Gan Bwyll: Ymgyrch Snap

Gwasanaeth ar-lein diogel yw Ymgyrch Snap sy’n eich galluogi i gyflwyno tystiolaeth fideo o droseddau gyrru yr ydych chi neu aelodau eraill o’r cyhoedd wedi’u gweld. Ei ddiben yw gwella diogelwch ar y ffyrdd ac erlyn y rhai sy'n rhoi eraill mewn perygl.

Mae’r gwasanaeth ar-lein yn ein galluogi i ymdrin yn effeithiol â’r ffilm a recordiwyd gan aelodau’r cyhoedd mewn ffordd ddiogel, gan wneud y broses ymchwilio yn syml ac yn ddidrafferth. Mae gennym agwedd benderfynol a chadarn at blismona’r ffyrdd a byddwn yn achub ar bob cyfle i’w gwneud yn fwy diogel i bawb.

Dim ond ar gyfer troseddau gyrru y gellir defnyddio'r porth hwn, nid yw ar gyfer cyflwyno ffilm o Wrthdrawiadau Traffig Ffyrdd neu droseddau trefn gyhoeddus, ac nid yw ar gyfer riportio trosedd.

Mae’n hawdd i bobl gymryd rhan yn Ymgyrch Snap ac mae prosesau wedi’u cynllunio i redeg yn esmwyth. Nid yw Ymgyrch Snap yn gofyn i chi fynd allan i ganfod troseddau ar ein rhan, ond byddwn yn delio ag unrhyw rai y byddwch yn riportio i ni.

Mae gan Ymgyrch Snap un canlyniad dymunol: gwneud ein ffyrdd yn fwy diogel.

Am ddulliau eraill o riportio troseddau, gweler ein prif dudalen riportio.

Mewn argyfwng deialwch 999 bob amser lle mae bygythiad i fywyd neu drosedd ar y gweill, ar gyfer achosion nad ydynt yn rhai brys ffoniwch 101.