Sut i gofrestru
Os ydych chi’n byw yn ardal Heddlu Dyfed Powys ac os yw’n ofynnol ichi gofrestru gyda'r heddlu (sef rhan hanfodol o amodau fisa llawer o wladolion tramor), mae angen ichi ymweld ag un o'r gorsafoedd heddlu isod. Mae'n well dewis yr orsaf heddlu agosaf at y fan lle rydych chi’n byw.
Does dim angen gwneud apwyntiad.
Lawrlwythwch, llenwch, argraffwch a llofnodwch ein ffurflen gofrestru i ymwelwyr tramor: mae angen dod â'r ffurflen hon gyda chi. Gweler ein rhestr lawn o'r hyn mae’n rhaid dod ag ef gyda chi i gofrestru fel ymwelydd tramor.
Os oes gennych unrhyw gwestiynau, ffoniwch 101.
Dewch i un o'r gorsafoedd heddlu canlynol:
Sir Gaerfyrddin
Gorsaf Heddlu Caerfyrddin
Heol Llangynnwr
Caerfyrddin
SA31 2PD
Gweld Gorsaf Heddlu Caerfyrddin ar fap
Ar agor o ddydd Llun i ddydd Gwener (ac eithrio gwyliau banc) rhwng 9am a 2pm ac 2.40pm a 5pm
Gorsaf Heddlu Llanelli
Waunlanyrafon
Llanelli
SA15 3AA
Gweld Gorsaf Heddlu Llanelli ar fap
Ar agor o ddydd Llun i ddydd Gwener (ac eithrio gwyliau banc) rhwng 9am a 2pm ac 2.40pm a 5pm
Gorsaf Heddlu Rhydaman
Heol y Ffowndri
Rhydaman
SA18 2LS
Gweld Gorsaf Heddlu Rhydaman ar fap
Ar agor o ddydd Llun i ddydd Gwener rhwng 8am a 6pm a dydd Sadwrn a dydd Sul rhwng 9am a 5pm
Ceredigion
Gorsaf Heddlu Aberteifi
Parc Teifi
Aberteifi
SA43 1EW
Gweld Gorsaf Heddlu Aberteifi ar fap
Ar agor o ddydd Llun i ddydd Gwener (ac eithrio gwyliau banc) rhwng 9am ac 1pm ac 1.40pm a 5pm
Gorsaf Heddlu Aberystwyth
Boulevard Saint Brieuc
Aberystwyth
SY23 1PH
Gweld Gorsaf Heddlu Aberystwyth ar fap
Ar agor o ddydd Llun i ddydd Gwener rhwng 8am a 6pm
Ar agor dydd Sadwrn, dydd Sul a gwyliau banc rhwng 9am ac 1pm ac 1.40pm a 5pm
Gorsaf Heddlu Llanbedr Pont Steffan
Stryd Fawr
Llanbedr Pont Steffan
SA48 7BH
Gweld Gorsaf Heddlu Llanbedr Pont Steffan ar fap
Ar agor o ddydd Llun a dydd Iau rhwng 9.30am a 12.30pm
Sir Benfro
Gorsaf Heddlu Doc Penfro
Water Street
Doc Penfro
SA72 6DW
Gweld Gorsaf Heddlu Doc Penfro ar fap
Ar agor o ddydd Llun i ddydd Gwener (ac eithrio gwyliau banc) rhwng 10am a 2pm ac 2.40pm a 6pm
Swyddfa Heddlu Hwlffordd
Blwch Post 31
Hwlffordd
SA61 1PF
Gweld Swyddfa Heddlu Hwlffordd ar fap
Ar agor o ddydd Llun i ddydd Gwener rhwng 8am ac 8pm
Ar agor dydd Sadwrn, dydd Sul a gwyliau banc rhwng 10am a 2pm ac 2.40pm a 6pm
Powys (Sir Frycheiniog, Sir Faesyfed a Sir Drefaldwyn)
Gorsaf Heddlu Aberhonddu
Plas y Ffynnon
Ffordd Cambria
Aberhonddu
LD3 7HP
Gweld Gorsaf Heddlu Aberhonddu ar fap
Ar agor o ddydd Llun i ddydd Gwener (ac eithrio gwyliau banc) rhwng 8am ac 8pm
Ar agor dydd Sadwrn a dydd Sul rhwng 10am a 2pm a 2.40pm a 6pm
Gorsaf Heddlu y Drenewydd
Lôn y Parc
Y Drenewydd
SY16 1EN
Gweld Gorsaf Heddlu y Drenewydd ar fap
Ar agor o ddydd Llun i ddydd Gwener (ac eithrio gwyliau banc) rhwng 8am ac 8pm
Ar agor dydd Sadwrn a dydd Sul rhwng 10am a 2pm ac 2.40pm a 6pm
Gorsaf Heddlu Llandrindod
Parc Noyadd
Llandrindod
LD1 5DF
Gweld Gorsaf Heddlu Llandrindod ar fap
Ar agor o ddydd Llun i ddydd Gwener (ac eithrio gwyliau banc) rhwng 10am a 2pm ac 2.40pm a 6pm
Pryd i ddod
Rhaid ichi ddod i un o'r gorsafoedd heddlu hyn i gofrestru a chael tystysgrif cofrestru'r heddlu (PRC) o fewn saith diwrnod ar ôl cyrraedd y Deyrnas Unedig. Mae hyn yn bwysig, oherwydd os na wnewch chi hynny fe allech wynebu:
- dirwy o £5,000
- dedfryd o garchar
- argymhelliad i’ch allgludo
- gwaharddiad ar ddod i’r Deyrnas Unedig am ddeng mlynedd
Fe gewch chi’ch PRC gennym ar ôl ichi orffen cofrestru.
Ansicr a oes angen ichi gofrestru? Darllenwch ein cyngor i ymwelwyr tro cyntaf: pwy sydd angen cofrestru fel gwladolyn tramor?
Pan fydd eich manylion yn newid
Os bydd unrhyw fanylion personol neu fanylion cysylltu’n newid tra byddwch yn astudio neu’n gweithio yn ardal Heddlu Dyfed-Powys, bydd angen ichi ddiweddaru’ch tystysgrif gyda ni yn unol â’r manylion uchod.
Rhaid ichi riportio unrhyw un neu ragor o'r newidiadau canlynol o fewn saith diwrnod:
- newid cyfeiriad
- newid coleg/prifysgol/cwrs
- newid galwedigaeth
- newid statws priodasol
- amodau glanio newydd (fisa ailfynediad)
- manylion pasbort newydd
- plant pan fyddan nhw’n 16 oed neu’n hŷn
- esemptiad rhag cofrestru gyda’r heddlu
Wrth ichi drosglwyddo i ardal Heddlu Dyfed-Powys
Os ydych chi eisoes wedi cofrestru gyda heddlu arall a'ch bod yn symud i ardal Dyfed-Powys, mae angen bellach ichi ddiweddaru’ch tystysgrif drwy ddod i un o'r gorsafoedd heddlu uchod.
Os collwch chi’ch tystysgrif
Os ydych chi wedi colli tystysgrif cofrestru'r heddlu, dewch i un o'r gorsafoedd heddlu uchod i gael un arall yn ei lle. Bydd y dystysgrif newydd yn costio £34.
Gweler ein rhestr wirio lawn o’r hyn mae’n rhaid dod ag ef gyda chi pan fyddwch yn ymweld â ni.