Rhaglenni Ymyrraeth Troseddwyr Rhanbarthol
CHOICES
Bwriad y Rhaglen CHOICES yw i herio credoau, agweddau ac ymddygiad dynion
dros 18 oed sy’n gwneud unrhyw fath o gamdriniaeth ddomestig. Mae’n gweithredu o few yr ardal a gweinir gan Heddlu Dyfed-Powys.
- Er mwyn lleihau effaith cam-drin domestig drwy ymgysylltu cadarnhaol ac ymagwedd arloesol
- Cynyddu diogelwch dioddefwyr cam-drin domestig a’u teuluoedd
- Helpu’r rhai sy’n cymryd rhan yn y rhaglen i ddeall effaith eu hymddygiad ar eu partneriaid, plant ac eraill.
- Annog cyfranogwyr i gymryd cyfrifoldeb am eu hymddygiad a
chymryd camau cadarnhaol i newid. - Deall y rheswm pam eu bod yn defnyddio trais a chamdriniaeth.
Am ragor o wybodaeth, anfonwch e-bost at [email protected]
Y Ganolfan Ymyrraeth
Mae’r Ganolfan Ymyrraeth ar agor i ddynion a menywod yng Nghanolbarth a Gorllewin Cymru sy’n arddangos/poeni am eu hymddygiad tuag at eu partner presennol neu gyn-bartner neu anwylyn.
Rhaglen ymyrraeth ar-lein sy’n seiliedig ar Therapi Gwybyddol Ymddygiadol yw’r rhaglen hon. Mae’n cefnogi unigolion i fynd i’r afael â meddyliau ac ymddygiad problemus.
Drwy ddysgu ar-lein (10 sesiwn) ac adolygiadau sesiwn gyda hwylusydd, gall y dynion archwilio:
- Perthnasau Iach
- Credoau Annefnyddiol
- “Braint” Gwrywod
- Lleihau, Beio a Gwadu
- Brawychu
- Bygwth
- Cam-drin Economaidd
- Defnyddio Plant
- Defnyddio arwahanu
Drwy ddysgu ar-lein (10 sesiwn) ac adolygiadau sesiwn gyda hwylusydd, gall y menywod archwilio:
- Perthnasau Iach
- Adnabod credoau Annefnyddiol a mynd i’r afael â nhw
- Osgoi defnyddio Trais/Diogelu rhag Trais
- Lleihau, gwadu a beio
- Osgoi Brawychu
- Osgoi Defnyddio Bygythiadau a Phwysau
- Osgoi Arwahanu
- Yr Effaith Donnog: Cydnabod Effaith
- Ymdrin â Dicter yn effeithiol
Beth yw cefndir y Ganolfan Cam-drin Domestig?
Datblygwyd y Ganolfan Ymyrraeth gan dîm o weithwyr prawf proffesiynol mewn ymgynghoriad â Seicolegydd Clinigol. Mae ein rhaglenni’n seiliedig ar ddefnyddio Therapi Gwybyddol Ymddygiadol yn bennaf, ond maen nhw hefyd yn cynnwys modelau damcaniaethol eraill, gan gynnwys:
- Ymwybyddiaeth Ofalgar
- Theori Ymatal
- Therapi Ymddygiad Dilechdidol
- Cylch Newid
- Cyfweld Ysgogiadol
- Modelu Rhag-gymdeithasol
Sut ydw i’n cyfeirio neu’n cael cymorth?
Os ydych chi’n wryw neu benyw sy’n byw yng Nghanolbarth neu Orllewin Cymru a hoffech gael mynediad i’r rhaglen newid ymddygiad ar-lein hon, galwch 01639 794448 neu anfonwch e-bost at [email protected]
Os ydych chi’n weithiwr proffesiynol sydd eisiau cyfeirio cleient, cysylltwch â’r rhaglen ar - [email protected]
Y rhaglen Adlewyrchu ar Berthnasau
Ar gyfer y rhai y nodwyd eu bod yn cymryd rhan mewn ymddygiad stelcio.
- Mae’n addas ar gyfer y rhai sy’n cael eu hystyried yn droseddwyr perygl uwch i’r rhai sy’n cael eu hystyried yn droseddwyr perygl is, a’r rhai sydd ag anghenion cymhleth
- Rhaglen 8-12 sesiwn am ddim y gellir ei chyflwyno o bell neu wyneb yn wyneb
- Un-i-un, gan adlewyrchu ar berthnasau i wneud camau tuag at newid cadarnhaol
Am ragor o wybodaeth, anfonwch e-bost at [email protected] neu [email protected].
Llinell Ffôn Respect (Cymorth Cenedlaethol)
Mae Llinell Ffôn Respect yn llinell gymorth, e-bost a gwasanaeth gwe-sgwrs cyfrinachol ar gyfer troseddwyr cam-drin domestig a’r rhai sy’n eu cefnogi.
Rydyn ni’n cefnogi dynion a menywod sy’n cam-drin mewn perthynas o’r un rhyw neu heterorywiol, o unrhyw le yn y DU.
Mae Llinell Ffôn Respect ar gyfer pawb sy’n poeni am eu defnydd o drais a cham-drin yn erbyn eu partner, a’r rhai sy’n eu cefnogi: mae croeso i ffrindiau neu aelodau o’r teulu a Staff Rheng Flaen sy’n gweithio gyda chamdrinwyr ein galw am wybodaeth a chymorth.
Am ragor o wybodaeth, galwch heibio i Linell Ffôn Respect.