Arestiadau yn ôl cenedligrwydd 210/2024

Cyfeirnod Rhyddid Gwybodaeth: 210/2024

Cais:

Nifer yr arestiadau yn ôl cenedligrwydd ar gyfer 2022 a 2023.

Ymateb:

Mae adran 12(1) yn berthnasol fel gwybodaeth nad yw ar gael yn hawdd.

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau’n berthnasol, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a nodir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu’r esemptiad dan sylw, ac

(c) yn datgan (os na fyddai hynny’n amlwg fel arall) pam fod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani. Fodd bynnag, rydym yn atal yr holl wybodaeth y gofynnwyd amdani gan ein bod yn ystyried bod adran 12(1) – Esemptiad lle mae’r gost cydymffurfio yn uwch na’r terfyn priodol, yn gymwys iddi.

Adran 12(1) – Y gost cydymffurfio yn uwch na’r terfyn priodol

Mae adran 12(1) yn nodi’r canlynol:

“Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo, hy mae’r gost o leoli ac adalw’r wybodaeth yn uwch na’r “lefel briodol” fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004.

Amcangyfrifir y byddai’n cymryd mwy na 18 awr (hy lleiafswm o 413 awr) i gydymffurfio â’r rhan hon o’ch cais. Gellir gweld y rheoliadau yn: https://www.legislation.gov.uk/cy/uksi/2004/3244

Mae’r Adran Rhyddid Gwybodaeth wedi cael ei hysbysu nad yw’r wybodaeth mewn perthynas â’ch cais yn cael ei chadw mewn fformat hawdd ei adalw.

O ganlyniad i weithredu system newydd ar gyfer rheoli cofnodion yr heddlu, lle nad oes gennym y gallu ar hyn o bryd i echdynnu gwybodaeth yn ôl ‘geiriau allweddol’, byddai’n rhaid i ni, felly, wirio pob cofnod dalfa â llaw o 12/05/2023 ymlaen i echdynnu’r wybodaeth cenedligrwydd yn ôl y cais.

Amcangyfrifwyd y byddai’n cymryd o leiaf pum munud i ymchwilio pob cofnod unigol. Manylir ar yr amcangyfrif amser perthnasol isod:

4,955 cofnod @ 5 munud fesul cofnod = 413 awr

Cyfanswm yr amser yr amcangyfrifir i gwblhau’r cais cyfan = 413 awr

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr, ond o ystyried yr amcangyfrif amser a ddarperir uchod mae’n annhebygol y bydd mireinio’ch cais yn peri iddo fod o fewn y 18 awr gan y bydd yn rhaid dilyn yr un dull a’r un fformat. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â’r Uned Rhyddid Gwybodaeth.

Sylwer hefyd, os caiff y cais ei fireinio, nad yw’n dileu hawl yr Heddlu i ddyfynnu esemptiadau os ydynt yn berthnasol.

Ewyllys da:

Er bod costau ychwanegol yn dileu rhwymedigaethau’r heddlu o dan y Ddeddf Rhyddid Gwybodaeth i ddarparu unrhyw wybodaeth bellach, fel arwydd o ewyllys da, rwyf wedi darparu’r wybodaeth ganlynol, a hyderaf y bydd yn ddefnyddiol i chi. Nid yw’n effeithio ar ein hawl gyfreithiol i ddibynnu ar y rheoliadau ffioedd am weddill eich cais.

Arestiadau yn ôl cenedligrwydd ar gyfer 2022

Arestiadau yn ôl cenedligrwydd ar gyfer 2023

Noder: Dim ond ffigurau hyd at 12/05/2023 y mae’r tabl uchod yn eu darparu. Ni allwn echdynnu’r data y tu hwnt i’r dyddiad hwnnw fel mater o drefn, yn unol â’r cyngor yn adran 12(1) uchod.                                   

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddheir fod yn gywir neu beidio.  

Mae’n ofynnol yn rheolaidd i heddluoedd yn y Deyrnas Unedig ddarparu ystadegau trosedd i gyrff y llywodraeth a gosodir y meini prawf cofnodi yn genedlaethol.  Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai cyffredinol, ac ni ddefnyddir y gweithdrefnau’n lleol ychwaith i gasglu data troseddau.  Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 3 Ebrill 2024)