Prif Gwnstabl Dr Richard Lewis

Richard yw Prif Gwnstabl Heddlu Dyfed-Powys. Dechreuodd y swydd ym mis Rhagfyr 2021. Cyn hynny, Richard oedd Prif Gwnstabl Heddlu Cleveland.

Daw Richard o Sir Gaerfyrddin yng Ngorllewin Cymru yn wreiddiol, ac ymunodd â Heddlu Dyfed-Powys yn 2000. 

Mae Richard wedi gweithio mewn amryw o rolau mewn lifrai a gyda CID yn ogystal â gweithio fel Pennaeth yr Adran Safonau Proffesiynol, a Chadeiriodd Weithgor Gwrth-lygredd Cymru. Y mae wedi gwasanaethu ym mhob rheng hyd at (a chan gynnwys) Dirprwy Brif Gwnstabl gyda Heddlu Dyfed-Powys. 

Yn 2010, sicrhaodd Richard Ysgoloriaeth Fulbright, sef rhaglen addysgol arobryn, ym Mhrifysgol Talaith Pennsylvania, lle yr astudiodd y defnydd o ynnau Taser sy’n arwain at ddigwyddiadau andwyol. Cynhaliwyd y gwaith hwn mewn asiantaethau plismona mor amrywiol ag adrannau heddlu Dallas, Seattle ac Efrog Newydd. Treuliodd y rhan fwyaf o’i amser yn yr Unol Daleithiau’n gweithio gydag Uned Gwasanaeth Brys Adran Heddlu Efrog Newydd yn Brooklyn.

Mae Richard hefyd wedi bod yn olygydd gwadd ar gyfer y rhaglen ‘Today’ ar BBC Radio 4 a gwasanaethodd fel Cymrawd o’r Gymdeithas Ddaearyddol Frenhinol.

Mae Richard yn dal dau bortffolio Cyngor Cenedlaethol Prif Swyddogion yr Heddlu, gan arwain ar Gyffuriau a Pherfformiad yr Heddlu, a chafodd ei radd PhD gyda Phrifysgol Sba Caerfaddon, gan astudio rheoli newid.