Cwnstabliaid Gwirfoddol sy’n Trosglwyddo
Mae Cwnstabliaid Gwirfoddol Heddlu Dyfed-Powys yn rhan hollbwysig o’r heddlu. Maen nhw’n allweddol o ran cyflenwi ein hymrwymiad i blismona a “diogelu’r cymunedau yr ydym yn eu gwasanaethu”.
Mae Heddlu Dyfed-Powys yn croesawu ceisiadau gan unrhyw aelodau presennol o’r Heddlu Gwirfoddol (sydd eisiau trosglwyddo) sy’n rhannu’r weledigaeth hon.
Beth allaf ddisgwyl fel Swyddog Gwirfoddol gyda Heddlu Dyfed-Powys?
Byddwch eisoes yn gyfarwydd â dyletswyddau Swyddog Gwirfoddol sy’n gweithio i wneud ein cymunedau’n fwy diogel drwy:
- Dreulio amser mewn ysgolion lleol, yn addysgu pobl ifainc am leihau trosedd a diogelwch cymunedol.
- Cynorthwyo’r heddlu â sawl agwedd o blismona, o batrolau amlwg i weithrediadau traffig, gwrthderfysgaeth a diogelwch cymunedol.
- Cefnogi dioddefwyr drwy ymchwilio i droseddau a’u datrys.
- Gweithio gyda chydweithwyr er mwyn dwyn y rhai sy’n gyfrifol am droseddau i gyfiawnder, o’r arést i’r euogfarn.
- Cynorthwyo yn lleoliad damweiniau, brwydrau neu danau.
- Rheoli mentrau diogelwch y ffyrdd.
- Cynnal ymholiadau o dŷ i dŷ.
- Darparu diogelwch mewn digwyddiadau mawr.
- Mynd i’r afael â digwyddiadau sy’n gysylltiedig ag alcohol ac ymddygiad gwrthgymdeithasol.
Mae gennym dîm Dysgu a Datblygu penodol sy’n sicrhau bod ein Swyddogion Gwirfoddol wedi’u hyfforddi’n llawn ac wedi integreiddio’n llwyr yn yr Heddlu. Medrwch ddisgwyl derbyn y gefnogaeth sydd angen arnoch i ddatblygu a mwyhau eich gyrfa gyda’r Heddlu Gwirfoddol.
Os oes gennych ddiddordeb mewn trosglwyddo, cysylltwch â’r Tîm Cynllunio’r Gweithlu drwy anfon e-bost at [email protected].
Byddwn yn mynnu bod y dystiolaeth ganlynol ar gael fel rhan o'r broses drosglwyddo -
- tystiolaeth o’ch cofnod hyfforddiant
- tystiolaeth o’ch Cofnodion Datblygiad Perfformiad (os yn berthnasol)
Rhaid i ymgeiswyr fodloni’r meini prawf cymhwysedd a dylent fod yn barod i fynychu hyfforddiant yn ystod y camau cychwynnol a rhanbarthol. Hefyd, rhaid i chi fod yn barod i gyflawni astudio unigol cyn y cwrs ac yn ystod hyfforddiant cychwynnol.