Contractau a Chaffael
Rydym yn gwario tua £18m y flwyddyn ar nwyddau a gwasanaethau, gan roi amrywiaeth o gyfleoedd i gwmnïau o bob maint. Mae’r cyfrifoldeb ariannol dros gaffael nwyddau a gwasanaethau wedi'i ddatganoli i randdeiliaid priodol o fewn yr Heddlu, gyda'r adran gaffael yn cymryd cyfrifoldeb am Gaffael Strategol.
Ein gweledigaeth yw cael gwerth am arian drwy gaffael nwyddau, gwasanaethau a gwaith a fydd yn helpu i gyflawni ein blaenoriaethau a diwallu anghenion swyddogion a staff.
Sut ydyn ni’n prynu?
| Gwerth pryniant | Camau sydd angen eu cymryd |
| Llai £5,000 | O leiaf un amcanbris |
| £5,000 i £25,000 | O leiaf tri amcanbris |
| £25,000 a throsodd | Proses dendro ffurfiol |
Ar gyfer pryniannau neu gontractau dros £25,000
Bydd proses dendro’n dechrau os nad oes contractau addas neu gytundebau fframwaith sy’n bodoli eisoes yr ystyrir eu bod yn cynnig gwerth am arian. Gwneir hyn yn unol â'r Fframwaith Llywodraethu Corfforaethol. Caiff tendrau cyhoeddedig ar gyfer nwyddau a gwasanaethau eu hysbysebu drwy GwerthwchiGymru a Contracts Finder. Gweler contractau a gyhoeddwyd gan Heddlu Dyfed-Powys ar wefan Cronfa Ddata Caffael Bluelight.
Rhybudd Pwysig i Gyflenwyr
Mae gwybodaeth sy'n ymwneud â darparu a pherfformiad contractau yn dod o dan delerau Deddf Rhyddid Gwybodaeth 2000, a gellir ei datgelu i drydydd partïon ar gais yn unol â thelerau'r ddeddf.
Manylion cyswllt
Faye Ryan
Pennaeth Caffael
Ebost: [email protected]