Digwyddiadau casineb nad ydynt yn droseddau 678/2024

Cyfeirnod Rhyddid Gwybodaeth: 678/2024

Cais:

Rwy’n ysgrifennu i ofyn am y wybodaeth ganlynol mewn perthynas â digwyddiadau casineb nad ydynt yn droseddau. Yn benodol:

1. Nifer y digwyddiadau casineb nad ydynt yn droseddau yr adroddwyd amdanynt wrth eich heddlu yn y 12 mis o 3 Mehefin 2023 i 2 Mehefin 2024
2. Nifer y digwyddiadau casineb nad ydynt yn droseddau yr adroddwyd amdanynt wrth eich heddlu yn y 12 mis o 3 Mehefin 2022 i 2 Mehefin 2023
3. Nifer y digwyddiadau casineb nad ydynt yn droseddau yr adroddwyd amdanynt wrth eich heddlu yn y 12 mis o 3 Mehefin 2021 i 2 Mehefin 2022
4. Nifer y digwyddiadau casineb nad ydynt yn droseddau yr adroddwyd amdanynt wrth eich heddlu yn y 12 mis o 3 Mehefin 2020 i 2 Mehefin 2021
5. Copi o’r cofnod a gedwir gan eich heddlu o’r holl ddigwyddiadau casineb nad ydynt yn droseddau casineb yr adroddwyd amdanynt rhwng 1.3.24 a 1.6.24 
   • Dylai hyn gynnwys crynodeb o’r adroddiad, y llinyn casineb, ac os yn bosibl, ble/pryd ddigwyddodd y digwyddiad. Dilëwch unrhyw ddata personol o’r cofnodion.

Ymateb:

Mae Adran 1 Deddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n gymwys, y ddyletswydd gyntaf dan Adran 1(1) (a) yw cadarnhau neu wadu a yw’r wybodaeth a nodir mewn cais yn cael ei dal. Yr ail ddyletswydd dan Adran 1(1) (b) yw datgelu’r wybodaeth sydd wedi’i chadarnhau fel gwybodaeth sy’n cael ei dal.

Lle y dibynnir ar eithriadau, yn ôl adran 17 Deddf Rhyddid Gwybodaeth 2000, mae’n ofynnol i Heddlu Dyfed-Powys, wrth wrthod darparu gwybodaeth o’r fath (oherwydd bod y wybodaeth yn eithriedig) i roi hysbysiad i’r ceisydd sy’n: (a) nodi’r ffaith hwnnw, (b) nodi’r eithriad dan sylw ac (c) Yn nodi (pe na fyddai’n amlwg fel arall) pam fod yr eithriad yn gymwys.

Medraf gadarnhau bod Heddlu Dyfed-Powys yn dal y wybodaeth yr ydych wedi gofyn amdani. Fodd bynnag, rydym yn atal y cyfan o'r wybodaeth y gofynnwyd amdani gan ein bod o'r farn bod eithriad Adran 12 (2), y Gost o Gydymffurfio yn fwy na'r Terfyn Priodol, yn gymwys iddo.

Adran 12 (1) – Mae’r gost o gydymffurfio’n fwy na’r Terfyn Priodol

Dywed Adran 12(2): “…Nid yw Is-adran (1) yn eithrio’r awdurdod cyhoeddus rhag ei rwymedigaeth i gydymffurfio â pharagraff (a) adran 1(1) oni bai y byddai cost amcangyfrifol cydymffurfio â’r paragraff hwnnw’n fwy na’r terfyn priodol.”

Mae’r gost o roi ichi’r wybodaeth y gofynnwyd amdani mewn perthynas â’ch cais yn uwch na’r hyn y mae’n ofynnol inni roi’n gyfreithiol h.y. mae’r gost o ddod o hyd i’r wybodaeth a’i chasglu’n fwy na’r “lefel briodol” fel y nodir yn Rheoliadau Ddeddf Rhyddid Gwybodaeth (Terfyn a Ffioedd Addas) 2004. Amcangyfrifir y byddai’n cymryd mwy na 18 awr (h.y. lleiafswm o 21.66 awr) i gydymffurfio â’r rhan hwn o’ch cais. Cewch hyd i’r rheoliadau ar: www.legislation.gov.uk/cy/uksi/2004/3244

Cynghorwyd yr Adran Rhyddid Gwybodaeth nad yw’r wybodaeth sy’n berthnasol i’ch cais yn cael ei dal ar ffurf sy’n hawdd ei hadalw. Yng ngoleuni hyn, ac er mwyn cael y wybodaeth sy’n berthnasol i’ch cais yn gywir ar gyfer y ffrâm amser a nodwyd, byddai angen i Heddlu Dyfed-Powys cael mynediad at ddigwyddiadau sydd â thag casineb, ond sydd heb rif digwyddiad yn gysylltiedig â nhw, a’u hadolygu â llaw i bennu pa un ai a ydynt yn cael eu hystyried yn ddigwyddiadau casineb nad ydynt yn droseddau ai peidio.  

Sefydlwyd bod cyfanswm o 570 cofnod sy’n cynnwys cyfnod eich cais. Byddai angen adolygu 130 ohonynt i nodi pa un ai a ydynt yn berthnasol i’ch cais ai peidio. Sefydlwyd hefyd y byddai’n cymryd o leiaf 10 munud i adolygu a chael y wybodaeth ar gyfer un cofnod mewn perthynas â’ch cais (fel yr amlinellir uchod). Mae’r broses a amlinellir yn arwain at yr amcangyfrif amser isod.  

03/06/2020-02/06/2021 = (235 cofnod) 27 cofnod

03/06/2021-02/06/2022 = (153 cofnod) 21 cofnod

03/06/2022-02/06/2023 = (117 cofnod) 17 cofnod

03/06/2023-02/06/2024 = 65 cofnod

130 cofnod x 10 munud = 21.66 awr

Amcangyfrif o’r amser a gymerir i gwblhau’r dasg = 21.66 awr

Yn unol â Deddf Rhyddid Gwybodaeth 2000, mae’r llythyr hwn yn gweithredu fel Hysbysiad Gwrthod ar gyfer y cais cyfan o dan Adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn berthnasol, o fewn yr amser ar gyfer cydymffurfio ag adran 1(1), roi hysbysiad i’r ceisydd yn datgan y ffaith honno.

Efallai yr hoffech fireinio’ch cais a’i ailgyflwyno fel ei fod yn lleihau’r amser a ddangosir uchod fel ei fod yn syrthio o fewn y 18 awr. Os oes angen unrhyw gyngor pellach arnoch mewn perthynas â’r mater hwn, peidiwch ag oedi i gysylltu â’r Uned Rhyddid Gwybodaeth. Fe’ch cynghorir hefyd nad yw’n dileu hawl yr awdurdodau lleol i ddyfynnu eithriadau os ydynt yn berthnasol os yw’r cais yn cael ei fireinio.       

Dylid nodi, oherwydd y systemau a fabwysiadwyd gan Heddlu Dyfed-Powys mewn perthynas â chofnodi materion o'r fath, y gallai'r wybodaeth a ddarperir fod yn gywir neu beidio. 

Mae’n ofynnol fel mater o drefn i Heddluoedd yn y Deyrnas Unedig ddarparu ystadegau troseddu i gyrff llywodraethol a bod y meini prawf cofnodi wedi'u pennu'n genedlaethol.  Fodd bynnag, nid yw'r systemau a ddefnyddir i gofnodi'r ffigurau hyn yn rhai generig, ac nid yw'r gweithdrefnau'n cael eu defnyddio'n lleol i gipio'r data. Dylid nodi, am y rhesymau hyn, na ddylid defnyddio ymateb yr Heddlu hwn i'ch cwestiynau at ddibenion cymharu ag unrhyw ymateb arall y gallech ei dderbyn.

(Dyma ymateb o dan Ddeddf Rhyddid Gwybodaeth 2000 a ddatgelwyd ar 05/08/2024)