Data staff yr heddlu 264/2024

Cyfeirnod Rhyddid Gwybodaeth: 264/2024

Cais:

Ysgrifennaf atoch o dan Ddeddf Rhyddid Gwybodaeth 2000 i ofyn am yr wybodaeth ganlynol gennych.

1. Faint o swyddogion heddlu a gyflogir gan Heddlu Dyfed-Powys?
2. Faint ohonyn nhw sydd wedi cael eu fetio yn ystod a) y tair blynedd diwethaf, b) y pum mlynedd diwethaf, c) y ddeng mlynedd diwethaf?
3. Faint o swyddogion ydych chi wedi’u tynnu o’u dyletswyddau ar ôl iddynt gael eu fetio yn ystod y 10 mlynedd diwethaf?Dylid darparu’r data hwn fesul blwyddyn.
4. Faint o adroddiadau fetio sydd wedi dod i ben a heb eu hail-wneud?Faint o’r rheini sydd ar gyfer cyn-swyddogion?

Eglurhad:

• Mewn perthynas â chwestiwn 3, a fyddech cystal â nodi nifer y swyddogion sydd wedi’u diswyddo o’r heddlu, neu sydd wedi’u hatal dros dro / wedi’u hail-leoli i ddyletswyddau eraill oherwydd camymddwyn parhaus?

• Mewn perthynas â chwestiwn 4, rwy’n golygu hyn: fy nealltwriaeth i yw bod pob swyddog heddlu yn cael ei fetio pan fydd yn dod i mewn i’r heddlu, ac yn rheolaidd wedyn ar ôl iddo ymuno. Fy nghwestiwn yw: faint o swyddogion heddlu sydd heb gael adroddiad fetio newydd ar yr adeg pan oedd i fod i gael ei wneud, sy’n golygu y byddai eu cofnod wedi dyddio? Fodd bynnag, anwybyddwch yr ail ran.

Ymateb:

Mae adran 1 o Ddeddf Rhyddid Gwybodaeth 2000 yn gosod dwy ddyletswydd ar awdurdodau cyhoeddus. Oni bai bod esemptiadau yn gymwys, y ddyletswydd gyntaf yn adran 1(1)(a) yw cadarnhau neu wadu a ydyw’r wybodaeth a bennir mewn cais yn cael ei chadw. Yr ail ddyletswydd yn adran 1(1)(b) yw datgelu gwybodaeth y cadarnhawyd ei bod yn cael ei chadw.

Lle dibynnir ar esemptiadau, mae adran 17 o Ddeddf Rhyddid Gwybodaeth 2000 yn ei gwneud yn ofynnol i Heddlu Dyfed-Powys, wrth wrthod darparu gwybodaeth o’r fath (gan fod yr wybodaeth yn esempt), roi hysbysiad i chi, y ceisydd, sydd:

(a) yn datgan y ffaith honno,

(b) yn pennu’r esemptiad o dan sylw, ac

(c) yn datgan (os na fyddai hynny’n amlwg fel arall) pam bod yr esemptiad yn gymwys.

Gallaf gadarnhau bod Heddlu Dyfed-Powys yn cadw’r wybodaeth y gofynnwyd amdani, fel yr amlinellir isod. Fodd bynnag, rydym yn atal rhywfaint o’r wybodaeth y gofynnwyd amdani gan ein bod yn ystyried bod adran 12(1) ‘Esemptiad lle mae’r gost cydymffurfio yn uwch na’r terfyn priodol’, yn gymwys iddi.

Adran 12(1) – Esemptiad lle mae’r gost cydymffurfio yn uwch na’r terfyn priodol

Mae adran 12(1) yn datgan: “Nid yw adran 1(1) yn ei gwneud yn ofynnol i awdurdod cyhoeddus gydymffurfio â chais am wybodaeth os ydyw’r awdurdod yn amcangyfrif y byddai’r gost o gydymffurfio â’r cais yn uwch na’r terfyn priodol.”

Mae’r gost o ddarparu’r wybodaeth y gofynnir amdani mewn perthynas â’ch cais yn uwch na’r swm y mae’n ofynnol yn gyfreithiol i ni ymateb iddo; h.y. mae’r gost o leoli ac adalw’r wybodaeth yn uwch na’r ‘lefel briodol’ fel y nodir yn Rheoliadau Rhyddid Gwybodaeth a Diogelu Data (Terfyn a Ffioedd Addas) 2004. Amcangyfrifir y byddai’n cymryd yn hwy na 18 awr (h.y. lleiafswm o 496.75 awr) i gydymffurfio â’r rhan hon o’ch cais.Gellir gweld y rheoliadau yn https://www.legislation.gov.uk/cy/uksi/2004/3244.

Mae’r Uned Rhyddid Gwybodaeth wedi cael ei hysbysu nad yw’r wybodaeth y gofynnwyd amdani mewn perthynas â chwestiwn 2 ar gyfer y cyfnod rhwng 2014 a 2021 yn cael ei chadw mewn fformat hawdd ei hadalw ac y byddai’n cymryd yn hwy na’r terfyn amser priodol, h.y. 18 awr, i’w hadalw. Mae hyn oherwydd y ffaith nad yw’r system flaenorol a ddefnyddiwyd yn caniatáu i’r wybodaeth y gofynnwyd amdani gael ei hadalw’n hawdd, ac felly byddai angen i’r adran berthnasol archwilio pob ffurflen a gofnodwyd ar y system fetio yn unigol er mwyn canfod a oedd y ffurflen yn ymwneud â swyddog heddlu neu fath arall o ymgeisydd.

Amcangyfrifwyd y byddai’n cymryd o leiaf dair munud i archwilio pob ffurflen yn unigol. Canfuwyd bod cyfanswm o 9,935 o ffurflenni y byddai angen eu harchwilio. Manylir ar yr amcangyfrif amser perthnasol isod:

2014-2021: 9,935 o ffurflenni x 3 munud fesul ffurflen = 496.75

Mae amser cyfartalog y flwyddyn wedi’i gyfrifo fel cyfanswm o 62 awr.

Felly, amcangyfrif cyfanswm yr amser i gwblhau’r cais = 496.75 awr

Cwestiwn 2 (2022 hyd heddiw) a chwestiwn 4

Mae’r adran berthnasol wedi cynghori y gellir darparu ymateb o fewn y terfyn amser priodol, h.y. 18 awr.

Yn unol â Deddf Rhyddid Gwybodaeth 2000, mae’r llythyr hwn yn gweithredu fel hysbysiad gwrthod i’r cyfan o’r cais hwn o dan adran 17(5). Rhaid i awdurdod cyhoeddus sydd, mewn perthynas ag unrhyw gais am wybodaeth, yn dibynnu ar hawliad bod adran 12 neu adran 14 yn gymwys, roi hysbysiad i’r ceisydd yn datgan y ffaith honno o fewn yr amser ar gyfer cydymffurfio ag adran 1(1).

Efallai y byddwch am fireinio ac ailgyflwyno’ch cais fel ei fod yn lleihau’r amser a ddangosir uchod er mwyn bod o fewn y 18 awr. Os bydd arnoch angen rhagor o gyngor mewn perthynas â’r mater hwn, mae croeso i chi gysylltu â mi.

Sylwer hefyd, os caiff y cais ei fireinio, nid yw’n dileu hawl yr heddlu i ddyfynnu esemptiadau os ydynt yn berthnasol.

Er bod costau ychwanegol wedi dileu rhwymedigaethau’r heddlu o dan y Ddeddf Rhyddid Gwybodaeth, fel arwydd o ewyllys da rwyf wedi darparu gwybodaeth sy’n berthnasol i’ch cais, a adalwyd neu a oedd ar gael cyn y sylweddolwyd y byddai’r terfyn ffioedd yn cael ei dorri. Hyderaf fod hyn yn ddefnyddiol, ond nid yw’n effeithio ar ein hawl gyfreithiol i ddibynnu ar y rheoliadau ffioedd ar gyfer gweddill eich cais.

Cwestiwn 1

Ateb:Cyflogir 1,283 o swyddogion heddlu.

Cwestiwn 3

Ymateb yw hwn o dan Ddeddf Rhyddid Gwybodaeth 2000 a ddatgelwyd ar 10 Ebrill 2024.