Pornograffi Ffugiad Dwfn 686/2024

Cyfeirnod Rhyddid Gwybodaeth: 686/2024

Cais:

1. Rhwng 1 Chwefror 2024 a 30 Mehefin 2024, sawl adroddiad a dderbyniwyd gan eich gwasanaeth heddlu’n honni’r drosedd o rannu delweddau neu fideos cignoeth a allai fod wedi’u trafod yn ddigidol i edrych fel rhywun arall heb ei ganiatâd, a adwaenir yn gyffredinol fel ‘pornograffi ffug’ neu ‘bornograffi ffugiad dwfn’ (sy’n dod o dan Ddeddf Diogelwch Ar-lein 2023)? Cynhwyswch nifer y troseddau honedig yr adroddwyd amdanynt yn ogystal â nifer yr unigolion h.y. pa un ai a oedd nifer o droseddau wedi’u hadrodd yn erbyn un unigolyn.

2. Rhwng 1 Chwefror 2024 a 30 Mehefin 2024, sawl gwaith wnaeth eich heddlu gyhuddo rhywun o dan y Ddeddf Diogelwch Ar-lein â’r drosedd o rannu delweddau neu fideos cignoeth sydd wedi’u trafod yn ddigidol i edrych fel rhywun arall heb ei ganiatâd, a adwaenir yn gyffredinol fel ‘pornograffi ffugiad dwfn’ er nad yw’r term hwnnw yn y ddeddfwriaeth. Cynhwyswch nifer y cyhuddiadau yn ogystal â nifer yr unigolion h.y. os oedd nifer o droseddau wedi’u hadrodd yn erbyn un unigolyn.

16.07.24  Gwybodaeth bellach gan y ceisydd:

Parth. Y cais rhyddid gwybodaeth hwn a gyflwynwyd wythnos diwethaf. Er eglurder ac i’ch helpu i ddod o hyd i’r wybodaeth, rwy’n gofyn am gyhuddiadau o dan y gyfraith ganlynol, sef Adran 66B, Deddf Troseddau Rhywiol:

66B

Rhannu neu fygwth rhannu ffilm neu ffotograff personol

(1)

Mae unigolyn (A) yn cyflawni trosedd —

(a) Os yw A yn rhannu ffotograff neu ffilm sy’n dangos, neu sy’n ymddangos fel pe bai’n dangos, rhywun arall (B) mewn cyflwr o natur bersonol yn fwriadol,

(b) Os nad yw B yn caniatáu i’r ffilm neu’r ffotograff gael ei rannu, ac

(c) Nid yw A yn credu’n rhesymol bod B yn cydsynio.

Mae’r ddeddfwriaeth lawn i’w gweld fan hyn:  www.legislation.gov.uk/cy/ukpga/2003/42/section/66B

Ymateb:

Medraf gadarnhau bod Heddlu Dyfed-Powys yn dal y wybodaeth y gofynnwyd amdani, fel yr amlinellir isod.

Cwestiwn 1:

0 (sero)

Cwestiwn 2:

0 (Sero)

Dylid nodi, oherwydd y systemau a fabwysiadwyd gan Heddlu Dyfed-Powys mewn perthynas â chofnodi materion o'r fath, y gallai'r wybodaeth a ddarperir fod yn gywir neu beidio.

(Dyma ymateb o dan Ddeddf Rhyddid Gwybodaeth 2000 a ddatgelwyd ar 05/06/2024)