Gyrwyr Heb Yswiriant 738/2024

Cyfeirnod Rhyddid Gwybodaeth: 738/2024

Cais:

1) Ar gyfer y blynyddoedd 2019-20, 2020-21, 2021-22, 2022-23, 2023-24: nifer y gyrwyr heb yswiriant sydd wedi’u dal yn gyrru heb yswiriant yn eich ardal heddlu.

2) Ar gyfer y blynyddoedd 2019-20, 2020-21, 2021-22, 2022-23, 2023-24: nifer y damweiniau sydd wedi cynnwys gyrwyr heb yswiriant.  

3) Ar gyfer y blynyddoedd 2019-20, 2020-21, 2021-22, 2022-23, 2023-24: nifer y cerbydau a gafodd eu hatafaelu oherwydd eu bod heb yswiriant.  

Ymateb:

Mae Adran 1 Deddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n gymwys, y ddyletswydd gyntaf dan Adran 1(1) (a) yw cadarnhau neu wadu a yw’r wybodaeth a nodir mewn cais yn cael ei dal. Yr ail ddyletswydd dan Adran 1(1) (b) yw datgelu’r wybodaeth sydd wedi’i chadarnhau fel gwybodaeth sy’n cael ei dal.

Lle y dibynnir ar eithriadau, yn ôl adran 17 Deddf Rhyddid Gwybodaeth 2000, mae’n ofynnol i Heddlu Dyfed-Powys, wrth wrthod darparu gwybodaeth o’r fath (oherwydd bod y wybodaeth yn eithriedig) i roi hysbysiad i’r ceisydd sy’n: (a) nodi’r ffaith hwnnw, (b) nodi’r eithriad dan sylw ac (c) Yn nodi (pe na fyddai’n amlwg fel arall) pam fod yr eithriad yn gymwys.

Medraf gadarnhau bod Heddlu Dyfed-Powys yn dal y wybodaeth yr ydych yn gofyn amdani. Fodd bynnag, rydym yn atal y cyfan o'r wybodaeth y gofynnwyd amdani gan ein bod o'r farn bod eithriad Adran 12 (2), y Gost o Gydymffurfio yn fwy na'r Terfyn Priodol, yn gymwys iddo.

Adran 12 (1) – Mae’r gost o gydymffurfio’n fwy na’r Terfyn Priodol

Dywed Adran 12(2): “…Nid yw Is-adran (1) yn eithrio’r awdurdod cyhoeddus rhag ei rwymedigaeth i gydymffurfio â pharagraff (a) adran 1(1) oni bai y byddai cost amcangyfrifol cydymffurfio â’r paragraff hwnnw’n fwy na’r terfyn priodol.”

Mae’r gost o roi’r wybodaeth y gofynnwyd amdani mewn perthynas â’ch cais yn uwch na’r hyn y mae’n ofynnol inni roi’n gyfreithiol h.y. mae’r gost o ddod o hyd i’r wybodaeth a’i chasglu’n fwy na’r “lefel briodol” fel y nodir yn Rheoliadau Ddeddf Rhyddid Gwybodaeth (Ffioedd a Therfyn Addas) 2004. Amcangyfrifir y byddai’n cymryd mwy na 18 awr (h.y. lleiafswm o 1857.2 awr) i gydymffurfio â’ch cais. Cewch hyd i’r rheoliadau ar: www.legislation.gov.uk/cy/uksi/2004/3244

Cynghorwyd yr Adran Rhyddid Gwybodaeth nad yw’r wybodaeth mewn perthynas â Chwestiwn 1 eich cais ar gyfer y cyfnod amser 12/05/23-31/03/24 yn cael ei dal ar ffurf sy’n hawdd ei hadalw. Yng ngoleuni hyn, ac er mwyn cael y wybodaeth sy’n berthnasol i’ch cais ar gyfer y ffrâm amser a nodwyd yn gywir, byddai angen i Heddlu Dyfed-Powys gael mynediad at bob adroddiad trosedd traffig, a’u hadolygu. Mae hyn oherwydd gweithredu systemau newydd, felly byddai angen adolygu pob cofnod â llaw i bennu pa un ai a ydynt yn ymwneud â throseddau dim yswiriant ai peidio.

Sefydlwyd bod cyfanswm o 2859 cofnod sy’n ymwneud â’r cyfnod 12/05/23-31/03/24. Sefydlwyd hefyd y byddai’n cymryd o leiaf 4 munud i adolygu a chael y wybodaeth ar gyfer un cofnod mewn perthynas â’ch cais (fel yr amlinellir uchod). Mae’r broses a amlinellir yn arwain at yr amcangyfrif amser isod. 

Nid yw cwestiwn 2 eich cais ar gyfer y cyfnod amser cyfan yn cael ei dal ar ffurf sy’n hawdd ei hadalw. Mae hyn oherwydd bod 2000 o wrthdrawiadau traffig y ffyrdd yn cael eu cofnodi ar gyfartaledd gan Heddlu Dyfed-Powys bob blwyddyn, a byddai’n rhaid iddynt gael eu hadolygu â llaw i sefydlu troseddau a pha un ai a restrwyd yswiriant fel trosedd, a fyddai’n cymryd 10 munud fesul cofnod.

C1: 2859 ffeil x 4 munud = 190.6 awr

C2: 10000 cofnod x 10 munud = 1666.6 awr

Amcangyfrif o’r amser a gymerir i gwblhau’r dasg = 1857.2 awr

Gan hynny, yn unol â Deddf Rhyddid Gwybodaeth 2000, mae’r llythyr hwn yn gweithredu fel Hysbysiad Gwrthod ar gyfer y cais Cyfan o dan Adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn berthnasol, o fewn yr amser ar gyfer cydymffurfio ag adran 1(1), roi hysbysiad i’r ceisydd yn datgan y ffaith honno.

Efallai yr hoffech fireinio’ch cais a’i ailgyflwyno fel ei fod yn lleihau’r amser a ddangosir uchod fel ei fod yn syrthio o fewn y 18 awr. Os oes angen unrhyw gyngor pellach arnoch mewn perthynas â’r mater hwn, peidiwch ag oedi i gysylltu â’r Uned Rhyddid Gwybodaeth. Fe’ch cynghorir hefyd nad yw’n dileu hawl yr awdurdodau lleol i ddyfynnu eithriadau os ydynt yn berthnasol os yw’r cais yn cael ei fireinio.

Er bod cost ormodol yn dileu rhwymedigaethau’r heddlu o dan y Ddeddf Rhyddid Gwybodaeth i ddarparu gwybodaeth bellach, fel arwydd o ewyllys da, rwyf wedi darparu gwybodaeth mewn perthynas â chwestiynau 1 a 3 eich cais, a oedd yn hawdd ei hadalw, ac fe’i hamlinellir isod. Hyderaf fod hyn o gymorth, ond nid yw’n effeithio ar ein  hawl gyfreithiol i ddibynnu ar y rheoliadau ffioedd ar gyfer gweddill eich cais.

Cwestiwn 1 – ymateb rhannol

Ymateb i Gwestiwn 3

Dylid nodi, oherwydd y systemau a fabwysiadwyd gan Heddlu Dyfed-Powys mewn perthynas â chofnodi materion o'r fath, y gallai'r wybodaeth a ddarperir fod yn gywir neu beidio. 

Mae’n ofynnol fel mater o drefn i Heddluoedd yn y Deyrnas Unedig ddarparu ystadegau troseddu i gyrff llywodraethol a bod y meini prawf cofnodi wedi'u pennu'n genedlaethol.  Fodd bynnag, nid yw'r systemau a ddefnyddir i gofnodi'r ffigurau hyn yn rhai generig, ac nid yw'r gweithdrefnau'n cael eu defnyddio'n lleol i gipio'r data. Dylid nodi, am y rhesymau hyn, na ddylid defnyddio ymateb yr Heddlu hwn i'ch cwestiynau at ddibenion cymharu ag unrhyw ymateb arall y gallech ei dderbyn.

(Dyma ymateb o dan Ddeddf Rhyddid Gwybodaeth 2000 a ddatgelwyd ar 09/08/2024)