Trolio epilepsi
Yn yr adran hon:
| 1. Beth yw trolio epilepsi? |
| 2. Beth gallwch chi ei wneud: riportio’r peth i ni |
| 3. Riportio i gwmnïau cyfryngau cymdeithasol os digwyddodd y peth ar-lein |
| 4. Help a chymorth |
Trolio epilepsi yw pan fydd rhywun yn gwybod, neu'n credu, bod gennych chi epilepsi a'u bod nhw’n anfon delwedd atoch yn fwriadol i achosi trawiad.
Gallai’r ddelwedd fflachio gael ei hanfon ar-lein neu all-lein:
- gallai gael ei hanfon ar-lein fel rhan o fideo TikTok, ar WhatsApp, neu neges ar ap detio
- gallai gael ei dangos ichi yn bersonol ar ffôn symudol neu liniadur
Gallai delwedd fflachio hefyd gael ei hanfon at grŵp o bobl gan rywun sy'n credu bod gan aelod o'r grŵp epilepsi.
Hyd yn oed os nad yw'r ddelwedd effeithio arnoch chi, neu unrhyw un mewn grŵp, mae'n dal yn drosedd os cafodd ei hanfon er mwyn achosi niwed.
Efallai na fyddwch chi’n siŵr pwy anfonodd y ddelwedd neu beth oedd eu bwriad nhw wrth anfon. Dyw hynny ddim yn bwysig. Rydych chi’n dal yn gallu riportio’r peth i ni a byddwn ni’n penderfynu sut i fynd ar ôl y manylion y byddwch chi’n eu rhoi.