Hyfforddiant achosion cam-drin domestig 181/2024

Cyfeirnod Rhyddid Gwybodaeth: 181/2024

Cais:

1. A yw’ch heddlu’n cyflwyno hyfforddiant ffurfiol neu anffurfiol ar hyn o bryd o ran trin achosion cam-drin domestig?

Os ydyw, 

2. Beth mae’r hyfforddiant presennol yn ei gynnwys? Rhowch manylion am y canlynol. 
3. Hoffwn ofyn am yr holl ddeunydd cwrs a gyflwynir yn yr hyfforddiant, megis papurau, ymarferion a chyflwyniadau PowerPoint. Os oes unrhyw ddeunydd wedi’i warchod o dan hawlfraint, hoffwn gael y teitl, enw’r awdur neu wybodaeth debyg yn lle hynny.
4. A yw’ch hyfforddiant yn mynd trwy senarios gyda gwahanol rywiau fel y troseddwyr/dioddefwyr? Neu a oes gan yr hyfforddiant elfen arall o ffocws ar ryw?
5. Sawl awr neu ddiwrnod fydd yr hyfforddiant yn cymryd?
6. Pa mor aml ydych chi’n rhoi’r hyfforddiant hwn? A pha mor aml mae staff yn cael cynnig neu’n derbyn yr hyfforddiant hwn yn ystod eu gyrfaoedd?
7. A yw hyn ar-lein neu wyneb yn wyneb?
8. A yw hyn yn digwydd yn unigol neu mewn grwpiau? Os yw’n digwydd mewn grwpiau, pa mor fawr yw’r grwpiau?
9. A yw’n orfodol? A yw’n cael ei asesu? Ac a oes modd methu’r hyfforddiant? Os felly, a fydd unrhyw ganlyniadau os yw aelod staff yn methu? A sawl un sydd wedi methu yn ystod y flwyddyn ddiwethaf?
10. Pwy sy’n cyflwyno’r hyfforddiant?
11. Ai sefydliadau allanol, megis SafeLives, sy’n ei gyflwyno? Os na, a yw’r hyfforddiant hwn yn cael ei gynnal gan staff mewnol, ac os felly, beth yw eu cymwysterau? Rhowch restr o sefydliadau sydd wedi cynnal hyfforddiant yn ystod y 10 mlynedd diwethaf os gwelwch chi’n dda.
12. A yw aelodau staff yn cael cynnig yr hyfforddiant yn weithredol, neu a fyddant yn gwneud cais amdano eu hunain?
13. Os yw’n cael ei gynnig, pa aelodau staff sy’n cael y cynnig?
14. Ers pryd ydych chi wedi bod yn darparu’r hyfforddiant hwn, neu hyfforddiant tebyg? Yn ystod y 10 mlynedd diwethaf, a fu unrhyw newidiadau sylweddol i’r ffordd yr ydych yn darparu’r hyfforddiant hwn, ar gyfer pwy a gan bwy? Rhowch fanylion am unrhyw newidiadau.
15. Ydych chi’n olrhain cwblhad ac effaith yr hyfforddiant?
16. Os felly, sut?
17. A fedrwch chi ddweud wrthyf sawl aelod staff sydd wedi derbyn a chwblhau’r hyfforddiant bob blwyddyn ers 2015?
18. Os nad yw’ch heddlu’n cynnig hyfforddiant, a ydynt yn cyfeirio gwybodaeth am gam-drin domestig mewn cyswllt arall? (Ar-lein, o sefydliadau arall ac ati.) 
19. Os nad yw’ch heddlu’n cynnig hyfforddiant, a fedrwch chi esbonio beth yw’r ymresymiad wrth wraidd hyn?

 

Ymateb 1:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Ydy

 

Ymatebion 2 a 3:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Mae pob Ditectif yn Heddlu Dyfed-Powys sydd ar y rhaglen Ymchwilwyr PIP 2 yn mynychu’r cwrs Ymchwilwyr PIP 2, sy’n ymdrin â Cham-drin Domestig.

Sesiwn 3 awr ydyw; mae’n cael ei gyflwyno wyneb yn wyneb i grwpiau o 8-12 myfyriwr; nid yw’r sesiwn yn cael ei asesu. Cyn mynychu’r hyfforddiant PIP 2, byddai swyddogion wedi derbyn hyfforddiant perthnasol mewn cam-drin domestig ar lefel PIP 1, gan gynnwys hyfforddiant rhanbarthol, sy’n cynnwys cyflwyniadau gan asiantaethau allanol.

Gweler isod y deilliannau dysgu o’r cwrs Hyfforddiant Ymchwilwyr PIP 2:

• Deall diffiniad Cam-drin Domestig a phwysigrwydd asesiadau risg. 
• Cael gwybodaeth a dealltwriaeth o’r term ‘erlyniad a arweinir gan dystiolaeth’.
• Nodi dulliau casglu tystiolaeth i gynorthwyo ag erlyniadau llwyddiannus a arweinir gan dystiolaeth.
• Nodi dewisiadau ar gyfer diogelu a gwarchod dioddefwyr a phlant sy’n agored i niwed.
• Gwybodaeth am ddeddfwriaeth stelcio a’r ffordd y mae cysylltiad annatod rhwng ymddygiad rheolaethol a gorfodol a digwyddiadau trais domestig.

Yn ystod y sesiwn, tynnir sylw at y ffaith y gall dioddefwyr fod yn wrywod neu’n fenywod.

 

Gweler ynghlwm y deunydd hyfforddi canlynol:

• Wyth cam Dynladdiad Domestig [Eight stages of Domestic Homicide]
• Hyrwyddwyr Mae Cam-drin Domestig yn Bwysig (deilliannau dysgu) [DA_Matters_Champions (learning outcomes)] 
• Ymatebwr Cyntaf Mae Cam-drin Domestig yn Bwysig (deilliannau dysgu) [DA_Matters_First_Responder (learning outcomes)] 
• Cam-drin Domestig 2022 – Wedi’i olygu [Domestic Abuse 2022 - Redacted]
• Diffiniad Newydd o Fregusrwydd 2 [New Vulnerability Definition 2]
• Rhestr Wirio’r Coleg Plismona ar gyfer Adeiladu Achos a Arweinir gan Dystiolaeth [COP Checklist building Evidence led case]

Mae peth deunydd wedi’i olygu gan ei fod wedi’i eithrio o dan Adran 31(1)(a)(b) – Gorfodi’r Gyfraith. Gweler gwaelod y ddogfen hon am esboniad.

Mae’r dogfennau a restrir isod wedi’u heithrio o dan Adran 31(1)(a)(b) – Gorfodi’r Gyfraith yn eu cyfanrwydd. Mae’r esboniad ar waelod y ddogfen hon yn amlinellu’r eithriad.

• Cynnig 7 Cam Hysbysiad Gwarchod rhag Trais Domestig-Gorchymyn Gwarchod rhag Trais Domestig F7
• Diogelu – Cymorth Cof ar gyfer Cynllunio Diogelwch F1

 

Ymateb 4:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Ydy

 

Ymateb 5:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Pythefnos yn benodol ar gyfer cam-drin domestig ar bob cwrs Fframwaith Cymwysterau Addysg Plismona.

 

Ymateb 6:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Mae swyddogion yn cymryd rhan mewn Hyfforddiant Ymatebwyr Cyntaf Mae Cam-drin Domestig yn Bwysig. Hefyd, mae’n orfodol i swyddogion a staff sy’n ymchwilwyr wylio pecyn ar-lein 2 awr anffurfiol, sef recordiad o ddigwyddiad GEG sy’n trafod pynciau megis cam-drin domestig, ymchwiliadau a arweinir gan dystiolaeth a mesurau arbennig.

 

Ymateb 7:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Wyneb yn wyneb.

 

Ymateb 8:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Grwpiau o tua 40.

 

Ymateb 9:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Ydy, ydy, oes – perfformiad cynllun datblygu cefnogol. 0 methiant.

 

Ymatebion 10 ac 11:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Hyfforddwyr mewnol cymwys – Ymchwilwyr cam-drin domestig profiadol.

 

Ymateb 12:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Gorfodol.

 

Ymateb 13:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Pob myfyriwr Fframwaith Cymwysterau Addysg Plismona.

 

Ymateb 14:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Mae’r cynnwys ar gyfer Fframwaith Cymwysterau Addysg Plismona wedi’i gyflwyno ers 2019. Mae’r cwricwlwm yn cael ei ddiweddaru yn unol â’r Coleg Plismona.

 

Ymateb 15:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Ddim yn benodol.

 

Ymateb 16:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

Amh.

 

Ymateb 17:

Gallaf gadarnhau bod Heddlu Dyfed-Powys yn cadw'r wybodaeth y gofynnir amdani, fel yr amlinellir isod.

	Dyddiadau	Nifer yr aelodau staff a gafodd eu hyfforddi
Mae Cam-drin Domestig yn Bwysig (Diwrnodau Hyfforddi URS)	23/04/19 – 16/07/19	887
Hyrwyddwyr Cam-drin Domestig	04/09/19 – 06/09/19	41
Hyfforddi’r Hyfforddwr Mae Cam-drin Domestig yn Bwysig	19/09/23 – 21//09/23	9
Ymatebwr Cyntaf Mae Cam-drin Domestig yn Bwysig	08/11/23 – 14/12/23	148
Ymatebwr Cyntaf Mae Cam-drin Domestig yn Bwysig	03/01/24 – 13/03/24	182

 

Ymatebion 18 a 19:

Amh.

 

Esboniad o’r eithriad a weithredwyd ar gyfer Cwestiwn 3

Mae eithriad Adran 31(1)(a)(b) Gorfodi’r Gyfraith wedi’i weithredu i ran o’r wybodaeth y gofynnwyd amdani, gan eithrio ei rhyddhau.

Mae Adran 1 Deddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod eithriadau’n gymwys, y ddyletswydd gyntaf dan Adran 1(1) (a) yw cadarnhau a yw’r wybodaeth a nodir mewn cais yn cael ei dal. Yr ail ddyletswydd dan Adran 1(1) (b) yw datgelu’r wybodaeth sydd wedi’i chadarnhau fel gwybodaeth sy’n cael ei dal.

Lle y dibynnir ar eithriadau, yn ôl adran 17 o’r Ddeddf Rhyddid Gwybodaeth, mae’n ofynnol inni roi hysbysiad i’r ceisydd sy’n:

a) nodi’r ffaith hwnnw,

b) nodi’r eithriad(au) dan sylw ac

c) Yn nodi (pe na fyddai’n amlwg fel arall) pam fod yr eithriad yn gymwys.

Adran 31(1)(a)(b) Gorfodi’r Gyfraith:

(1) Mae gwybodaeth sydd heb ei heithrio yn rhinwedd adran 30 yn wybodaeth eithriedig pe bai ei datgelu o dan y Ddeddf hon yn rhagfarnu, neu’n debygol o ragfarnu -

(a) atal neu ddatrys trosedd

(b) dal neu erlyn troseddwyr

Mae Adran 31 yn eithriad cymwys ar sail rhagfarn, ac o’r herwydd, mae angen darparu manylion am y niwed yn ogystal â’r prawf budd cyhoeddus.

Niwed Mewn Datgelu

Nid yw’r Ddeddf Rhyddid Gwybodaeth yn ystyried ymgeiswyr. Golyga hyn na allwn holi am gymhellion unrhyw un sy’n gofyn am wybodaeth, ac nid ydym yn gwneud. Drwy roi ymateb i un unigolyn, yr ydym yn mynegi parodrwydd i roi’r un ymateb i unrhyw un, gan gynnwys y rhai a allai gyflwyno bygythiad i’r DU.

Lle mae’n debygol y bydd datgelu’n cyfaddawdu prif swyddogaethau Heddlu Dyfed-Powys, sef atal a datrys troseddau yn ogystal ag erlyn troseddwyr, mae angen gwarchod gwybodaeth.

Mae gan ryddhau deunydd hyfforddi’r potensial i fod yn niweidiol gan y byddai’n rhoi mewnwelediad i’r ffordd y mae’r Heddlu’n ymateb i adroddiadau am grogi nad yw’n angheuol a digwyddiadau mogi nad ydynt yn angheuol. Mae posibilrwydd y bydd datgelu’n creu darlun ehangach, drwy roi manylion penodol am yr hyfforddiant a roddir i swyddog, a allai roi cudd-wybodaeth gadarnhaol i’r frawdoliaeth droseddol.

Gall datgelu gwybodaeth sy’n debygol o danseilio gallu’r gwasanaeth heddlu i wasanaethu’r cyhoedd drwy ddarparu’r prif swyddogaethau a nodwyd ond gael ei ystyried yn niweidiol i’r cyhoedd.

Prawf Budd Cyhoeddus

Ystyriaethau sy’n ffafrio datgelu:

Byddai datgelu’n caniatáu ar gyfer gwell ymwybyddiaeth gyhoeddus a didwylledd o ran adnoddau hyfforddi Heddlu Dyfed-Powys. O ganlyniad, byddai’r cyhoedd yn fwy gwybodus ynglŷn â ble mae arian cyhoeddus yn cael ei wario yn y maes plismona hwn ac yn cael gwell gwybodaeth am yr adnoddau sydd ar gael i atal a datrys troseddau. Yn ei hun, gall hynny arwain at leihau troseddau a rhoi mwy o hyder i’r cyhoedd adrodd am ddigwyddiadau trosedd, anhrefn ac ymddygiad gwrthgymdeithasol.

Ystyriaethau sy’n ffafrio peidio â datgelu:

Byddai datgelu’r wybodaeth y gofynnwyd amdani’n cael effaith andwyol ar blismona gweithredol. Byddai datgelu deunydd hyfforddi’n rhoi mantais weithredol sylweddol i unigolion neu grwpiau o fewn y frawdoliaeth droseddol oherwydd gellid defnyddio’r wybodaeth â golwg ar aflonyddu ar hyfforddiant neu ddatblygu tactegau a allai dynnu sylw oddi wrthynt. Byddai hyn yn amlwg yn peryglu gallu Heddlu Dyfed-Powys i ymateb yn briodol i weithgarwch troseddol, a thrwy hynny, amddiffyn y cyhoedd. 

Gellid defnyddio’r wybodaeth y gofynnwyd amdani i gyfaddawdu galluoedd gorfodi’r gyfraith drwy leihau gallu’r heddlu i ymladd trosedd, a fyddai’n cynyddu comisiwn trosedd, ac o ganlyniad, yn cael effaith andwyol ar ddiogelwch y cyhoedd yn ogystal â lleihau hyder y cyhoedd yn yr heddlu.

Prawf Cydbwyso

Ar ôl pwyso a mesur y buddiannau cystadleuol, yr wyf wedi penderfynu na fyddai datgelu’r wybodaeth y gofynnwyd amdani o fudd i’r cyhoedd. Ystyriaf nad yw’r budd a fyddai’n deillio o ddatgelu’r wybodaeth yn fwy na’r ystyriaethau sy’n ffafrio peidio â datgelu. 

Yn fy nhyb i, y rhesymau cryfaf dros ffafrio datgelu yw darparu gwell ymwybyddiaeth gyhoeddus a didwylledd o ran y ffordd y mae arian cyhoeddus yn cael ei wario, a pha un ai a oes digon o adnoddau gan Heddlu Dyfed-Powys i wario ar hyfforddiant.

Yn amlwg, ni all rhyddhau unrhyw wybodaeth sy’n debygol o gynorthwyo’r rhwydwaith troseddol ac effeithio ar ein galluoedd gweithrediadol a thactegol fod o fudd i’r cyhoedd, ac er ein bod ni eisiau cofleidio’r ethos o ddatgelu gwybodaeth, ni all hyn gymryd blaenoriaeth dros ddiogelwch y cyhoedd.

Mae peth o gynnwys y cwrs yn eiddo i’r Coleg Plismona. Mae tîm cyfreithiol y Coleg Plismona wedi’n cynghori i roi’r dogfennau amcanion cwrs ichi: Cyflwyniad PowerPoint Hyrwyddwyr Mae Cam-drin Domestig yn Bwysig fersiwn 1.1 a chyflwyniad PowerPoint Ymatebwyr Cyntaf Mae Cam-drin Domestig yn Bwysig fersiwn 3.1, ac os oes angen rhagor o wybodaeth arnoch, dylech gysylltu â’u tîm Rhyddid Gwybodaeth drwy anfon e-bost at: [email protected] neu drwy ysgrifennu at: Y Tîm Rhyddid Gwybodaeth, Y Coleg Plismona, Leamington Road, Ryton-on-Dunsmore, Cwfaint, CV8 3EN.                                             

 

                                                           

(Dyma ymateb o dan Ddeddf Rhyddid Gwybodaeth 2000 a ddatgelwyd ar 07/08/2024)