Cyrsiau Addysg i Gyrwyr

Mae Heddlu Dyfed-Powys yn ddarparwr cwrs trwyddedig ar gyfer cyflenwi’r Cynllun Cenedlaethol Ailhyfforddi Gyrwyr (NDORS).

Cyfres o gyrsiau addysgiadol ar gyfer modurwyr sydd wedi cyflawni mân droseddau moduro yw’r cynllun NDORS, ac mae’n ddewis amgen yn lle cyhoeddi cosb benodedig neu weithdrefnau llys. Mae’r cynllun yn anelu i wella gwybodaeth ac ymddygiad y gyrrwr neu’r beiciwr modur ar y ffordd. Bydd hyn, yn ei dro, yn creu cymunedau mwy diogel ac yn lleihau aildroseddu yn y dyfodol.

Mae cyrsiau’n cael eu cyflwyno gan hyfforddwyr NDORS trwyddedig, ac ar gael yn ddigidol ar lein neu mewn ystafell ddosbarth.  Mae’r cyrsiau ar gael trwy gyfrwng y Gymraeg neu Saesneg.

Os ydych chi wedi derbyn cynnig ar gyfer cwrs NDORS ac angen trefnu cwrs, galwch heibio i’r Porthol Cynnig ar https://www.gov.uk/book-national-driver-offender-retraining-course.

Ceir rhagor o wybodaeth am y cynllun NDORS ar www.ukroed.org.uk.