275/23 Sex crimes against U16

Cyfeirnod Rhyddid Gwybodaeth: 275/2023

 

Cais:

 

O dan y Ddeddf Rhyddid Gwybodaeth, fe hoffwn y wybodaeth ganlynol ynghylch troseddau

rhyw yn erbyn plant rhwng 2018 a 2022 hyd yn hyn.

 

1. Sawl trosedd ryw yn erbyn plentyn (unigolyn iau na 16 oed) gafodd ei hadrodd i’r

heddlu rhwng 2018 a 2022? Gofynnaf am y wybodaeth fesul blwyddyn, wedi’i rhannu

fel a ganlyn: Disgrifiad o’r drosedd, oedran y dioddefwr, rhyw'r dioddefwr, lleoliad* y

drosedd, a chanlyniad y drosedd.

 

*Powys, Ceredigion, Sir Gâr, a Sir Benfro

 

Os oes angen rhagor o esboniad arnoch, mae croeso ichi gysylltu â mi. Fe fyddwn yn

gwerthfawrogi petaech yn cadarnhau derbyn y cais hwn, ac rwy’n edrych ymlaen at glywed

gennych o fewn y cyfnod statudol o 20 diwrnod gwaith.

 

Ymateb:

 

Mae Adran 1 Deddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n gymwys, y ddyletswydd gyntaf dan Adran 1(1) (a) yw cadarnhau neu wadu a yw’r wybodaeth a nodir mewn cais yn cael ei dal. Yr ail ddyletswydd dan Adran 1(1) (b) yw datgelu’r wybodaeth sydd wedi’i chadarnhau fel gwybodaeth sy’n cael ei dal.

 

Lle y dibynnir ar eithriadau, yn ôl adran 17 Deddf Rhyddid Gwybodaeth 2000, mae’n ofynnol i Heddlu Dyfed-Powys, wrth wrthod darparu gwybodaeth o’r fath (oherwydd bod y wybodaeth yn eithriedig) i roi hysbysiad i’r ceisydd sy’n:

(a) nodi’r ffaith hwnnw,

(b) nodi’r eithriad dan sylw ac

(c) Yn nodi (pe na fyddai’n amlwg fel arall) pam fod yr eithriad yn gymwys.

 

Medraf gadarnhau bod Heddlu Dyfed-Powys yn dal y wybodaeth yr ydych wedi gofyn amdani. Fodd bynnag, rydym yn atal y cyfan o'r wybodaeth y gofynnwyd amdani gan ein bod o'r farn bod eithriad Adran 12 (2), y Gost o Gydymffurfio yn fwy na'r Terfyn Priodol, yn gymwys iddo.

 

Adran 12 (1) – Mae’r gost o gydymffurfio’n fwy na’r Terfyn Priodol

 

Dywed Adran 12(2): “…Nid yw Is-adran (1) yn eithrio’r awdurdod cyhoeddus rhag ei rwymedigaeth i gydymffurfio â pharagraff (a) adran 1(1) oni bai y byddai cost amcangyfrifol cydymffurfio â’r paragraff hwnnw’n fwy na’r terfyn priodol.”

Mae’r gost o roi’r wybodaeth y gofynnwyd amdani mewn perthynas â’ch cais ichi’n uwch na’r swm y mae’n ofynnol inni’n gyfreithiol i ymateb iddo h.y. mae’r gost o ddod o hyd i’r wybodaeth a’i chasglu’n fwy na’r “lefel briodol” fel y nodir yn Rheoliadau Ddeddf Rhyddid Gwybodaeth (Terfyn a Ffioedd Addas) 2004. Amcangyfrifir y byddai’n cymryd mwy na 18 awr (h.y. lleiafswm o 74 awr) i gydymffurfio â’r rhan hwn o’ch cais. Cewch hyd i’r rheoliadau ar:

www.legislation.hmso.gov.uk/si/si2004/20043244.htm

 

Cynghorwyd yr Adran Rhyddid Gwybodaeth nad yw’r wybodaeth sy’n berthnasol i’ch cais yn cael ei dal ar ffurf sy’n hawdd ei hadalw. Mae hyn i’w briodoli i’r ffaith y byddai angen adolygu pob cofnod trosedd sy’n ymwneud â throsedd ryw yn erbyn plentyn dan oed er mwyn nodi oed a rhyw’r dioddefwr, ble mae’r categorïau wedi’u gadael yn wag neu’n anhysbys, sydd yn golygu nifer sylweddol o gofnodion.

 

Sefydlwyd bod cyfanswm o 449 cofnod y byddai angen edrych arnynt yn fanwl ac amcangyfrifwyd y byddai’n cymryd o leiaf 10 munud i ymchwilio i bob cofnod unigol. Nodir amcangyfrif o’r amser perthnasol isod:

 

Blwyddyn	Nifer y cofnodion gyda chategorïau gwag neu anhysbys	Amser ar gyfer archwilio i bob cofnod (oriau)
2018	82	13.7
2019	87	14.5
2020	81	13.5
2021	95	15.8
2022	104	17.3
Cyfanswm	449	74.8

 

Amcangyfrif o gyfanswm yr amser i gwblhau’r cais cyfan = 74.8 awr

 

Yn unol â Deddf Rhyddid Gwybodaeth 2000, mae’r llythyr hwn yn gweithredu fel Hysbysiad Gwrthod ar gyfer y cais CYFAN o dan Adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn berthnasol, o fewn yr amser ar gyfer cydymffurfio ag adran 1(1), roi hysbysiad i’r ceisydd yn datgan y ffaith honno.

 

Efallai yr hoffech fireinio’ch cais a’i ailgyflwyno fel ei fod yn lleihau’r amser a ddangosir uchod fel ei fod yn syrthio o fewn y 18 awr.

 

Os oes angen unrhyw gyngor pellach arnoch mewn perthynas â’r mater hwn, peidiwch ag oedi i gysylltu â mi.

Fe’ch cynghorir hefyd nad yw’n dileu hawl yr Heddlu i ddyfynnu eithriadau os ydynt yn berthnasol os yw’r cais yn cael ei fireinio.

                                                                                                           

 

 

 

(Dyma ymateb o dan Ddeddf Rhyddid Gwybodaeth 2000 a ddatgelwyd ar 26/01/2024)

 

 

                                                                                                           

 

Dylid nodi, oherwydd y systemau a fabwysiadwyd gan Heddlu Dyfed-Powys mewn perthynas â chofnodi materion o'r fath, y gallai'r wybodaeth a ddarperir fod yn gywir neu beidio. 

 

Mae’n ofynnol fel mater o drefn i Heddluoedd yn y Deyrnas Unedig ddarparu ystadegau troseddu i gyrff llywodraethol a bod y meini prawf cofnodi wedi'u pennu'n genedlaethol.  Fodd bynnag, nid yw'r systemau a ddefnyddir i gofnodi'r ffigurau hyn yn rhai generig, ac nid yw'r gweithdrefnau'n cael eu defnyddio'n lleol i gipio'r data. Dylid nodi, am y rhesymau hyn, na ddylid defnyddio ymateb yr Heddlu hwn i'ch cwestiynau at ddibenion cymharu ag unrhyw ymateb arall y gallech ei dderbyn.