Os ydych chi’n credu bod ffrind neu aelod o’ch teulu wedi mynd ar goll, neu os oes gennych wybodaeth am berson sydd ar goll, gallwch gael gwybod sut i gysylltu â ni yma.

Riportio person yr ydych yn bryderus am ei ddiogelwch

Diolch. Ffoniwch 999 ar unwaith.

Gwnewch yn siŵr bod y wybodaeth ganlynol wrth law, os yn bosibl:

  • y dyddiad a’r amser y gwelwyd y person ddiwethaf, a phwy welodd ef neu hi
  • beth oedd y person yn ei wisgo pan welwyd ef neu hi ddiwethaf
  • disgrifiad o’r person, megis taldra, lliw, marciau neu greithiau
  • cyfeiriad y person
  • unrhyw deulu, ffrindiau neu fannau y mae’n eu mynychu’n aml
  • a oes gan y person ddefnydd car? Os oes, gwnewch yn siŵr bod y rhif cofrestru gennych, os yn bosibl
  • dulliau trafnidiaeth eraill (a oes gan y person gerdyn bws neu drên?)
  • unrhyw ymholiadau a wnaed i geisio canfod lle mae’r person
  • unrhyw nodweddion bregus sydd gan y person, megis anghenion meddygol neu anabledd?
  • pam ydych chi’n meddwl bod y person mewn perygl ar hyn o bryd
  • dyddiad geni’r person
  • rhif ffôn a manylion unrhyw gyfrifon cyfryngau cymdeithasol y person

Hyd yn oed os nad ydych yn siŵr, byddai’n well gennym glywed gennych a gwneud y penderfyniad ein hunain.