Prif Gwnstabl Cynorthwyol Dros Dro Gary Phillips

Ymunodd Gary â Heddlu Dyfed-Powys ym mis Awst 1996. Ei orsaf gyntaf oedd Caerfyrddin. Gweithiodd yno fel cwnstabl heddlu tan 2000, cyn trosglwyddo i CID Rhydaman. Yn 2002, fe’i dyrchafwyd i reng Rhingyll, ac yna i reng Arolygydd yn 2006, gan gyflawni rolau Ditectif Arolygydd yn y swyddogaethau cudd-wybodaeth a CID. Yn 2013, dyrchafwyd Gary i’r Uned Ranbarthol Troseddu Trefnedig (Tarian) lle y gweithiodd fel Ditectif Brif Arolygydd ac fel Ditectif Uwch-arolygydd Dros Dro.  

Dychwelodd Gary i Ddyfed-Powys yn 2016 a chafodd ei ddyrchafu’n Dditectif Uwch-arolygydd ym mis Gorffennaf 2017, gan sicrhau achrediad PIP3 (Uwch Swyddog Ymchwilio) a PIP 4 (Rheoli Achosion Cymhleth yn Strategol). 

Ym mis Ionawr 2021, daeth Gary’n Gomander URS ar gyfer Sir Gaerfyrddin, ac yn 2022, daeth yn bennaeth CID yr Heddlu.

Ym mis Gorffennaf 2024, dyrchafwyd Gary’n Brif Gwnstabl Cynorthwyol dros dro.

Mae Gary’n byw yn Sir Gaerfyrddin gyda’i wraig a’u dau o blant. 

Yn ei amser hamdden, mae Gary’n mwynhau cadw’n heini. Mae’n gricedwr brwd, ac yn y gorffennol, mae wedi cynrychioli Tîm Heddlu Prydain. Y mae hefyd wedi hyfforddi criced iau ar lefel leol a rhanbarthol ers sawl blwyddyn.