Tystysgrif arf tanio, dryll neu ffrwydron
Mae gwybodaeth isod am sut mae gwneud cais am dystysgrif arf tanio, dryll neu ffrwydron, neu adnewyddu un. Boed chi’n berchennog arf tanio, yn ddeliwr drylliau, yn aelod o glwb saethu neu’n bwriadu teithio ag arfau tanio, atebwch ychydig o gwestiynau cyflym ac fe wnawn ni eich cyfeirio at y ffurflen gywir, a phopeth sydd ei angen arnoch i’w llenwi.
Offeryn cyngor
Amrywio tystysgrif arf tanio gydag arfau tanio ychwanegol
Sut mae gwneud cais?
Gallwch wneud cais ar-lein neu drwy'r post.
Faint mae'n ei gostio?
Cewch ychwanegu bwledi neu getris yn rhad ac am ddim.
Mae ychwanegu arfau tanio’n costio £20.
Gwneud cais ar-lein
Cam 1: llenwch y ffurflen ar-lein
Bydd arnoch angen y manylion hyn:
- manylion yr arf(au) tanio yr hoffech eu hamrywio a pham
- ffotograff o’ch tystysgrif bresennol (ar ffurf .jpg neu .jpeg)
- manylion unrhyw gyflyrau iechyd corfforol neu feddyliol sydd gennych
- enw a chyfeiriad eich meddyg teulu neu’ch meddygfa bresennol yn y Deyrnas Unedig
- manylion unrhyw euogfarnau blaenorol
- manylion cerdyn debyd neu gerdyn credyd i wneud eich taliad ar-lein
Cam 2: postiwch eich tystysgrif arf tanio gyfredol at:
Adran Arfau Saethu
Heddlu Dyfed-Powys
Pencadlys yr Heddlu
Blwch Post 99
Llangynnwr
Caerfyrddin
SA31 2PF
Sylwch: os oes angen ichi ddiweddaru manylion eich meddyg teulu, gallwch wneud hynny ar-lein yma.
Gwneud cais drwy’r post
Cam 1: Lawrlwythwch, llenwch a llofnodwch y Cais i Amrywio Tystysgrif Arf Tanio (Ffurflen 201V).
Bydd arnoch angen y manylion hyn:
- eich tystysgrif arfau tanio gyfredol
- enw a chyfeiriad eich meddyg teulu neu’ch meddygfa bresennol yn y Deyrnas Unedig
- unrhyw gyflyrau iechyd corfforol neu feddyliol
- unrhyw euogfarnau blaenorol
- yr arf(au) tanio yr hoffech eu hamrywio a pham
Cam 2: Does dim tâl am gynyddu bwledi neu getris. Ar gyfer arfau tanio ychwanegol, gwnewch siec neu archeb bost am £20, yn daladwy i Gomisiynydd Heddlu a Throseddu Dyfed-Powys.
Allwn ni ddim derbyn arian parod.
Cam 3: Ar ôl ei llenwi, postiwch y ffurflen, y siec neu’r archeb bost a’ch tystysgrif arfau tanio gyfredol i:
Adran Arfau Saethu
Heddlu Dyfed-Powys
Pencadlys yr Heddlu
Blwch Post 99
Llangynnwr
Caerfyrddin
SA31 2PF
Beth sy'n digwydd ar ôl i mi wneud cais?
Anfonwn eich cyfeirnod atoch ar gyfer eich cofnodion a byddwn yn cysylltu â chi cyn gynted â phosibl os oes gennym unrhyw gwestiynau am eich cais neu os oes angen inni ofyn am ragor o wybodaeth neu drefnu ymweliad â’ch cartref.
Fel arall, fe ddylech chi gael eich tystysgrif wedi'i diweddaru o fewn wyth wythnos.