Cadetiaid Gwirfoddol yr Heddlu
A hoffech chi wneud y canlynol ……
- Gwneud ffrindiau newydd?
- Cymryd rhan mewn gweithgareddau hwyliog a chyffrous?
- Cefnogi eich cymuned trwy brosiectau gwirfoddoli a gweithredu cymdeithasol?
- Herio eich hun i ddysgu a datblygu sgiliau newydd?
- Cael cipolwg ar blismona?
Mae Heddlu Dyfed-Powys yn cynnal rhaglen Cadetiaid Gwirfoddol yr Heddlu ledled ardal yr heddlu. Mae'r rhaglen wedi'i hanelu at bobl ifanc rhwng 13 ac 17 oed gyda'r nod o wneud y canlynol:
- hyrwyddo dealltwriaeth ymarferol o blismona
- annog ysbryd o antur a dinasyddiaeth dda
- darparu cyfleoedd gwirfoddoli sy'n helpu ac yn dylanwadu ar y ffordd y mae'r heddlu'n ymddwyn, gan roi llais i chi yn eich cymuned
- annog pobl ifanc i chwarae rhan weithredol yn eu cymunedau
Fel Cadet Gwirfoddol yr Heddlu, byddwch yn cael cipolwg unigryw ar sut mae gwasanaeth yr heddlu yn cael ei gynnal. Byddwch chi'n cael lifrai i'w gwisgo yn ystod eich amser gwirfoddoli fel Cadet yr Heddlu a byddwch chi'n dysgu popeth am bwerau a gweithdrefnau'r heddlu. Mae gennych hefyd y cyfle i gynorthwyo a dylanwadu ar dimau plismona lleol i wella'r gwasanaeth a ddarparwn i'n cymunedau.
Rydym yn cyfarfod am ddwy awr yr wythnos, ac yn disgwyl i chi fynychu bob wythnos, gan gymryd rhan weithredol mewn ystod eang o weithgareddau a digwyddiadau.
Byddwch hefyd yn cael cyfleoedd i weithio gyda'ch cymuned leol a'i gwella trwy wirfoddoli ac rydym yn gofyn am ymrwymiad amser o o leiaf tair awr o wirfoddoli bob mis gan ein Cadetiaid Gwirfoddol yr Heddlu.
Ar hyn o bryd, mae gennym ni Unedau Cadetiaid Gwirfoddol yr Heddlu yn cyfarfod yn y Drenewydd, Aberhonddu, Rhydaman, Llanelli, Caerfyrddin, a Phenfro
Ewch i www.vpc.police.uk i ddod o hyd i ragor o wybodaeth am Gadetiaid Gwirfoddol yr Heddlu.
Rydym ar hyn o bryd wedi agor ar gyfer recriwtio Cadet Gwirfoddol yr Heddlu. Gwnewch gais fan hyn
Allwch chi fod yn arweinydd i'n Cadetiaid Gwirfoddol?
Ydych chi’n gallu ysbrydoli, hyfforddi a chefnogi pobl ifanc? Os felly, beth am fod yn Arweinydd Cadetiaid Cynorthwyol Gwirfoddol gyda Heddlu Dyfed-Powys.
Nodau Cadetiaid Gwirfoddol yr Heddlu yw -
- hybu dealltwriaeth ymarferol o blismona ymhlith pobl ifanc
- annog ysbryd anturus a dinasyddiaeth dda
- cefnogi blaenoriaethau plismona lleol trwy wirfoddoli a rhoi cyfle i bobl ifanc gael eu clywed
- ysbrydoli pobl ifanc i gyfranogi'n gadarnhaol yn eu cymunedau
Fel Arweinydd Cadetiaid Cynorthwyol bydd eich dyletswyddau’n cynnwys helpu i gyflwyno’r rhaglen hyfforddi yn y cyfarfodydd nos a gynhelir yn wythnosol, cefnogi ein gwirfoddolwyr ifanc i gyflawni eu nodau, yn ogystal â helpu i ddatblygu eu sgiliau a’u hannog i ddod yn ddinasyddion da o fewn eu cymunedau eu hunain. Mae proffil rôl llawn yr Arweinydd Cadetiaid Cynorthwyol isod.
Mae gennym nifer o gyfleoedd ar gyfer Arweinwyr Cadetiaid Cynorthwyol Gwirfoddol ar draws ardal yr heddlu o fewn ein 8 uned cadetiaid yn y Drenewydd, Aberhonddu, Rhydaman, Llanelli, Penfro, Aberteifi, Caerfyrddin a Hwlffordd.
Os hoffech ragor o fanylion, cysylltwch: [email protected]