Swyddogion heddlu a Nalocson 44/2024
Cyfeirnod Rhyddid Gwybodaeth: 44/2024
Cais:
- Faint o swyddogion sy’n gweithio i’ch gwasanaeth heddlu ym mis Rhagfyr 2023?
- O’r rhain, faint sy’n cario Nalocson?
- Ar gyfer pob un o’r blynyddoedd 2023, 2022 a 2021, sawl gwaith y defnyddiodd eich swyddogion Nalocson ar aelodau’r cyhoedd?
Ymateb:
Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.
Gallaf gadarnhau bod y gost o benderfynu a ydyw unrhyw wybodaeth sy’n ymwneud â’r cais hwn yn cael ei chadw ai peidio yn uwch na’r swm y mae’n ofynnol yn gyfreithiol i ni ymateb iddo, felly rydym yn atal yr holl wybodaeth y gofynnwyd amdani gan ein bod yn ystyried bod adran 12(2) ‘Esemptiad lle mae’r gost cydymffurfio yn uwch na’r terfyn priodol’, yn gymwys iddi.
Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth wedi’i hesemptio), roi i chi, y ceisydd, hysbysiad sydd: (a) yn datgan y ffaith honno, (b) yn pennu’r esemptiad o dan sylw, ac (c) yn datgan (os na fyddai hynny’n amlwg fel arall) pam bod yr esemptiad yn gymwys. Mae’r esemptiad canlynol wedi’i gymhwyso i’r holl wybodaeth yr ydych wedi gofyn amdani:
Adran 12(2) – Esemptiad lle mae’r gost cydymffurfio yn uwch na’r terfyn priodol
Mae adran 12(2) yn datgan: “Nid yw is-adran (1) yn esemptio’r awdurdod cyhoeddus rhag ei rwymedigaeth i gydymffurfio â pharagraff (a) o adran 1(1) oni bai y byddai’r gost amcangyfrifedig o gydymffurfio â’r paragraff hwnnw yn unig yn uwch na’r terfyn priodol.”
Mae’r gost o benderfynu pa wybodaeth sy’n cael ei chadw, os o gwbl, sy’n berthnasol i’ch cais yn uwch na’r swm y mae’n ofynnol yn gyfreithiol i ni ymateb iddo; h.y. mae’r gost o leoli ac adalw’r wybodaeth yn uwch na’r ‘lefel briodol’ fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 1,471 awr) i gydymffurfio â’r rhan hon o’ch cais. Gellir gweld y rheoliadau yn https://www.legislation.gov.uk/cy/uksi/2004/3244.
Mae’r Adran Rhyddid Gwybodaeth wedi cael ei hysbysu nad yw’r wybodaeth sy’n ymwneud â chwestiwn 3 eich cais yn cael ei chadw mewn fformat hawdd ei adalw. Mae hyn oherwydd y ffaith nad oes categori chwiliadwy penodol ar gyfer ein cofnodion dalfa o ran Nalocson neu debyg. Felly, byddai angen archwilio’n unigol i bob un o gofnodion y ddalfa er mwyn canfod a oes unrhyw ddata perthnasol yn cael eu cadw.
Canfuwyd bod 17,660 o gofnodion perthnasol y byddai angen eu hadolygu yn unigol â llaw, ac amcangyfrifwyd y byddai’n cymryd pum munud i bob cofnod unigol gael ei archwilio. Manylir ar yr amcangyfrifon amser perthnasol isod:
2021 – 6,525 o gofnodion dalfa x 5 munud fesul cofnod = 543.75 awr
2022 – 7,985 o gofnodion dalfa x 5 munud fesul cofnod = 665.4 awr
2023 (hyd at 12 Mai 2023) – 3,150 o gofnodion dalfa x 5 munud fesul cofnod = 262.5 awr
Felly, amcangyfrif o gyfanswm yr amser i gwblhau’r cais = 1,471.7 awr
Sylwer, y rheswm am y ffrâm amser fyrrach yn ffigurau amcangyfrif amser 2023 yw oherwydd bod newid yn y system cofnodi data yn golygu nad oes gennym ar hyn o bryd fynediad at y data sy’n berthnasol i’r cais hwn ar ôl 12 Mai 2023, hyd nes y gellir modelu data pellach, ond dylid nodi nad yw hyn yn cael fawr o effaith ar yr amcangyfrif amser a ddarparwyd, o ystyried y bydd cynnydd mewn nifer o gofnodion yn ymestyn yr amcangyfrif amser ymhellach y tu hwnt i'r terfyn 18 awr.
Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1). Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â mi.
Sylwer hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os ydynt yn berthnasol.
Er bod costau ychwanegol wedi dileu rhwymedigaethau’r heddlu o dan y Ddeddf Rhyddid Gwybodaeth, fel arwydd o ewyllys da rwyf wedi darparu gwybodaeth sy’n berthnasol i’ch cais, a adalwyd neu a oedd ar gael cyn y sylweddolwyd y byddai’r terfyn ffioedd yn cael ei dorri. Hyderaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd ar gyfer gweddill eich cais.
Cwestiwn 1
Ym mis Rhagfyr 2023, roedd gennym 1,295 o swyddogion yn yr heddlu.
Cwestiwn 2
Ar ddiwedd Rhagfyr 2023, roedd 248 o swyddogion wedi’u hyfforddi i ddefnyddio Nalocson yn Heddlu Dyfed-Powys. Y polisi erbyn hyn yw bod pob cwnstabl heddlu newydd yn dilyn hyfforddiant Nalocson fel rhan o’i hyfforddiant cymorth cyntaf.
Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 28 Chwefror 2024)