Ceir wedi’u dwyn o’r dreif 347/2024

Cyfeirnod Rhyddid Gwybodaeth: 347/2024

Cais:

A fyddech cystal ag anfon data ar faint o geir sydd wedi’u dwyn oddi ar y dreif rhwng mis Ionawr a mis Rhagfyr 2023. Byddwn hefyd yn croesawu unrhyw ddata sydd gennych ar fodel y car ac a oedd yn gerbyd heb allwedd.

Allech chi gyflwyno’r wybodaeth fel dogfen Excel gan rannu’r misoedd.

Er enghraifft:

Ionawr 2023 - XX nifer y cerbydau wedi’u dwyn / math o fodel / a oeddent heb allwedd - OEDDENT/NAC OEDDENT

Ymateb:

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod.

Dylid nodi, o ganlyniad i’r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddhawyd fod yn gywir neu beidio.

Ymhellach, dylid nodi hefyd ei bod yn ofynnol i heddluoedd yn y Deyrnas Unedig ddarparu ystadegau troseddau i gyrff y llywodraeth yn rheolaidd, a gosodir y meini prawf cofnodi yn genedlaethol. Fodd bynnag, nid yw’r systemau a ddefnyddir ar gyfer cofnodi’r ffigurau hyn yn rhai generig, nac ychwaith y gweithdrefnau a ddefnyddir yn lleol i gasglu’r data. Dylid nodi, am y rhesymau hyn, na ddylid defnyddio ymateb yr heddlu hwn i’ch cwestiynau at ddibenion cymharu ag unrhyw ymateb arall a gewch.

Ymateb yw hwn o dan y Ddeddf Rhyddid Gwybodaeth a ddatgelwyd ar 25 Ebrill 2024.