Sut rydym yn defnyddio camerâu Teledu Cylch Cyfyng (TCC)

Mae’r modd y mae’r heddlu’n defnyddio camerâu TCC yn gorfod bod yn gyfrifol, gan ddilyn y ddeddfwriaeth a’r canllawiau perthnasol. Mae'r tudalen hwn yn esbonio sut rydyn ni'n gwneud hyn.

Rydyn ni’n defnyddio camerâu gwyliadwriaeth er mwyn:

• atal a datrys troseddau
• rheoli digwyddiadau 
• casglu gwybodaeth ynghylch gweithgareddau troseddol
• gwella diogelwch y cyhoedd a hyder y gymuned

Ble mae’r camerâu wedi’u lleoli? 

Mae dros 150 o gamerâu wedi'u gosod ar draws ardal Heddlu Dyfed Powys. Gallwch weld y manylion amdanynt yn ein rhestr trefi.

Cod Ymarfer Camerâu Gwyliadwriaeth a sut rydyn ni’n cydymffurfio ag ef

Rydyn ni’n asesu’n defnydd ar y system camerâu TCC yn unol â'r gofynion ynglŷn â rheoli gwybodaeth yn y Cod Ymarfer Camerâu Gwyliadwriaeth, sy'n rhoi canllawiau ar ddefnyddio camerâu gwyliadwriaeth yn briodol ac yn effeithiol yng Nghymru a Lloegr.

Mae’r cod wedi’i seilio ar 12 egwyddor arweiniol sy’n taro cydbwysedd rhwng diogelu’r cyhoedd a chynnal hawliau sifil.

Rydyn ni wedi cynnal Hunanasesiad o dan y Cod Ymarfer Camerâu Gwyliadwriaeth, sy'n sicrhau ein bod yn cydymffurfio â'r 12 egwyddor arweiniol hyn.  Rydym yn cwblhau Asesiadau o'r Effaith ar Breifatrwydd ar yr holl gamerâu TCC sy'n cael eu hadolygu a'u diweddaru'n flynyddol.

Mae’r Asesiad o'r Effaith ar Breifatrwydd  (PIA) ar gyfer lleoliad pob camera TCC ar gael yn ein rhestr trefi.

Rydyn ni hefyd wedi cynnal Asesiad o’r Effaith ar Ddiogelu Data i nodi unrhyw faterion ynglŷn â phreifatrwydd sy’n codi gyda’r mathau hyn o gamera. 

Cadw data

Mae'n bwysig nad yw data o gamerâu yn cael ei gadw am gyfnod hirach nag y  mae ei angen. Rydym yn dilyn y canllawiau ar Reoli Gwybodaeth yr Heddlu – Arferion Proffesiynol Awdurdodedig ynghylch cadw a gwaredu data.

Sut rydyn ni’n ymdrin â thystiolaeth o gamerâu TCC

Mae’r data’n cael ei gadw mewn mannau diogel ac mae mynediad iddo wedi'i gyfyngu i'r rhai sydd â chaniatâd ac angen dilys. Rhaid cael proses archwilio gadarn i reoli pwy sy'n gweld y data.

Polisi TCC

Caiff y polisi TCC ei adolygu'n flynyddol, ac mae ar gael yma.

Diogelwch gwybodaeth

Rydym yn cymryd diogelwch gwybodaeth ac unrhyw ddata a gawn ni am unigolion ar gamerâu gwyliadwriaeth o ddifrif.  Darllenwch ein hysbysiad preifatrwydd i weld yr hyn rydyn ni’n ei wneud â'r wybodaeth sydd gennym.

Ceisiadau rhyddid gwybodaeth

Os oes arnoch angen gwybodaeth am y system TCC, gallwch gael rhagor o wybodaeth drwy fynd i'n tudalennau Rhyddid Gwybodaeth.

Ceisiadau testun am weld gwybodaeth

Os hoffech wybod a oes gennym unrhyw ddata amdanoch chi neu'ch cerbyd sydd wedi'i gasglu gan gamerâu gwyliadwriaeth, gallwch wneud cais testun am weld gwybodaeth.

Manylion cysylltu

Os oes gennych unrhyw ymholiadau eraill am ein defnydd o gamerâu TCC, cysylltwch â’r:

Cydlynydd TCC
Heddlu Dyfed-Powys
Pencadlys yr Heddlu
Blwch Post 99
Llangynnwr
Sir Gaerfyrddin
SA31 2PF

E-bost: [email protected]

Lleoliadau camerâu ac asesiadau o’r effaith ar breifatrwydd