Noeth-chwiliadau gan swyddogion trawsryweddol 215/2024
Cyfeirnod Rhyddid Gwybodaeth: 215/2024
Cais:
- Cadarnhad a ydych wedi mabwysiadu canllawiau Cyngor Cenedlaethol Penaethiaid yr Heddlu, a gymeradwywyd ym mis Rhagfyr 2021, ar swyddogion trawsryweddol yn gallu cynnal noeth-chwiliad ar aelodau o’r rhyw arall.
- Os nad yw wedi'i fabwysiadu eto, y dyddiad y rhagwelwch y caiff ei weithredu.
- Pa ymgynghoriad (gan nodi pa grwpiau ac yn arbennig, pa grwpiau menywod) a gynhaliwyd fel rhan o'r broses weithredu (posibl)?
- Dyddiad a chopi unrhyw asesiad o’r effaith ar gydraddoldeb a gynhaliwyd fel rhan o'r broses hon.
- Copi o'ch polisi staff trawsryweddol / polisi chwilio.
- Cadarnhewch beth fydd eich polisi mewn perthynas ag unrhyw berson sy'n gwrthwynebu noeth-chwiliad gan swyddog y maent yn credu ei fod o'r rhyw arall. Cadarnhewch a fydd hwn yn cael ei gofnodi fel trosedd casineb/digwyddiad casineb nad yw'n drosedd ar ran y person sy'n cael ei chwilio; neu a fydd gan y person sy'n cael ei chwilio yr hawl i honni ymosodiad rhywiol, os yw'r person hwnnw o'r farn mai dyma'r achos.
- Cadarnhewch beth fydd eich polisi o ran bod swyddogion/staff benywaidd yn cynnal noeth-chwiliad ar bobl a aned yn wrywod, ac a fyddwch yn eu cefnogi i beidio â gorfod cyflawni’r rhain fel rhan o’u dyletswyddau pan fo angen i’r unigolyn gael gwasanaeth swyddog/staff benywaidd.
Er eglurder, mae angen yr wybodaeth hon arnaf mewn perthynas â; A. Chwiliadau y tu allan i leoliad ffurfiol y ddalfa, y cyfeirir atynt fel arfer fel 'chwiliadau stryd' a B. Chwiliadau yn y ddalfa yn ffurfiol.
- Ydy chwiliadau'n cael eu ffilmio ar gamera?
Ymateb 1:
Gallaf gadarnhau bod Heddlu Dyfed-Powys yn cadw'r wybodaeth y gofynnwyd amdani, fel yr amlinellir isod.
Nac ydym
Ymateb 2:
Gallaf gadarnhau bod Heddlu Dyfed-Powys yn cadw'r wybodaeth y gofynnwyd amdani, fel yr amlinellir isod.
Nid oes dyddiad gweithredu ar hyn o bryd.
Ymateb 3:
Gallaf gadarnhau bod Heddlu Dyfed-Powys yn cadw'r wybodaeth y gofynnwyd amdani, fel yr amlinellir isod.
Ni fabwysiadodd Heddlu Dyfed-Powys ganllawiau Cyngor Cenedlaethol Penaethiaid yr Heddlu a chynhaliwyd ein proses ymgynghori ein hunain i ddatblygu polisi ar y pryd. Roedd y rhai yr ymgynghorwyd â nhw yn cynnwys yr Adran Adnoddau Dynol, UNSAIN, Ffederasiwn yr heddlu,rhwydweithiau cefnogi staff, Stonewall, uwch swyddogion. Fodd bynnag, mae'r polisi hwn bellach yn cael ei adolygu.
Ymateb 4:
Gallaf gadarnhau nad oes unrhyw wybodaeth yn cael ei chadw gan Heddlu Dyfed-Powys oherwydd nad yw’r wybodaeth hon yn cael ei chofnodi gan Heddlu Dyfed-Powys.
Ymateb 5:
Gallaf gadarnhau bod Heddlu Dyfed-Powys yn cadw'r wybodaeth y gofynnwyd amdani, fel yr amlinellir isod.
Mae Polisi Traws Heddlu Dyfed-Powys yn cael ei adolygu ar hyn o bryd.Nid oes dyddiad gweithredu ar hyn o bryd.
Ymateb 6:
Gallaf gadarnhau nad oes unrhyw wybodaeth gan Heddlu Dyfed-Powys oherwydd bod y polisi/canllaw yn cael ei ddrafftio ar hyn o bryd.
Ymateb 7:
Gallaf gadarnhau nad oes unrhyw wybodaeth gan Heddlu Dyfed-Powys oherwydd bod y polisi/canllaw yn cael ei ddrafftio ar hyn o bryd.
Ymateb 8:
Gallaf gadarnhau bod Heddlu Dyfed-Powys yn cadw'r wybodaeth y gofynnwyd amdani, fel yr amlinellir isod.
Ni ddylid ffilmio noeth-chwiliadau a dylid diffodd camera corff.
Yn ardaloedd y ddalfa rydym yn defnyddio celloedd gyda chamerâu ond mae'r rhain yn cael eu diffodd ar y prif fonitor. Mae'r broses hon hefyd yn cael ei chynnwys ar deledu cylch cyfyng mewnol sy'n cwmpasu'r monitor.
Dylid nodi, o ganlyniad i'r systemau a fabwysiadwyd gan Heddlu Dyfed-Powys mewn perthynas â chofnodi gwybodaeth o’r fath, y gallai’r wybodaeth a ryddhawyd fod yn gywir neu beidio.
(Ymateb yw hwn o dan Ddeddf Rhyddid Gwybodaeth 2000 ac fe’i datgelwyd ar 16 Ebrill 2024)