhan. Gwiriwch wefan ACRO i weld a allech fod yn gymwys i wneud cais i ddileu eich data. Mae’r broses hon hefyd yn ymdrin â cheisiadau i ddileu rhai cofnodion arestio neu ddatrysiadau y tu allan i’r llys, megis rhybuddiadau. Nid yw euogfarnau llys yn gymwys i’w dileu.
Uned heddlu genedlaethol yw ACRO sy’n darparu ystod o wasanaethau’n ymwneud â phlismona ar gyfer y cyhoedd, sefydliadau gorfodi’r gyfraith rhyngwladol, ac asiantaethau nad ydynt yn heddluoedd.
Dylai eich ymholiadau am dynnu data bob amser fynd yn uniongyrchol at ACRO yn hytrach nag atom ni.
Data wedi ei ddal yn lleol
Os yw'r data rydych chi'n gwneud cais i'w dynnu'n cael ei ddal yn lleol, gallwch ofyn iddo gael ei ddileu neu ei newid.